🔥 تحجر فؤادي من قسوته 🔥 #اسلام_روحي

الجزء السابع

✳ الجزء 13 ✳

♣اســــــــلام روحـــــــــــي♣

❄تحجر فؤادي من قصوتك❄

🌟 هدوء ما قبل العاصفه 🌟

🍃 فاطمة الزهراء مبارك🍃

في قصر عائلة العالمي

فاقت نوران و ابتهال و سمية دخلو مع الخدامة صائبة الفطور لدراري و خرجو كي حطوه في الطبلة نوران غدور كتلقى إسلام داخل و كلو عرقان و وجهو حمر شعرو كي قطر شافت فيه و بتاسمات

نوران: إسلام ولدي صباح الخير
إسلام (صوت رجولي):صباح النور
نوران:طلعوش و هود تفطر اولدي
إسلام:واخا عمتي مرت عمي صباح الخير
ابتهال و سمية: صباح النور

سرك لمو كاشرة دارها في فمو و طلع البيتو دخل الحمام دوش و خرج لبس تشورت اسود و سروال جينز ساليم في الاسود صباط ديالو مشط شعرو رجعو لور رش ريحتو الرجولية لي كتعط عط من البعيد مال ساعتو و هز كونطاكط و تيلي خرج من تما هود عندهم لقاهم كلهم مجموعين باس راس الاب ديالو و خربق لختو شعرها و جلس حداها دور عينو لجهاينة مخنزر فيها و هذا الأخيرة لي حطات يديها على جرحة لي فراسها و خلطات عينيها

اسر:شنو درتي في الصفقة
إسلام (شاف فيه و حجبانو معقودين): مشاو بشروط لي حطيتها انا
نجم:بغيت غير نعرف علاش قبل انهم ياخدوها
إسلام:بكل بساطة هما عيخسرو و حنا عنربحو ضعف ديالهم و اكيد السلعة عناخدوها من بعد بتمان لي نحطو حنا حيت عنكونو ضغطنا عليهم
اسر:كيفاش
إسلام:هما معندهمش كليان في سوق و الا جينا ناخدوها حنا عنكونو خدينا بتمن لي بغاو و هذا شي لي مبغيش
الياس:المعنى

إسلام:المعنى اولد عمي السلعة الا بقات عندهم في الديبو عتخصر و هما معيقبلوش و من بعد غيطلبو منا نشريوها و ديك الساعة عنحط الامان لي بغيت

اسر:امم كيفاش مفكرتش فهذا الطريقة من قبل؟؟
إسلام(حنا راسو على الطبسيل):حيت انت اسر العالمي و انا اسلام العالمي
اسر:اييه عندك الحق
نوران(شافت وعد مشغولة في تيلي):مالكي انت من الصباح و انت شادا داك المشقوف
اسلام(دور راسو شاف فيها و خطفو ليها من يديها و هي خلاتو):عذراء مون امي
وعد(ببتسامة):واحد البنت جات جديدة تقرا معانا في اليسي
نجم:غير خليها راه شفتها لبارح معاها
الياس:غير تبعد على بنات سوق عتكون بيخير
نجم(شاف في ريتاج):و عتكون طوب مشي غير بيخير
ريتاج (تسلتات):انا خاصني نمشي لافاك
نجم:انا عنمشي المشفى تسناي نوصلك
ريتاج(ببتسامة الصفرة):لا بلاش ا اولد عمي نمشي راسي عندي لوطو ديالي
الياس:سمعي الهضرة باركة من الطيران

حنات راسها و زادت قدام نجم الدين ساكتة خرجات ركبات معاها و محاملاش راسها اما اسر شاف في وعد

اسر شاف في وعد و نطق: شنو قضية صحبتي الجديدة
جات تجاوبو تسمع صوت من موراهم دارو

جاد:على سلامة ا سبع
إسلام(ناض و سلم عليه سلام رجولي):الله يسلمك
جاد(خدا كرسي و دارو وعد بيناتهم):كيف كانت الخدمة
إسلام:مزيانة كيف غادا الخدمة
جاد:من بعد و نهضرو عليها
وعد(ببراءة):اشمن خدمة
جاد:وينو ختي كبرات و ولات تسول
وعد:وغير سولت
جاد:متشغليش بالك، انت ديها غير في قرايتك باش تنجحي
وعد:عنجح انا و صاحبتي الجديدة
جاد(گرن حجبانو):شكون هذه
جهاينة:شي وحدة ملگطة تلاقاتها