بارت 3
قمر قاعدةفي انتظار ريم و الساعة بقت 5 وبعد شويه الساعة بقت 6 و ريم جت
قمر : كل دا يا حجة اتاخرتي لي
ريم : معلش يا قمري كنت بعمل مع ماما حاجة
قمر : سماح المرادي
ريم : حبيبي يلا تعالي نشوف هنعمل اي
قمر : ماشي ياختي يلا
طلعو غرفة قمر
*** *** *** *** *** *** *** ***
{ عند كيان }
بعد ما ركب عربيته لقي اخوه باصصله بصة غريبة
كيان : مالك بتبصلي كدا لي
مالِك : مش عارف بس البنات اي قمر
كيان : لم نفسك ويلا عشان نمشي
مالك : احنا هنضحك علي بعض عينك كانت بتلمع وانتي بتبصلها
كيان : هي مين
مالك : البنت الي كانت بتطبطب علي صاحبه العربيه
كيان : ولااا لم نفسك انا بس عجبني طريقة كلامها و احترامها
مالك : هعمل نفسي مصدق
كيان بصله بغيظ وكمل سواقة ووصل لحد الجامعة
كيان : يلا بقي انزل زهقتني برغيك دا
مالك : انا زهقتك زهقت مني اخص عليك دا انا زي اخوك برضو
كيان : يلا ياض غور من هنا
مالك : بزمتك في دكتور محترم يقول ياض
كيان بغيظ : يلا من هنا بدل ما انت عارف الي هيحصل
مالك : ما انا بقول كدا برضو
كيان : مجنون والله
مشي كيان من الجامعة و راح المستشفي و شاف نوح وسلم عليه
نوح : ما لسه بدري يا بشمهندش
كيان : يا عم انا مش فايقلك حصل حاجة كدا فتاخرت
نوح غمزله : اي الي حصل هاا
كيان : مالك بتعمل كدا لي
نوح : لا بس حاسس ان الحاجة دي حاجة حلوة
كيان : نوح مش نقصاك مش حلوة ولا حاجة كل الحكايه اني خبط عربيه واحدة و عشان كدا اتاخرت
نوح : مش بقولك حلوة ها بقي اي الي حصل
كيان : محصلش اديتهم تعويض و الكارت بتاعي عشان لو طلع التكاليف عاليه بس
نوح : اديتهم افهم من كدا انهم كتير مش واحده
كيان : هم اتنين و يلا بقي علي شغلك عشان في ضغط انهاردة
نوح : ماشي يا سيدي
كيان ونوح كل واحد راح يشوف المرضي الي عنده
*** *** *** *** *** *** *** ***
{ عند قمر }
قمر : ريم ماما نامت هي وبابا انا هنزل اجهز حاجة ناكلها تكوني شوفتي فيلم حلو نتفرج عليه اوك
ريم : اوك بس متتاخريش
قمر : حاضر انا نازلة
نزلت قمر وحضرت باستا من الي بيحبوها وفشار و بيبسي
و طلعت غرفتها لريم
واول ما دخلت ريم اتخضت وصوتت جامد
ريم بخوف : مين خضرتك
قمر بضحك : مالك يا بت انتي وصوتي كدا لي
ريم : انتي مين
قمر : اي يا هبله انا قمر مالك
ريم : مستحيل قمر اي انتي مش شايفة نفسك
قمر بعدم فهم : مالي في اي
ريم : اسبتيلي انك قمر و قولي سر من اسراري
قمر : انتي اتهبلتي و لا اي بس ماشي يا ستي هقولك اممممم اه لقيتها انتي الي رميتي الورقة علي الدكتور ومحدش عرف انا بس عشان كنت قاعده جنبك
ريم بخوف : والله من غير قصدي بس كدا اتاكدت انك قمر بس شكلك عامل كدا لي انا خايفة
قمر : مالي يا بنتي
ريم : بصي في المرايا
قمر بصت في المرايا و فجأة ......
يتبع......
••• ••• ••• ••• ••• ••• ••• ••• •••
هكمل في البارت الجاي
ياتري اي الي حصل
رايكم يهمني ♥😊
أنت تقرأ
قمر الليل 💙🌚
Mystery / Thrillerفتاه جميله تتحول في الليل لأمراة بشعة و عجوز يحدث في كل ليله وهل ستجد من يحبها كما هي بتغيرها في الليل ؟ وهل ستجد حلاً لما يحدث لها؟!
