သူတို့နှစ်ယောက်ရဲ့စတင်တွေ့ဆုံမှုက မားမားစီစဉ်ပေးတဲ့ Blind Dateမှာပင်။
ချိန်းထားတဲ့အချိန်ထက်နောက်ကျနေတာကြောင့် ရှောင်းကျန့်မှာလောလောပြာပြာနဲ့ချိန်းထားတဲ့ကော်ဖီဆိုင်ထဲဝင်လာခဲ့သည်။
ဆိုင်ထဲမှာကလူရှင်းနေပြီးတစ်ဆိုင်လုံးမှာ ဆိုင်ဝန်ထမ်းများနဲ့ထိုကောင်လေးသာရှိသည်။
ဒီတစ်ခါမားမားစီစဉ်ပေးတဲ့ Blind Dateကဘာလို့ယောကျာ်းလေးနဲ့လဲ?
မားမားပြောလိုက်တဲ့အပေါ်ဖုံးအကျီလက်ရှည်မျိုးဝတ်ထားတာ ဒီကောင်လေးပဲရှိတာမို့ ရှောင်းကျန့်က ကောင်လေးဆီသွားပြီးထိုင်ခုံမှာဝင်ထိုင်ဖို့ခွင့်တောင်းလိုက်၏။
သို့သော် ထိုကောင်လေးကသူ့ကိုမျက်လုံးတစ်ချက်သာလှန်ကြည့်ပြီးဂိမ်းကိုသာအာရုံစိုက်ဆော့နေ၏။
ရှောင်းကျန့်မှာ ကောင်လေးဂိမ်းဆော့ပြီးမှစကားပြောကြတာပေါ့ဟု ဆုံးဖြတ်ချက်ချကာ ဂိမ်းဆေးပြီးသည်ထိစောင့်နေသည်။
သို့ပေမယ့်လည်း နာရီဝက်ကျော်ကျော်လောက်ထိထိုကောင်လေး၏အာရုံဟာ ဂိမ်းထဲမှာသာ။
မားမားကဘယ်လိုလူတွေနဲ့စီစဉ်ပေးနေလဲမသိဘူး...အိမ်ပြန်ရောက်မှပြောရဦးမယ်။
ကောင်လေးကဂိမ်းဆော့နေရင်းဖုန်းကိုစားပွဲပေါ်အကြမ်းပတမ်းပစ်ချလိုက်ကာ နှုတ်မှလည်းတစ်ချက်တစ်ချက်ဆဲကာ စားပွဲပေါ်ကကော်ဖီအေးကိုမော့သောက်လိုက်သေးသည်။ဒါတောင်အရှေ့မှာထိုင်နေတဲ့သူ့ကိုတစ်ချက်မကြည့်။
"ဒီမှာဗျ ဂိမ်းဆော့လို့ပြီးပြီလားဗျ...."
"ပြီးပြီလေ "
ဝမ်ရိပေါ်ကသူ့ဘယ်ဘက်ခြေထောက်ကိုညာဘက်ပေါင်ပေါ်မှာတင်ရင်းကော်ဖီတစ်ငုံသောက်ကာ ရှောင်းကျန့်ကိုမျက်ခုံးပင့်ကာဖြေတယ်။
နည်းနည်းမှ မယဉ်ကျေးဘူး။
"ဒါဆိုစမှိတ်ဆက်ကြရအောင်...ကျွန်တော့်နာမည်ကရှောင်းကျန့်ပါ...ဒီဘက်ကညီလေးက"
"ရိပေါ် ဝမ်ရိပေါ်"
စကားကအပိုစကားတစ်ခွန်းမှမပါ ဒါBlind Dateကိုလာနေသေးဟု ရှောင်းကျန့်စိတ်ထဲအနည်းငယ်ဆဲရေးလိုက်သည်။
