قمر الليل 💙🌚

بارت «12» من روايه قمر الليل🌚💙

بارت ١٢

البنات رجعوا لبيتهم و نوح و كيان قعدوا مع بعض شويه

نوح : ثانيه يا كيان هكلم ريم اطمن أنها وصلت وارجعلك

كيان : اه صح محكتليش ارتبطوا ازاي

نوح : هكلمها وارجعلك

كيان بتفهم : في انتظارك
خرج نوح يكلم ريم واطمن أنها وصلت ورجع لكيان وحكي ليه الي حصل

***********
وعدي الليل بسلام

وتاني يوم صحيت قمر وراحت الجامعة بتاعها مع ريم واتفاجات بوجود كيان واقف منتظرها

قمر : كيان انت اي الي جابك
رد عليها باستغراب : اي الي جابني ؟!
حمحمت وردت بحرج : قصدي ازيك في حاجة ولا اي

كيان : لا بس حابب اتكلم معاكي في موضوع مهم ولسه فاضل ربع ساعة علي المحاضرة ومش هاخرك متخافيش

قمر : ماشي

ريم : طيب هدخل انا وهستناكي جوة، سلام ياكيان

كيان : سلام ورجع بص لقمر واتكلم: بصي بصراحة أنا مش قادر استني وحابب اجي اخطبك بكرا

قمر انصدمت من كلامه : ت ت ت اي ؟

كيان : اخطبك في اي مالك

قمر : هاا لا مفيش ، خلاص هقول لبابا

ابتسم ليها : اوك خلاص يلا علي محضرتك عشان متتاخريش و خدي بالك من نفسك

قمر ابتسمت بخجل : اوك سلام

ودخلت الجامعة وراحت لريم

ريم بخبث : هاا قوليلي بقي كان عايزك في اي

قمر وماذالت مصدومه : عاا..عايز يخطبني

ريم بفرحة : هيه هيه بجد يعني خلاص اخيرا هلبس فستان وهرقص وكدا

قمر بدهشه : هو دا الي همك دلوقتي انا كدا في مشكله هو لسه مبعرفش الحقيقة و هيهخطبي وكدا هبقي خدعته

ريم : لا مش خدعتيه ولا حاجة بس كدا هيكون احسن عشان يكون في حاجة بتربطكم وتقدري تقابليه وتتعرفوا علي بعض و تحكيله

قمر: طيب ماشي يلا علي المحاضرة عشان منتاخرش

دخلوا المحاضرة و خلصوا يومهم وهم خارجين

ريم : هو الواد دا اسلام دا بيبصلك كدا لي

قمر بذهق : اعمله اي هو اصلا رخم مش عايزة احتك بيه ويحصل مشكله اول ما بشوفه بطني بتوجعني

ريم بضحك : يخربيتك اسكتي دا جاي علينا

اسلام : قمر ممكن ثواني

لفت ليه قمر باستغراب : نعم

اسلام : عايز اخد رقمك

قمر : افندم

رد عليها بثقة ونظره مقززة : زي ما سمعتي

قمر : لا طبعا و دا لي ان شاء الله

اسلام : انا حطيتك في دماغي وعايزك وهعمل الي عايزه وطلما قلت حاجة هتتنفز

قمر : امشي احسن لك واياك تقرب مني تاني ولو فكرت تعملي حاجة هتندم ندم عمرك

اسلام : لما نشوف سلام يا.... قمر

بصت ليه بشمازاز خدت ريم ومشيوا ووصلت البيت وجمعت مامتها وباباها عشان تقولهم الي قاله كيان

قمر : انا جيت يا اهل الدار يا دودو يا هدهد انتي فين عايزاني في موضوع مهم

هدي : انا اهو يا آخره صبري نعم

قمر : تعالي بس اقعدي يا ست الكل

هدي : وادينا قعدنا انطقي بقي في اي

قمر : اصل.... ك...كا

هدي : ك ك كل اي

قمر بتوتر : ماما كيان كلمني انهاردة وقال عايز يخطبني بكرا

هدي بفرحة : لولولولي مبروك ياروحي اخيرا هشوفك عروسه

قمر : المشكله اني خايفة ناخد الخطوة دي وبعدين يعرف حكايه اللعنه دي واكون كدا خدعته

هدي : خدعتي اي لا طبعا انتي شوفي الاول ويجي يخطبك بعديها بفترة قولي له وهو لو بيحبك فعلا مش هيسييك وبكدا اللعنه هتتفك وانتي الكسبانه

قمر : بس انا مش عايزة اظلمه معايا و استغله عشان اللعنه تتفك من عليا

هدى : لا متخافيش انتي مش بتستغليه انتي بتشوفي هو فعلا بيحبك ولا لا و بكدا تكوني ضربتي عصفورين بحجر فكيتي اللعنه و كمان هتتخطبي

قمر : طيب يا ماما ابقي عرفي بابا وانا هدخل انام دلوقتي عشان بكرا ورايا حاجات كتير و كلها دقيقتين وهتحول

هدي : ماشي يا قمري تصبحي علي خير

*******************
يا تري اي الي هيحصل مع قمر و كيان ؟!

متنسوش ال Vote باليز دا دعم كبير ليا 😁 وبعدين فين التفاعل الحمد لله بدأ اعداد المشاهده تزيد بس مفيش Vote 🥲 ينفع كدا هصوت واجيب حد يصوت 😂😂
الVote يا خلق ال Vooooote😊😂