عشق الضابط فهد

البارت 7♾❤

وكفت كباله كتله فهد الله عليك اريد اسألك سؤال
فهد...جواب
سلار..... ماهر شبي ضايج اليوم مو ع بعضه صاير شي واني مادري الله عليك
فهد... لا ماكو شي لتخافين مابي شي وذاا بي شي يكلي
سلار .... همم تمام الله عليك اذا يصير شي كلي بالي ضل يمه
فهد.... تدللين ميخالف وليش كاعده لسه مابقى وكت
سلار .... ماجايني نوم وبقيت كاعده يلا راح اروح تصبح ع خير
فهد.... وانتي من اهله طلعت وسدت الباب وراها ادري بيهه مجايه علمود هذا السبب لان الغيره مبينه بعيونهه
سلار ... طلعت من الغرفه وسحبت نفس يمهه الحمدلله نقذت نفسي بأخر لحضه شعندج موليه لغرفة الولد رزلت نفسي رزاله معدله وجان اسمع الباب اتفتحت
فهد... ع كيفج وي نفسج اخوج ممرزلج هيج😂😂😂
سلار .... يمه عززه سمعتت شي الله عليك
فهد.... لاا لاا
سلار ... ركضت للغرفه وختلت جوه اللحاف وكلبي يريد يطلع شلووون فششله يربي 🥲🥲
بعد تفكير طويل نمت
فهد... خربت ضحك عليهه شلون خجلت طبيت نمت وكعدت الصبح عندي دوام بدلت وطلعت لدوامي

ماهر .... وصلني فهد للبيت طبيت لكيت البنات كاعدات يسولفن بالموضوع رنيم حاجيتلهن اني اصلا اعرفهه متضم سالفه حجيت وياهن بنات هاي السالفه ممنوع تطلع اذا اسمع وحده حاجيه لو الموضوع يطلع خارج بيتنه الدنيا اكلبهه عليجن واضح
البنات ... اي
ماهر... صعدت للغرفه تمددت على الجربايه وافكر بالموضوع شلون راح نكدر نوصل للشبكه مالتهم عصابه مخدرات وتجاره ولازم ناخذ حذرنه مستحيل نكدر نسيطر عليهم بدون منخسر أرواح تعوذت الشيطان وكمت بدلت ونمت لان عندي دوام
...........................
سلار.....كعدت الساعه ب١١ الصبح لكيت صفا هستوهه كاعده تكلب بتلفونهه تذكرت شسويت بنفسي البارحه وحمريت من الخجل😂 كمت غسلت ونزلت جوه سويت جاي وخاله جانت مسويه كليجه هم خليتهه وصحت لصفا تجي تاكل ويايه
صفا .... نزلت ولكيتهه محضره جاي وكليجه ولج هذا هم ريوك هذني وي اخليهن
سلار... تعالي اكلي ولتبقين تتفيكين ..كعدنه اكلنه وورتبنه المطبخ وكعدنه نسولف كلش ضايجين ماعدنه شي نسوي مخلصين امتحانات وفارغين😂 اقترحت موضوع صفا شنو رأيج نكوم ننضف البيت خلي شويه نلتهي والله ضايجه
صفا ..... اكلج تسكتين لو اكوم اسحلج هسه
سلار... شبيج كبر شكد نفسيه لعد شنسوي انتي كولي امانه كومي حته والله البيت من يتنضف راحه نفسيه
صفا.... والله مابيه حيل بس ما اكدرلج يلا كومي
سلار ..... كمنه وبدينه ننضف البيت من فوك غرفه غرفه ونزلنه على البيت الجوه وهم نضفنا بس شنو متنه ضحك للن تعبنه ومن التعب على كلشي كمنه نضحك 😂🥲 اخر شي بقت الطرمه طلعنه نغسلها والجو يكص كص من البرد وصارت الدنيا غروب وصفا كامت تموت لان بدون غده 😂🥲 المهم بدينا نغسل الطرمه وصفا خابرهه فهد كالتله جيب وياك عشى  واني خلصت الطرمه بس شنو نكعت مي ومتت من البرد صفا راحت تسبح واني كلتلهه بقه شويه اغسله واجي وراج خلصته ورحت سبحت وبدلت ونزلت لكيت فهد جايب كباب وكعدنه نتعشى بس اني ما اكلت حسيت معدتي تأذيني صار عندي مغص حته وجههي صفر
