مأساه

ماساه الاخيره

ماساه
الحلقه الثامنه والاخيره

حوريه تحدث نفسها
انا مش ممكن اسيبه كده قلبي بيتقطع عليه وهو بالشكل ده انا لازم اروح ل ليلي وافهمها اللي حصل
................
وفعلا ذهبت ل ليلي في بيتها ولم تقول لاحد بل قالت انها ذاهبه لامها حتي لا يعلم احد بهذه الزياره
حوريه:ازيك ياابله ليلي
ليلي:ابله الله يسلمك خير  انتي مش خطفتيه من علي مراته وارتحتي  وهتجبيله العيل اشبعو ببعض سيبهالك مخضره
حوريه:يعلم ربي اننا كنا كما الاخوات مافيش غير المره اللي جه متعصب يوم تعب الولا عشان ماردتش عليه وبهدتله عشان كنت زعلانه علي ابني فعمل كده من عصبيته ورجع ندم واتاسف ومن ساعتها والله مالمسني
ليلي:كل ده مش هيغيرحاجه مره زي اتنين زي عشره المهم انك.حامل مته
حوريه :والله ياابله حالته عدم وزي الزفت ابوس ايدك ارجعيله
ليلي:انتي هتلعبيهم عليا يابت قومي امشي من هنا مش طايقه اشوف وشك
....................
خرجت حوريه تبكي وذهبت الي البيت وعندما سالها  قالت كنت عند امي ولاحظ عيناها الحمراوتان عندما تبكي وهو اللي عند امه بيعيط كده
حوريه:اصل عيني اطرفت اعملك العشا
طاهر :كلت مع امي
وذهب تاني يوم الي العمل
ليلي:بلاش الحركات القارعه دي وطلق
طاهر:حركات ايه تقصدي ايه
ليلي:باعتلي الست هانم تترجاني ارجع وتحلف وتتحالف
طاهر:مين حوريه جاتلك
ليلي :انت هتلعب عليا وكرشتها وطردتها شر طرده
طاهر :تصدقي انك واحده غبيه وانا كنت مخدوع فيكي مش عارف ايه اللي خلاني اتخدع فيكي السنين دي واحبك انتي طالق وورقتك هتوصلك
ليلي:والله لاخلي بابا يرفدك
طاهر :طظ فيكي وف ابوكي عندي ارضي ازرعها مع ابويا وابقي ملك ولا واحده زيك تتحكم فيا
.......................
وخرج من العمل مبكرا ليس كعادته
وذهب الي بيته
طاهر :حوريه فين
امه:بترضع ابنها فوق
كانت حوريه ترتدي قميص نوم حتي يكون لا صدر له كي تعرف ترضعه  وتعرف ان لا احد سياتي في هذا الوقت
ولكنها فوجأت بطاهر امامها فادخلت صدرها وضعت طفلها وقامت
حوريه بخجل لانها لاترتدي هكذا امامه وقد فاجاها بوجوده:انت ايه اللي جابك
طاهر:جاي بيتي امشي يعني وانا لازم استاذن وانا داخل علي مراتي
واقترب منها :انتي كنتي فين امبارح
ففهمت ان ليلي قالت له
فحاولت التبرير والله رحتلها عشانك لما شوفت حالتك ماقدرتش اشوفك كده
طاهر :مالها حالتي محسساني اني بشد ف شعري وانتفه شعره شعره ماانا زي الفل اهو
حوريه:لا حساك زعلان
طاهر:يعني حاسه بيا اوي ويقترب اكتر فتخجل وتضع راسها ف الاسفل فيرفع راسها الي اعلي
ولاول مره يري لون عينها اللبني الصافي دون احمرار الدموع
طاهر:يابنت الذين ويعض علي شفتيه ايه السما الصافيه الي غرقت فيها دي دا موج البحر قاعد ياخدني ويوديني
فتعود للخلف لتلتصق بالجدار
في ايه ياطاهر مالك
انا اول مره اخد بالي منك اتاري امي كانت تقول زي لهطه القشطه
فتبتسم من الكلمه بخجل
طاهر:دا انتي تحلي من علي حبل المشنقه
حوريه :اعقل ياطاهر عشان مراتك
طاهر :انا طلقتها وفضتلك ياجميل
حوريه :نهااارسوح
ويقبلها قبله تدوخ منها لاول مره تشعر هذا الاحساس لاول مره هذا الشوق ولكنها لا تصدق انها اخيرا وقعت ف الحب الذي طالما تمنته وتخشي ان تفوق علي كابوس فتقاوم وتجري لتطلع تجري ع السرير
لا ياسي طاهر بلاش الله يكرمك عشان خطري ماتعملش فيا كده
طاهر :في ايه يابت انتي مش مراتي وحامل مني
محسساني انها اول مره
حوريه :لا المره اللي فاتت كانت غصب
طاهر : والله مانا سايبك دا انا كنت اعمي لها حق تغير منك دا انا كنت مجوز خنفسه
يجذبها اليه فقد خارت قواها ولم تستطع المقاومه فهي احبته حبا حقيقيا فقد احست باللهفه والشوق  التي طالما تمنتهما
واصبح زوجها يذهب للزراعه وتاخذ له الاكل ليتغديان سويا
طاهر:بحبك عمري ماتخيلت اني احب حد كده جننتيني يابنت الايه ياشقيه انتي
حوريه :وانا والله لما بتقرب مني كده جسمي بيتلبش
طاهر:ليه عفريت
حوريه :بسم الله الرحمن الرحيم
لا بس قربك مني بيولع جسمي نار
طاهر :دا الحب ولع ف الدره ياجدعان
طب اتلمي بدل مانمثل جذر البطاطا هنا واخدك ف الدره
حوريه:انا ماشيه ياخويا لحسن جتتي مش خالصه لتعملها بجد
طاهر:خديني معاكي وانا هستني بعد الكلمتين دول
ياااابه انا ماشي خد بالك من الارض

(وعسي ان تكرهوا شيئا ويجعل الله فيه خيرا كثيرا)
لو علمتم مافي الغيب لاخترتم الواقع