بارت 9
كيان خرج ركب عربيته و كان سعيد جدا وكان في طريقة للمستشفي وكلم نوح عشان يعرفة انهم هيخرجو
كيان : نوح
نوح : يا نعم
كيان : لازم نخلص كل الي ورانا انهاردة قبل الساعة 3
نوح : اشمعنا
كيان : عشان هنخرج
نوح : هنخرج فين ومع مين
كيان : مع قمر وريم
نوح : بجد وريم كمان
كيان بخبث :اه و ريم و انت فرحان كدا لي
نوح :ها لا لا مفيش
كيان : لو هتخبي علي الناس كلها مش هتعرف تخبي عليا
نوح : معاك حق والله دايما بتقفشني
كيان : ايوة احكي
نوح : مفيش يا سيدي حسيت اني منجزب شويه لريم
كيان : منجزب شويه شويه بس
نوح : اه شويه
كيان : يابني انت مش شايف نفسك انت هتموت عليها و مدلوق اوي
نوح : هي سمعتي وحشه للدرجة دي
كيان : اه وعينك فضحاك
نوح : خلاص بقي اقفل علي الحوار دا هنروح فين وازاي هتخرج معاها وانتو مفيش اي حاجة تربطكم
كيان : هنروح نتغدا و نخرجهم ونروح اماكن بيحبوها و انا استاذنت باباها عشان اخرج معاها و وافق بس بشرط اننا منتاخرش و يكون معنا حد فانا قلت ناخدك انت وريم
نوح : طيب وهم عارفين
كيان : لا وانا مش معايا رقمها فمش هعرف اقولها بس لما تيجي الساعة3 هيخلصوا جامتهم وهنقابلهم هناك و اقولها
نوح : طيب يلا بقي هروح اخلص الي ورايا عشان الحق
كيان : ماشي وانا كمان هخلص اهو
**************************
«في فيلا محمد»
هدي : انت سمحتلهم يخرجو
محمد : اه بس مش لوحدهم
هدي بخوف : طيب وافرض انهم اتاخروا و قمر اتحولت
محمد : قلتلهم ميتاخروش و هو كدا كدا مسيره هيعرف
هدي : بس مش لازم يعرف دلوقتي لما يقعد معاها حبه و يتعلق بيها وبعدين نقدر نقله عشان نكون واثقين انه مش هيسيبها
محمد : متخافيش ريم و قمر عارفين كويس انهم مش المفروض يتاخروا و هيجوا علي المعاد ومش هيحصل حاجة
هدي : ربنا يستر
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
«في الجامعة »
قمر : انا تعبت اوي اخيرا هنمشي
ريم : وانا والله يلا بينا
قاطعهم دخول مالِك
مالك :ازيكم يا بنات
ريم :الحمد لله
مالك : انسه قمر عامله اي دلوقتي
قمر : الحمد لله بخير احسن من الاول
مالك : طيب الحمد لله انا قلت اسلم عليكم و اطمن عليكي
قمر : شكرا علي سؤالك
مالك : العفو استاذنكم انا
قمر و ريم : اذنك معاك
مشي مالك
قمر : يلا يا ريم
ريم : ماشي يلا
خرجت قمر و ريم واستغربوا من وجود كيان و نوح
كيان : قمر
قمر: نعم
كيان : تعالي معايا ، نوح خد ريم
نوح : اشطا يلا يا ريم
ريم :يلا فين
كيان : اركبي بس وهو هيفهمك ، يلا يا قمر
قمر: مش هركب غير لما افهم رايحين فين و ناويين علي اي
كيان : علي كل خير
وشدها من ايدها ودخلها العربيه و ريم ركبت مع نوح وراحوا لمطعم جميل وهادي وشكله تحفة
ريم بنبهار : الله المطعم بجد تحفة
نوح : و اكله اتحف تعالي بس
نوح اخد ريم ودخلوا
قمر : انت جايبني هنا لي
كيان : والله هفهمك كل حاجة بس ادخلي
قمر بعناد : لا مش هدخل هاا
كيان شالها و دخل بيها المطعم والناس كلهم عينهم عليهم
قمر : اي الي بتعمله دا نزلني
كيان : ما انتي الي عناديه ومش راضيه تدخلي
قمر :بس دا مش معناه انك تعمل كدا
كيان : هتفضلي ترغي كتير مش هنزلك
قمر : غتت و رخم
كيان : سامعك علي فكرة
قمر : ما انا قصداها
ونده عليهم نوح و ريم وراحوا قعدوا معاهم ريم مقابل نوح و قمر مقابل كيان
وقعدو يتكلموا
قمر بغضب : ممكن افهم جيت هنا لي
كيان : بصي يا ستي الحكايه وما فيها اني حابب اتعرف عليكي اكتر وعشان كدا جبتك هنا عشان نتعرف كويس
قمر : ودا لي يعني
كيان : عشان نكون عارفين حاجات كتير عن بعض و نقدر نفهم بعض
قمر بعدم فهم : ايوة لي يعني
كيان : بصي من الاخر انا رحت كلمت باباكي و اتفقت معاه اني اخرج معاكس وهاجي اتقدملك فعشان كدا حابك تتعرفي عليا وانا اتعرف عليكي
قاطعهم الجارسون وسالهم هياكلوا اي و طلبوا الاكل وصولهم
يتبع......
رأيكم يا شوباب
أنت تقرأ
قمر الليل 💙🌚
Mystery / Thrillerفتاه جميله تتحول في الليل لأمراة بشعة و عجوز يحدث في كل ليله وهل ستجد من يحبها كما هي بتغيرها في الليل ؟ وهل ستجد حلاً لما يحدث لها؟!