............... رحت للدوام لكيت ماهر صبحت عليه وكلتله ها بشر ما وصلت لشي كال لاء بعد والله كعد يحقق بالموضوع بديت شغل ومراجعه ملفات ودوخه والله الشغل صاير فد ملل ومتعب خلصت شغل ونا صدكت ارجع للبيت مشتاق لسلاري اريد بس اشوف وجهه رجعت للبيت وماهر بقى بالدوام لزم خفر اليوم اول مافتت للبيت شايفين هاي ريحه النضافه شميتهه😂 البيت تحسه جديد فتت للمطبخ لكيت صفاوي انطيتهه العشه لعد وين سلار امي وين
صفا .... سمسمه فوك بالحمام وماما كعد تقره قرآن وانطيني العشه خلي اصب راح اموت جوع لك فهد تخيل صفا بدون غده اني ممتغيده اليوم
فهد .... هههههه ليش شعجب معقوله
صفا..... ليش اني اكدر الهاي ال١٥٠ سم الحقيره ماخلتني اتغده
فهد.... زين كافي تلغين راسي يوجعني امشي صيحي امي
صفا.... واذا متصير زحمه على حضرتك لتفوت للحمام امانه والله ميته جوع راح اصب هسه بروح ابويه لتصعد
فهد.... زين بس ابدل
صفا.... لا لا اكعد عود فد نوب اصعد واسبح
... صبت العشه وكعدنه اجتي امي حضنتهه احس بالأمان من اشتم عطرها واسمع صوتها شويه ونزلت ملاكي اروح فدوه لهل طول اني احير على شنو اباوع على الرجلين اللي تنكرط. من النعومه لو الجسم اللي الله مبدع بي لو الادين اللي ترافتهن موتتني لو الوجهه اللي شاعل اهل فهد اجتي كعدت تاكل بس ما اكلت زين نتبهت عليهه وصفا ما متغديه يعني هيه هم بدون غده حجيت وياها
بابا اكلي شبيج صافنه تستحين من الاكل شنو
سلار.... هههههه لا والله بس شو ما اشتهي احس نعسانه اريد انام
فهد.... اي ميخالف اكلي ونامي .. نتبهت عليهه وجهه مشحوب سوده عليه يروح فهد ايدهه ترجف اكيد تعبانه هسه وكتجن جايه النداره... لعد اذا متاكلين كومي نامي
سلار .... اي والله راح اروح انام ... بين وبين نفسي اكول هسه يكولون عليه دجاجه نايمه ب٨ بس تعبانه كلش صعدت نمت وماحسيت بنفسي
صفا .... صعدت سمسم واني كمت شلت المواعين خطيه امي غسلتهن كالت تعبتي واني كعدت اكلب بتلفوني نجطلت على التخم بالصاله وفكرت منتبهه على فهد مو طبيعي مبين يحبها مفضوح الاثول😂
فهد.... خلصت عشه وطلعت وي الولد شويه نغير مود الشغل ماهر ماكو مكانه خالي اتصلت عليه حجيت ويا ورجعت للولد كعدنه بكوفي وشقه وضحك صدك تونسنه بس بالي يم هاي البنيه اللي شلعت كلبي من مكانه ورا ما اخذتلي صفنه زينه 😂 اخذت تلفوناتي ورجعت للبيت الساعه ب١ طبيت البيت اضلم شبسرعه ضلمتو رحت لغرفتي حته ابدل توني بديت ابدل فاتت صفا ..
