🔥 تحجر فؤادي من قسوته 🔥 #اسلام_روحي

الجزء الاول

✳ الجزء 1 ✳  ♣اســــــــلام روحـــــــــــي♣  ❄تحجر فؤادي من قصوتك❄  🌟 هدوء ما قبل العاصفه 🌟  🍃 فاطمة الزهراء مبارك🍃  في واحد الحي شعبي عامر بشماكرية عائلات جالسة حدا الباب قابلين غير القيل والقال النميمة في عباد الله صوت دراري صغار كي لعبو في الزنقة و صوت مول الحوت كيبيه كتسمع صوت الخضارة كذلك   في واحد الدار عادية كبحالها بحال الديور لي كاينين تما ناعسة بنت بكل هدوء خدمات ليل كامل و عيات حتى كتسمع واحدة من الجارات كدابز في الزنقة خصرات ليها نعاسها ناضت ليها نيشان و عاوالة على خزيت ليها اليوم فتحت الشرجم بزعاف و طلات عليها   ....:اديك شرشوميات ما تسكتو ما تخليو لي ينعس  الجارة1: علاه كاين شي نعاس مع الظهر  ...:شكيت عليك سمعي والله و مسكتي حتى نهود انا لي نجرجر حسك مشي هي  الجارة1:اش عندك ما ديري ا بنت شيخة المك لي كانت ضل مقابلة السهاير  ...:بزاف عليك مي حسن منك كانت خدامة بعرق كتافها مشي انت لي مقابلة هزات رجلين لرجال و دخل الحرام على ولادك بلا خبار راجلك الجارة2: اويلي اشنو كتقولي واش بصح  ...:انا هضرت مكنبغيش نجبدا ليك فعايلك لي عاطية ريحتها في الحومة ها ودني منك  الجارة1(حشمات حيت فضحاتها):هداك لسانك الطويل خاصو يتقطع  ...:هاااكاااواااا قااالتت ليييك بغاات تقطعو عندك الزهر يالله فايقة و مجيتينيش على گانتي اما نزل نضربها ليك بواحد تجفيفة من راس الدرب حتى خوه تريكا الناقصة الله يخليها سلعة الجارة2: صافي ا ختي غير دخلي بحالك راك عارفاها لسانها سابقها ...:الا كان سابقها نزل نرجعو مگود و هذا ودني منكم قد اعذرا من انذر الجارة2:صافي اختي دخلي بحالك   دخلات و سدات الشرجم خلات عيالات الحومة كي هضرو فيها دخلات البيت و لقات ختها ناعسة مشبحة في الارض و مجايبة لدنيا خبار مشات هزات عمود شطابة ودخلات ليها هزاتها و نزلات عليها غير داك النص عندها خلاتها تنوض قافزة   ...(كتحك فيها):والله حتى حرام عليك  ...:معاياش داخلة انت  ...:مع 8  ...:راها دابا 12 الخانزة نبات ليل كامل خدامة باش نجي نلقاك ناعسة ليا حتى شمن وقت  ...(كتغوه):و راه داني نعاس اختي  ...:عذراء هذا الهضرة مقوليهتش الا بغيتي تخرج من هذه عيشة القهرة لي معيشنا فيها هذا الغدار الشماتة خاصك تديها في قرايتك راه عندك الباك هذا العام  عذراء: ها انت قريتي حتى عييتي عندك إجازة في الإدارة الاعمال شكون خدمك ياك انت كتقيلي خدامة غير كتسربي في البار  ..:غدي نلقاها نهار لي يسهل الله نوضي تگعدي شطسيري جيبي الحليب و الخبز باش نفطرو  عذراء:واش باقي شي فطور دابا  ...:قوليها راسك نوضي تگعدي حسن ما نشتف عليك هذ النهار راك عارفاني  عذراء:عارفة ..:يالله تگعدي   ناضت عذراء بالزعاف دخلات غسلات وجها اما البنت دخلات الكوزينة تقاد القهوة حتى كتسمع صوت في الزنقة كي غوت ليها

و ✳ الجزء 2 ✳  ♣اســــــــلام روحـــــــــــي♣  ❄تحجر فؤادي من قصوتك❄  🌟 هدوء ما قبل العاصفه 🌟  🍃 فاطمة الزهراء مبارك🍃   حلات الشرجم و شافت صاحبتها مطلعة راسها كتشوف فيها كانت لابسة واحد الكسوة طويلة و طالقة شعرها و دايرة مكياج عاطي العين   ...:اديك القح** فين غادا بديك الحالة  ...:شوفي غديا نتلاقا حب قلبي  ...:بديك الحالة ا رقية  رقية: و مالها شوفي جيت نتسلف من عندك ا روح  روح:واش بنت ليك بنكة سيري عند لي عندو الفلوس خدامين بتمان زايد عليا  رقية:عاااافااااك اختي روح والله حتى واقفة عليها  روح:و داك حب قلبك قلو يعطيك  رقية: و راه نخاف يسلت عليها في الخلاص كبحال المرة لي فايتة  روح(ضحكات عليها):غزا فيك كلهم شلاهبية گنس الناقص الله يقطعهم  رقية: وا عطيني و دعي على خاطرك روح:تعطيك السالمة ها عذراء عتهبطهم ليك خزيت  رقية: العز ا صاحبتي   دخلات روح و سدات الشرجم لقات عذراء لبسات جلابتها حيت كتسرعها كتجي غزالة كتبين ليها مفاتنها شافت في ختها  عذراء:عطيني باش نشري الخبز و الحليب روح:تسناي   دخلات جابت بزطامها و عطاتها الفلوس   روح:هذه 100 درهم هبطيها لرقية و هذه 20 درهم جيبي بيها الحليب و الخبز  عذراء:بغيت نشري البيض و الكاشير  روح:عذراء هذ الفلوس يالله يوصلونا راس الشهر اختي  عذراء: و علاش عاطيا 100 درهم لرقية منين معندناش  روح:وقفات عليا مفيها باس حتى هي شحال وقفات معانا  عذراء:عندك الحق نهار كنت مريضة داك جحموم دا ليك الفلوس كاملة و خلاك كون ما هي لي عتقاتنا كون راني ميتة دابا  روح:عقلي على الخير معمرك تنكريه يالله سيري   حنات راسها عذراء هوادة في الدروج روح بقات فيها و هي تعيط ليها من الفوق   روح:شوفي جيبي بيضة و 2 دراهم ديال الكاشير  عذراء(بفرح):بصح  روح:و سربي متعطليش  عذراء: واخا   هودات كتجري في الدروج فرحانة حيت معمر روح خصرات ليها خاطرها معمرها قللات منها ولا دايقتها و لي طلباتها تجيبها ليها ولو ميكونش عندها تعطيها من لقليل و نهار لي كيكون عندها تعيها من الكتير المهم متخليهاش محرومة و تكون بحالها بحال بنات الحومة  فتحات الباب و خرجات عند رقية   عذراء:هاي هاي جيتي قح** و صافي  رقية:يعطيك القطيعة لداك اللسان  عذراء:امين للداعين  رقية:اري عطاتك  عذراء:هاكي و سلمي علينا لداك نص بلاصة عندك  رقية:معنردش عليك   مشات رقية و عذراء علات صوتها تهضر معاها: شوفي ديك الساعة قولي لينا شنو وكلك زريع ولا غلالة (ضحكات عليها و مشات الحانوت)