بيني وبينك حجارة

(⁸)

حتى إحساسي متعرفه !
و يحيرك چان
آنه بآخر أيامي وياك مو بارد
چنت تعبان

صباحكم عافيه 😍😘

روحي انتو حركو اديكم شويه تفاعل فدوه والله ماكو واهس

اني مو قصه اوافق على صلاح أو غيره اني من زمان كتلك الك مستحيل اطيك مره وكلته كبل سنين لمن جانت فاطمه طفله لحد هاذ عمره اكلك ماكو الك يمنه مره بعدين انته تعرف عليمن جاين الجماعه ماحجيت كبل لا يجون لو تريد تفشلني

..من الاخير بنت عمي الي مو

..راد يكمل وطفر حسين بوكسي على وجه يمكن سمعت صوت سنونه تفلشت

..محترمك علمود عمي والهنا وكافي
امشي اطلع بره

.. ضحكت على مرتضى وطلعت اكمل ضحكتي بره خوش كتله اخذله طلعو بيت عمي الي ضل يتعذر عن افعال ابنه صعدت لفوك شفت ديون كاعده يم  فطم وتواسي بيه سديت الباب وكعدت يمهن اضحك

..كالت ديون بنتر شبيج تتمضحيكن
.
..ولجن ماشفتن حسين شسوه  بمرتضى ركعه بوكس هيج على وجه سنونه طاحت حتى ضل صافن جنه مطي من كد ما قوي وطردهم وطلعو

..ردت فاطمه..وهسه شصار بسالفتنه

..قصدج سالفتج ياعيني بقت بس موافقتج وغرفتكم وتتوكلين

..ضحكت ديون وكالت ..اهلهل

..حطيت ايدي على حلكه لا تفضحينه ولج كلهم جوه

..لعد اني اروح ماكدر اضل ماكلت الاحد وهسه يكومون يحجون عليه

..لا فدوه ديون حبابه ضلي يمي

..اي صدك ديون ضلي هنا اني راح انزل وهاي مخبله تضل وحده تتبجبج

..اوك سدي الباب لا يجي احد اريد انزع شالي

..طالعه اني تعالي قفلي الباب وراي

.طلعت درة وبقيت يم فاطمه نسولف كالت

..عود نسوي حفله العقدنه

.. والله ما ادري بس اكلج خلي تصير بلاوال والله انيهاذ ابن عمج خايفه منه لا يروح يسويله مصيبه واحنه نبتلي بيه

..ماعليج هاذه خنيث بس كلام الله وكيلج يخاف من الزنبور

.. باوعتله وضحكت حتى اني اخاف من زنبور خاف يكرصني

..لا احنه بنات بس هوه گ رجال عيب علي يخاف من زنبور

..رفعت اكتافي بمعنى ما ادري وضلينه كاعدين شويه وبعد طكت روحي اريد اروح صحت الفاطمه وطلعت من صطح عفت عباتي يمه يجوز احتاج اجيه بعد شويه

..لكيت عمامي كلهم كاعدين ولبيت صايرلك هوسه رسول بس خزرني ما حجه انس فلتت من يمهم

...نززت زمن وكتله شكو جو متكهرب