سلار ..... كعدت من النوم حسيت بثكل على صدري احس مختنكه ماكدر اتنفس ولا حتى احجي رأسا كمت ابجي بدون شعور
صفا.... جنت كعد اكلب بالفون مالتي صح تعبانه بس ما نعسانه صارت ب ١ تقريبا سمعت سمسمه تبجي طفرت عليهه شبيج حبيبي ليش تبجين بيج شي لزمت وجهه مشتعله نار والخدود صايرات دمم من الحمار وايديهه ترجف يمه اسم الله شبيج عمري اهدي
سلار .... خطيه اجتي صفاوي حاولت تسكتني واني ماكدرت اسكت ماعرف بهاي اللحضه ردت ماهر اريده هسه كبالي كلتلهه صفا اريد ماهر فدوه جيبي اخويه اريد ماهر وابجي بحركه وخنكه
صفا... شسوي اني هسه منين اجيب صخام عفته ورحت بلكت الكه العاشك رجع فتت لغرفته لكيته يبدل ... فهد
فهد.... ها بابا
صفا.... فهد سلار كعد تبجي تريد ماهر
فهد..... شنو شبيهه منو وياها من كالت هيج احس كلبي رجف ركضت بدون مادري طريقي وين صار ركض عليهه فتت للغرفه لكيته كاعده على الجربايه ومخليهه ايديهه على راسهه وتبجي اجيت رفعت راسها وياريت ماشفت هاي العيون لو ميت ولا اشوف دموعج والخدود صايرات دم  جريتهه بحضني هيه حضنتني بس قوي مثل اللي يريد شي وخلص لازم يصير اشش بابا اهدي عيوني ليش هالبجي شبيج .. لازم وجهه مشتعله نار من الحراره وترجف حته شفتهه ترجف مدري شبيه هاب البنيه شتريدين ابويه انتي
سلار .... بس ابجي واشهك مادري احس الشهكات كعد تأذيني احسهه تجرح صدري وتطلع ماريد اشهك بس ماكدر حجيت ببجي اريد ماهر فهد فدوه كله خل يجي اريده عصرت ايده قوي وبجزع وميته بجي
فهد .... اي يبويه خابرته وجاي بالطريق ياعيني قابل ورا الباب هسه يوصل كافي سكتي جري نفس .. طبعا ما خابرت ماهر لان ادري بي يفزز والساعه ١ بالليل وعنده دوام خفت عليه ادري بي مسودن
صفا.... واكفه يمهم واباوعلهم فدوه شلون حلوين فهد شكد حنون ويحبها لعد يارب اجمعهم على خير بس خطيه البنيه مدري شجاها ... حجيت طبعا يمكن استبردت من غسلنه الطرمه نكعت مي والجو ثلج
فهد..... يا نعلل ليش هسه تشيطيني وكت طرمه اليوم شوفي شصار بيهه
صفت.... شبيك فهد شدراني انييي
سلار .... بس ابجي احس وجهي خدر
فهد.... كومي غسلي وجهج بمي بارد كومي حته تسكتين خاف يجي اخوج ويشوفج هيج عباله صفا كاتلتج كومي بنيتي
سلار ..... كوه جريت نفسي حته اكوم بس وكفت كبال الجربايه احس رجليه ارتخت وكعدت بالكاع انوب زدت بجي
فهد..... بس كامت وكعت من طولهه كمت عليهه اسم الله بابا دختي اباوعلهه انوب كامت تبجي اكثر شنو اليوم مانسكت اباوع انوب الخشم كام ينزف دم حته تكمل الفرحه لفهد جريتهه كومتهه وحضنتهه اخذتهه للحمام صفا ويايه ساندتهه غسلتلهه وجهه وايديهه بمي بارد خبلتني الا غسلت متقبل لان المي بارد صحيح عبالك يجويهه ترستني مي طلعناها للجربايه وكعدتهه خليت راسهه على صدري وهيه ماسكتت ولا ثانيه صفا كالت اقرالها قرآن بلكت تهدئ اني صوتي حلو بالقرآن بديت اقره بهدوء  يم راسها ومخليهه بحضني بس اتمنى اضمهه بكلبي شويه وحسيتهه رتخت عرفتها نامت نومتها عدل بس كوه فتحت ايدهه من التيشيرت مالتي مثل الطفل من يجلب بشغله 😂🥲🥺 المهم ردت انام بصفهه بس وين اخلي نفسي ادري كتكوت هيه جربايه ام النفر  رجعت لغرفتي ووصيت ام الصوف عليهه كلشي يصير تخابرني ورحت نمت صارت الساعه ب٣ بالليل دك المنبهه ب٧ تمنيت اوكف الوقت
سلار ..... غسلي فهد بس احس روحي تطلع من يخلي المي على وجهي رجعت للجربايه خلاني بحضنه وبقى يقرأ قرآن واني منتضره ماهر اللي جانو يجذبون عليه شنو مضحكه🥲 المهم مادري بنفسي شوكت غفيت بس حسيت دماغي خدر من صوت فهد صدك صوته يهدء الروح
...........
