🔥 تحجر فؤادي من قسوته 🔥 #اسلام_روحي

الجزء 17

ا✳ الجزء 43 ✳

♣اســــــــلام روحـــــــــــي♣

❄تحجر فؤادي من قصوتك❄

🔱تحت رحمة الشيطان 🔱

🍃 فاطمة الزهراء مبارك🍃

وصل ليل و كل واحد و همو و كل واحد فاش كي فكر

خرجات من القصر كتسلت بشوية على صباع رجليها و الصباط في يديها خرجت من تما هودات خدات سوارت لوطو ديالها و ركبات فيها ديمارات و كسيرات نيشان البار وقفات قدامو. و دخلات ليه كتمايل مع صاية قصيرة في الاسود مع تيشورت في الابيض مخطط في السود و شعر كحل طويل عليها و مكياج خفيف مبين ملامحها

داخلة و الاعين عليها غير هي و كيطلعوها باعجاب شافت صحابها و مشات عندهم كتجري

...:اووو شلا كلها هنا
البنت:ريتاج فين غبرتي ا صحبتي
ريتاج:غير سكتي (جلسات و خدات كاس ديال الشراب)صلط علا الله واحد ولد عمي شنو عنقول ليكم شبح و صافي
الولد:هي ليلة زاهية معانا
ريتاج:كيف ديما راكم عارفين

خدات كتشرب ماس من مور كاس و كتهضر معاهم فرحانة مشافتش لي كي تغامزو عليها وارو ليها واحد الحبة كتدوخ في الكاس و عطاوه ليها شرباتو بلا متحس

وقفات و علماتهم عتمشي الحمام مشات و تأتير بدا كي بان عليها دخلات ليه يالله تحنات حتى كي تفتح عليها الباب دخل مخنزر مع هي معقلاش على راسها صافي تخالط عليها كلشي

كان جالس مع الياس و تاج الدين و ادم معاهم كي شربو و يضحكو حتى كتبان ليه ريتاج جالسة تما مع شي ولاد و بنات رد البال لدوك لي دارو ليها الحبة بقا مراقبها في الاول بغا يخليها على خاطرها مسوقوش عيا يهز ليها الهم لكن دابا صافي خاصة ينوض شافها ناضت لكن رجليها مهزنهاش و دري تبعها جمع الوقفة

الياس (رد ليه البال):فين غادي
نجم الدين:انا جاي
ادم:خليه يضبر اصاحبي
نجم(ببتسامة الصفرة):شفتو لي كيفهمني

خلاهم و مشا الدري يالله عيحل الباب يدخل حتى كي لقا راسو مجرور من عنقو و زدحو مع الحيط

نجم(مخنزر):فين غادي
الولد(تلف):الحمام
نجم(علا راسو):هذا ديال لبنات
الولد:لا انا

نجم عطاه كروشي لحنك حتى دار و لا عاود التانية و تالتة دم نزل ليه من نيفو

من تحت سنانو:نهار لي نلقاك معها نخلي عشتك الزامل سمعتي
الولد:واخا واخا
نجم:دور

الولد مشا كي جري اما هو فتح عليها الباب و شافها كتمايل

ريتاج:اووو البوديگارد ديالي وصل
نجم(شدها من يديها):سمعيني مزيان مقادين على شوها عتزيدي قدامي دابا
ريتاج(نتفات يديها):لا شنو باغي فين عتمشي
نجم(تعصب كثر لعنادها):خوتك هنا الياس الا شافك ميرحمكش دون زيدي قدامي