بيني وبينك حجارة

(⁹)

وعندما تجد م̷ـــِْن يحبك قد ختلف عليك. فرجع الى الذي يحتويك دون اختلاف. هو •اللّـہ̣̥

..دينا

بقينه واحد يروح واحد يرجع ومحمد متمدد وياكل بلصينيه الضلت هذا خو مايشبع شويه ودك مبايل رسول طفرنه اله التمينه علي وصلاح واكف وجه اصفر

رد رسول وهوه كاعد حواجبه مبين ضاج دنك راسه وكال مشكو حبيبي لا مابيه شي تصير هاهيه

..لا لا هاهيه حبيبي مامقسومه

..باوعت الصلاح وعلي يريد يبجي واني خو احس دخنت شنو ما صارت خاف من سالفه ابن عمه لان فطم تموت على صلاح

..شكو رسول صدك تحجي شنو مامقسومه

..يخوي كلمن وقسمته هاهيه البنيه رافضتك واخوها كال ما نجبر احد احنه

.. لا والله فطم تحبني امس حجيت وياها وحتى للشقه كالت ارفضك وبعدين كالتلي ابد ما ارفض والله شبيك اكيد جابريه على ابن عمه

..هههههههههه

..نصدمنه من ضحك وموقف يشد الاعصاب بعده فهمت شلون نصب علينه ويبس دمنه لزمه صلاح وهوه يضخك وجه احمر نخبطت علي ضلو يتلازمون وهوه يريد يلوي ايده وذاك يرجعه علي واني اجتي من الله نزلت بيهم هلاهل كل هلهوله اطكه تعادل امس كله

..ولج فضحتينه ضميهن للعرس وعلميني وياج اريد اهلهل

..ضحكنه على حجايه محمد ونملى بيتنه فرح صح ابوي معكرلنه مزاجنه بس همزين عمامي حاطيهنم يمنه ونحمد الله ونشكره يخلصنه من عنده بيوم اجه رسول كال يريدون يجون على موضوعج حتى تصير الملجة للثنين

..اني ما جذبت خبر كتله عادي بس جان وجع بنص گلبي ابد ما رايده طابوكه احس اني ويا ابد عمرنه مانتوالم انه گبل اركع طابوك براسه كلما شفته هسه اخذه ياحيف كعدت وحدي العصريه ع المرجوحه كله بجه وتهديده الي اني ما اخاف بس ما انسى خاف يريد يعاقبني علمود الطابوك الااكلى مني

درة ابتعدت عني هواي ماصرت اشوفها ولا تحجي غير مرات صدفه تصعد واني متانيته تالي تسلم بكل برود وتطب جانت كرامتي متسمحلي اسئله شبيج لان ذليت روحي هواي وسئلت ما جاوبتني  حطيت راسي ع المرجوحه وغفيت بتعبي والله تعبي احسه يسوى كل الشغل

..حسيت بحركه دافيه على وجهي وايد دفتني ابتسمت وعرفته اخوي غاليي همست بنعاس

رسول..؟

..يابوي محمد محمد بويااا كومي شعندج نايمه
هنا جنج مجديه

..كمت واني ابتسم على كلامه كتله بطل سوالف خطت شواربك

..لا تصيريلي رسول ثاني دني شويه ريد اكعد يمج

..دنيت واني اكف بشعري واتثاوب  ..متعشي؟؟

..وين اتعشى بشيب الخلفوني جا غير اخوج سمطنه سمط وطلع ام اليومين اجازه وعلي حتى سمنت بيهن