[BL Story] Kang Mie Ayam

balik kerumah om Dika

"Makasi pak" ucap om Dika sambil bayar ongkos taksi online ke bapak sopir setelah nyampe didepan halaman rumahnye yang minimalis ntu.

Kagak tau kenape gue kangen sana rumah dan suasana dimari, kayak adem aje gitu beda sama suasana dirumah gue yang udah kayak kuburan sepi banget. Gimane kagak sepi coba orang gue cuma sendirian dirumah segera gaban itu. Kadang kalo emak bapak gue lagi dinas diluar negri atau luar kota gue suka numpang tidur dirumah temen-temen gue yang sialnye mereka tinggal sendiri alias ngekost karna kebanyakan temen-temen gue rumahnye diujung beruk, jauh-jauh. Bikin gue iri aje, gue juga pan pengen ngekost biar bisa bebas kayak mereka.

"Silakan masuk" ucap om Dika mempersilakan gue sama si Arya yang baru sampe masuk.

Btw si Arya kagak ikut naik mobil sama gue dan si om, dia lebih milih buat ngikutin dari belakang naik motor kesayangan gue. Emang temen kampret padahal gue yang mau bawa motor biar kagak semobil sama si om. Bukan ape-ape, cuma buat ngindarin kecangguan diantara gue sama si om, kagak enak bangetkan semobil tapi diem-dieman. Tapi bukan Arya namenye kalo kagak rempong kayak emak-emak.

'Udah biar gue aje yang bawa lo sama bang Dika naik mobil nanti kalo lo nyungsep terus motornye lecet gimane, lo mau tanggung jawab?'  ucap si Arya yang ngebuat gue reflek nabok kepalanye. Bisa-bisanye dia malah ngekhwatirin motor ketimbang gue yang nyungsep, gila emang.

Dengan santainye si Arya langsung masuk terus duduk dikursi ruang tamu sambil nyalain tv padahal belom disuruh sama si om, kagak sopan banget sih malu-maluin gue aje. Tapi anehnye kok si om kagak marah, kalo gue jadi dia sih udah gue jual tu bocah.

"Ayo masuk" ucap om Dika lembut yang ngebuat gue kaget dan tersadar dari lamunan gue.

Gue pun masuk kedalem diikutin sama si om yang bawa tas yang isinye baju-baju gue, sebenernye sih kasian ngeliat dia keberatan gitu bawanye. Tapi bodok amatlah badan si om kan gede, lagian salah dia sendiri ngemasin baju gue banyak-banyak udah kayak mau pindahan aje.

Mending gue nyamperin si Arya yang lagi serius nonton kartun spongebob. Jangan kaget gue sama temen-temen gue emang gitu, nonton tv cuma buat liat spongebob kalo kagak ye upin-ipin. Yang pastinye ini jadi rahasia diantara kita, ye iyelah mau taro dimane muka kita kalo sampe musuh-musuh pada tau kelakuan absurd gue sama para babu gue.

"Yon lo laper kagak?" ucap Arya tiba-tiba ngebuat gue yang lagi serius nonton kaget sama pertanyaanye.

Gimane kagak kaget coba, perasaan baru beberape menit yang lalu ni bocah makan udah bilang laper lagi. Ye walaupun cuma pisang sih yang dia makan, tapi kan sama aje orang dia makan kagak cuma satu dua, sesisir cok bayangin aje.

"Iye cok laper gue" ucap gue setuju sama omongan si Arya karna emang gue laper, bayangin aje tiga hari kagak makan sekalinye makan cuma dikasih bubur rumah sakit.

Kagak ada enak-enaknye lagi gue aje makan sambil huek-huek, gue pan maunye makan mie ayam buatan si om yang enak itu. Sumpah gue kangen banget sama rasa tu mie ayam kagak tau kenape, padahal rasanye ye kayak mie ayam biasanye. Ape jangan-jangan si om maen dukun ye, heh gue kagak boleh sok udzon dosa.

"Bang, Dion laper nih katanye" ucap Arya manggil si om sambil sedikit teriak karna dia entah ada dimane yang ngebuat gue reflek nabok kepalanye. Bangsat emang gue dijadiin kambing hitam, kalo kagak inget dosa aje udah gue gorok leher ni bocah.

"Heh anjeng kok gue sih, kampret lo bikin malu gue aje" marah gue kagak terima si Arya jadiin gue kambing hitamnye, orang dia yang mau makan juga.

"Halah kegedean gengsi lo tu, inget bro gengsi kagak bikin lo kenyang yang ada mati lo mikirin gengsi mulu" ucap si Arya. Nyenyenye sok puitis banget sih.