🔥 تحجر فؤادي من قسوته 🔥 #اسلام_روحي

الجزء 64 و الاخير

✳ الجزء 300 و الاخير ✳

♣اســــــــلام روحـــــــــــي♣

❄تحجر فؤادي من قصوتك❄

♾الفصل الاخير ♾

🍃 فاطمة الزهراء مبارك🍃

_____&بعد مرور 3 سنوات&_____

حلات عينيها و دورات راسها مبانش ليها ناضت دخلات الحمام قضات حاجتها و هودات لتحت لقاتو واقف كي شوف رعد لي كبر و لا عندو 8 سنين و نص و جهاد صغر منو بي سنتين كي لعبو كورة الطائرة و الكتكوتة الصغيرة ملاك لي كتجري معاهم و شعرها معنكشها و تلعب في الرملو دخل تعوم

كان واقف بسدرو العاري تماما لابس غير الشورت مبتاسم قربات عندو و طبعات قبلة على ضهرو العريض

روح:صباح الخير
إسلام (دورها عندو و باس راسها):هذا كامل نعاس
روح(حطات يديها على سدرو):عييت البارح راك سخسختيني
إسلام(ضحك):والو السوفل ا عمري
روح(ضحكات):شكون وجد الفطور
إسلام:انا شكون عيكون
روح:امم سعداتي
إسلام:يالله اجي نفطرو
روح:بلاتي نجيب دراري
إسلام:غير خليهم حتى يشبعو و يطلعو ياكلو

جلسو كي فطرو فرحانين حتى كي سمعو البكا الفوق شافت فيه و ضحكات

إسلام:نوضي رندة فاقت
روح:انا نطلع نجيبها

طلعات كتجري شافتها و هزاتها بين يديها دخلاتها بدلات ليها و لبساتها كسوة خفيفة عاد هبطاتها عندو شافها و ضحك

إسلام(مد يديه):وينو على زين باباها فاقت اريها ليا
روح(مداتها ليه):امم فايقة بنگيرها على الصباح
إسلام:معندك ما تقولي راه 3 شهور مزالة صغيرة
روح(ضحكات):مزيان منين صبرتي عليا
إسلام:اه اه باغي عائلتي تكون كبيرة انت مالكي
روح:كون تعرف حق وجع الولادة عاد عتحس
إسلام:صافي جوج وليدات جوج بنيتات اميراتي بااااااركة
روح (غوبشات):جوج اميرات صافي
إسلام(ضحك):انت راك روحي و عمري و عمارت داري و ام ولادي انت مراتي
روح(بتسمات):كنبغيك
إسلام:حتى انا

جاو دراري كي جريو منين شافو رندة فاقت بقاو كي بوسوها و هي كضحك معاهم فطرو خدا إسلام بنتو و روح جمعات الدنيا و خرجات عندو لقات ولادها دايرين الطرابش ديالهم و واجدن عرفاتو فين عيديهم مشات عندو هو شد يديها و زادو الدراري كي لعبو و يغوتو و هما كي هضرو حتى وصلو الكوخ بتسمات منين شافت الدنيا مفرشة و مقادة زايد عليها العاب دراري الصغار و حتى من بيسين صغير لرندة دايرو تما

رعد(جا كي جرو):بابا اجي علمني نعوم
جهاد:عافاك
روح:ارا رندة و سير معاهم

بتاسم و مشا دخلهم الما كي عوم معاهم حتى شبعو الدراري خلاهم و طلع عندها لقاها جلسة و كتشوف فيهم فرحانة

روح(شافت فيه):الوقت كي دوز دغيا
إسلام(جلس خداها):امم بزااف
روح:عارف احسن حاجة وقعات ليا في حياتي هو انت رغم كلشي لي داز علينا تشبتنا بعضياتنا
إسلام (عنقها جنب):حيت لقيت مراتي صبارة و قلبها بيض خلات قلب الحجر يولي يدق و يعيش

روح:في واحد الفترة رجع قلبي قصى من الحجر تحجر من قسوة ديالك عليا بعدك و غيابك مبقيتش حاسة بيه لكن غير رجعت شفتك تقول داك القلب كانت غير مخبع من مور ستار الحجر

إسلام:انت نورتي ليا حياتي و عمري خليتيني نكون إسلام جديد إسلام تخلق على يديك بطيبة ديالك و حنان ديالك كسبتيني و كسبتي عمري معاك

قرب و طبع قبلة على شفايفها طويلة و بعد:كنبغيك ا روحي
روح(ضحكات):حتى انا كنموت عليك

جرها ليه خشاها في حضنو كي ضحكو شافهم ولادهم مشاو تخشاو معاهم كي ضحكو ضموهم ليهم كي جبد اسلام تيلي خدا صورة جماعية ليهم فرحانين

النـــــــهـــــــايــــــــة

شكرا ليكم بزاااف على تتبع ديالكم لقصة هذه كانت نهاية قصتنا لي مسخيتش بيها و بيكم ولفتكم بزاف ولفت نكتب ليكم و نحط ليكم نضحكو في التعاليق و نشوف توقعاتكم 🍀🍀

🌼🌼🌼نتلاقاو ان شاء الله في قصة جديدة