-ٱللـﮪـُم ٲﻋطني اﻟرضآ كأنني أملک كٌل مآ أتمنى و ٲﺭﺯقني اﻟفرح كأنني ﻟمّ ٲحزن ٲبداً،💛✨،".
اليوم اجه بالي اخليلي مذكرات بمبايلي راح احجي قصتي بمبايلي بس ما اخلي احد يقراها ابد وتبقه مضمومه تعالو نرجع اني وياكم الايام طفولتي منها حزينه ولابد اكو فرح واكو كوميديا خل نرجع بذكرياتنه ....
عام٢٠٠٠
دينا لبدت عنهم جوه سياره البردين (سياره كبيره)
واني حاطه ايدي على حلكي خايفه لا يلكوني نكمشت دره وبقيت بس اني ياربي كون مايكمشوني فزيت من نسحلت من شعري وشارع جان تبليطه الحصو طالع شخطلي وجهي بس كل الوجع لمن عرفت خسرت وكمشوني وجانت فطومه هيه الكمشتني
.. خلتني افور فور كمشته عضيته حيل وهيه ضلت تبجي واني كفشتي مترين ومجبنه وجهي كله تراب وملابسي كذالك بجامتي طويله وتسحل ركضت بشارع الشارع ثانيه وهيه وراي تركض بل اخير كمشتني ومطلتني بنص الكاع وضلت تعض بيه واني اضحك واصيح بعلو حسي طلع ابو هدى صاحب محل وضل يفاككنه وهيه تريد ترجع تكتلني واني اضحك عليه واستفزه اخذني عمو ابو هدى بعد ما هدئ فطيمه وكال اطيجن عصيرات فرحتنه ماننطيه الاحد كعدنه بمحله وجانت دنيا اليل بس مغرب يعني اكو ضوه بلسما اطانه العصاير وضل يضحك علينه
بويه انتن حسابج مسجل واريد فلوسي اني شنو انطيجن بلاش
صوفرت وجوهنا وحده باوعت ع ثانيه والعصير مكدرنه نشربه عمووو صدك تاخذ منه فلوس وتسجل علينه تخدعنه وتفتري علينه شمرنه العصاير ماريدهن خليهن الك اني اروح لا تبتلي علينه وابوي يكتلني اذا سمعني ماخذه بدين منك
..يبوووي يدينا يبوووي على السانج يلزقجه اتقشمر وياج المحل فدوه للزقجات اخذن عصايرجن والاهلجن بساع كدامي
ماصدكنه كال هجي اخذناهن وطلعنه فرحانين جانت حسره علينه الفلس ونتحسر على كلشي بوقته عمري 8سنوات مسجله وبلثاني ابتدائي وفطم جانت اكبر مني بسنه وبلثاني وياي لان صقطت رجعنه نضحك واحنه شكولنه الي يشوفنه يتفل عليه طبيت للبيت بخوف من امي ركضت للغرفه فتحت باب البوفيه طايح نصه واسود من الوصخ واخذت بجامه وقميص وبدلت وكفيت شعري غسلت وجهي وركضت اشوف شنو عشانه لان طاكني جوع شفت امي واكفه تگلي طماطه وكدر ثاني ع طباخ وهوسه اخواني عبالك بمدرسه
دينا بمرح..يمااا شنوو بلكدر
..ابوج جاب لحم شويه سويتهن اله
..زفرت بغضب ..بسسس اله يما
صاحت بوجهي وهيه عصبيه ..جا انتي ماتعرفين نفس ابوج ولج جايبهن ومتعجب يعدهن عد خاف اخذلكم منهن امشي ولي اخذي اخوانج الغرفه هسه راح اجيكم بس اصبله سم وزقنبوت الابوج عسااا مات وخلصنه يمنا هىئىى دعوى مضلومه يربي
..اباوعله شايله ربطته وفاتحته وتدعي صفنت عليه يعني ابوي ليش هيج مخلي امنه تكرهه واحنه هم اخذت زمن وورسول وصالح ومحمد وطبينه للغرفه كعدنه واني اسمع عصافير بطني تغني
كال محمد
أنت تقرأ
بيني وبينك حجارة
Aventuraيقول أحدهم إني أحببت شخصا لا يبادلني نفس الشعور وأحبني شخص لا أبادله نفس الشعور ولا أعرف أيها الأصعب أن أكسر روحا أم أكن أنا المكسور ... هذهِ التي تقف امامكم جبلاً وليست امرأة 🤍
