مأساه

يظل الحال كماهو حتي يظن الانسان ان حياته اصبحت ماساه لا مفر منها
ثم يبدل الله الحال الذي كان من المحال ان يتبدل
فثق فالله انه سيعوضك
البوست المجمع ل ماساه
الحلقه الاولي
في قريه من قري مصر يسكن سعيد وزوجته وولديه خضر 32 سنه دبلوم يعمل ف الفلاحه مع والده وايضا يتاجر ف الاراضي الزراعيه وطاهر 27  سنه ب تجاره ويعمل في شركه مع ليلي التي يحبها منذ الجامعه وابوها مدير لهذه الشركه وهو سبب تعينهم
خضر رافض للزواج وامه هتتجنن وتجوزه وكمان ماجله جواز اخوه ومش راضيه تخطبله الا اما خضر يتجوز  عشان يبقي حافز له انه يجوز عشان خاطر اخوه والا لن يتزوج عمره
......................
ام خضر:شوف بقي المره دي لو ماسمعتش كلامي لا انت ابني ولا اعرفك
البت حوريه بنت سعاد بت ماشاء الله بياض وحمار وحلاوه وكامله من مجميعه ومتعلمه ودبلون دي عينها زرقا وشعرها اصفر ولسه ماجاتش العشرين
خضر:بس دي صغار اوي يامه واني ماليش نفس وياها
امه:داانت سيد الرجاله وهم يطولو دا انت عندك دار واسعه وشقتك وشقه اخوك فوقنا متوضبه مافيش منها ولك ارضك وتجارتك وبهايمك دا يستمنو بس انت وافق واياك تكسفني
خضر :خلاص يامه اللي تشوفيه انا تعبت وياك وزهقت من الزن كل يوم
امه:خلاص اني هكلم سعاد واجس النبض واقولك
...........................
وفعلا لم تكدب خبر وذهبت الي سعاد التي سرعان مارحبت 
سعاد:واحنا نلتقي زي خضر دا زينه الرجال
ففرحت امه وقالت طب اسالي ابوها بقي وبلغيني نجيب الرجاله ونيجي
...............
سعاد:اسكت ياابو حوريه ام خضر جت تخطب حوريه لخضر
ابو حوريه:خضر مايتعيبش دا ماسك تجاره الاراضي ف البلد ومافيش ارض بتعدي من تحت يده وغير كده هيورث من ابوه فدادين وبهايم
توكلي علي الله وخليهم يجو
..................
سعاد:الحقي يابت خضر عاوز يخطبك
حوريه:يانهار يامه داتخين وشكله كبيرعليا دا فوق ال30 وانا لسه ماكملتش العشرين
سعاد:ياهبله هو الراجل يعيبه غير جيبه
حوريه:وانا اعمل ايه بجيبه يامه مش كل حاجه الفلوس
سعاد:امال حب وكلام فارغ دا ابوكي يقطع خبرك احنا ادينا كلمه والرجاله جايين يقرو الفاتحه
حوريه:حرام عليكو والله داانا لو مش بنتكو ماتعملوش كده هو انا بايره دا الف من يتمنامي
وتركتها امها وهي حزينه
ياربي حتي اهلي مش حاسين بيا يارب احمني برحمتك
فكثير منا يظن انه يؤمن حياه بنته بان تاخذ شاب غني حتي لو لم يكن بينهما اولفه اعتقادا منه ان الحب سياتي بعد الزواج وفعلا احيانا يحدث واحيانا لا
وظلت تفكر وتقول يارب انا راضيه بقضاءك وقدرك لو كان هو ده الخير ليا (وعسي ان تكرهو شيئا وهو خير لكم)
وتقول لو علمتم مافي الغيب لاخترتم الواقع
.................
وفعلا ذهب خضر ووالده واعمامه وخيلانه كما يحدث ف الارياف وقرو الفاتحه وشربو الساقع واتفقو ان يذهبو لشراء الشبكه غدا ويلبسوها ف الصاغه  والفرح بعد شهر  يكتبو ف الجامع ويشهرو وياخد العروس من بيتها
وامه وخالاته مع الحريم
ام خضر:تعالي يابني
فاقتربت منها حوريه
امه:خضر طيب وابن حلال حطيه ف عنيكي يابتي
وتساعديه ف شغله وماتخليش عندك جهد انك تقفي جمبه
فاكتفت بابتسامه بسيطه
...............
في الشر كه
طاهر:خلاص ياليلي عقدتنا اتحلت وخضر هيخطب ويجوز وبعدها هقول لامي تكلم ابويا يجي يخطبك
لحسن انا استويت كل يوم شايفك ولا قادر اكلمك ابوكي يقفشنا ولا المسك لماتعبت
دا احنا قصتنا تنفع روايه من الجامعه بحب فيكي
ليلي:طب حاسب بابا يقفشنا ويرفدنا احنا الاتنين
طاهر؛ لا علي ايه هنجي للاخر اللي خلانا نستحمل دا كله اول اما يجوز خضر ونفوق من جوازته هكلمهم
ليلي:لحسن انا تعبت مع بابا من كتر الحجج كل اما يتقدملي عريس وسني كبر وانا مستنياك
طاهر:هانت وربنا هيقرب البعيد بحبك والله
ليلي:وانا بموووت فيك امال مستحمله ده كله ليه
طاهر:يلا نخش المكتب لحسن الموظفين بداو يلاحظو واقفتنا طولت

..........................
وفعلا تم الفرح واخذ العريس عروسه الي شقتهما