الصاحب اللي بيخذلك في رد فعله على اى حاجة أنت عملتها او قولتها تبقي علاقته مؤذية
الصاحب اللي بتخلي بالك 100%من كلامك معاه وبتقعد تحسب كلامك حرف حرف وكلمة كلمة تبقى علاقته مؤذية
الصاحب اللي لو اتاخرت في الرد عليه دقيقة او دقيقتين يتقمص ويقفل ده تبقي علاقته مؤذية
الصاحب اللي يبقي هزاره معاك مش صافي بيلمح لحاجه لو قالها بشكل واضح هتدايقك تبقي علاقته مؤذية
الصاحب اللي يتخانق معاك عشان انت صاحبت ناس تانيه غيره تبقي علاقته مؤذية
الصاحب اللي الخناق بينكم يوصل لشهر والشهر ونص تبقي علاقته مؤذيه
الصاحب اللي يبقي محتاج معامله خاصه تبقي علاقته مؤذيه لان أنت لا فيك دماغ تطبطب ولا هو يقدر يستحملك بالشكل ده ما هو أنت مش نانسي عجرم عشان تطبطب وتدلع
الصاحب اللي محتاج انك تكلمه اربعة وعشرين ساعة حتي لو مفيش موضوع مهم وعلى حساب نفسك واشغالك تبقي علاقته مؤذية
الصاحب اللي ينسي الكويس ليك ويركز في العله اللي في علاقتكم ده تبقي علاقته مؤذية هو مش عارف ان بتمر بايه الفتره دي
ارجوكم زي ما عايزين الناس تحافظ علي مشاعركم حافظو علي مشاعرهم كانو علاقات مريحه الصداقه مش كلام اربعه وعشرين ساعه او غيره عمياء احنا مش مرتبطين عشان نغير علي بعض
للكاتبة /مريم عماد