ماهر...... خلصت شغلي بالدوام كدرت اتوصل لاوراق مهمه وبديت شويه الزم خيط حته تنحل هاي الطلابه المفترض خابرني فهدي طالع وي الولد ادري بي ميتونس من اني بالدوام المهم خلصت شغلي ومتت تعب حته من كمت من المكتب دخت من كد ما قريت اوراق وملفات انتهى دوامي الساعه ب٧ اخذت سويجي وغراضي وطفرت للبيت نمت بدون وعي مادري بنفسي صاير زمال مال شغل كلش اتعب واجهد نفسي بس يلا هم نحلل لكمتنه بس بالي يم هاي البلوه اللي الله ما يختبرني اله بيهه اوف ياسمسم شسويتي بأخوج ياربي احفظها واحميها اذا اجه يوم وماكدرت احميهه فدوه اروحلك اخذ ماهر وخلي هاي الطفله لخاطر حبيبك محمد 
كعدت المغرب من النوم على صوت الأذان
كمت غسلت وتوضيت وصليت ونزلت جوه لكيت البنات يسوون عشى طلعت بره خابرت فهد سألته على بنيتي كال زينه ومتونسه وي صفاوي  رجعت تعشيت واخذت البنات رحنه لبيت عمتي ورجعت بالليل نمت وكعدت الصبح عندي دوام كعدت مينا تسويلي ريوك خابرت فهدي سألته على سمسمه كال مريضه شويه ماخذه برد طبيت كلتله اني طالع ماريد ريوك اخذت السياره ولبيت فهد ..
فهد...... كعدت الصبح الساعه ب ٧ كمت بدلت خابرني اخوي يسأل على روحي كلتله مريضه وكال راح اجي رحت لغرفه صفا كعدتهه
صفا.... ها كلبي
فهد... حبيبتي كومي سوي ريوك راح يجي ماهر يتريك ويايه
صفا.... صار  كمت غسلت ونزلت اسوي ريوك لماهر واخويه
.......
فهد.... رحت على ملاكي شلون نايمه البرائه والطفوله كلهه بوجهه يروحلج فدوه فهد اباوع على وجهه احس ما امل منه كعدت على الجربايه اتلمست وجهه دافي همزين نازله الحراره مديت ايدي على شعرهه رفعت خصله منه وبستهه وصافن عليهه واكول هم يجي يوم واكعد الصبح والكاها بحضني والله بيك بخت يا فهد تحركت شويه وفتحت عيونهه ابتسمتلهه
سلار...... كعدت من النوم فتحت عيني فهد كبالي ابتسمي فدوه لعيونك شكد احب وجهه حسيت كلبي رجف بس مستحيه منه وخايفه بنفس الوقت
فهد..... شلون صرتي يابعد حيل فهد
سلار..... عزااا يمه شهل حجي جفاف ترا😂😂 المهم بينت مصدومه من كلامه كتله هااا اي احسن الحمدلله
فهد... الحمدلله حبيبتي يلا كعدي راح يجي اخوج
سلار.... كلي راح يجي ماهر رأسا طفرت ورحت غسلت طلعت لكيته نازل نزلت جوه بس احس جسمي يوجعني كلشش ومتكسره كوه امشي نزلت كعدت على الميز صباح الخير يحلو
صفا.... صباح النور ياعسل
فهد..... شنو هذا الصبغ من الصبح 😂😂 بس صح لسانج صفا صدكك عسل 🙂
سلار..... باوعت عليه يباوعلي ويتبسم🌚 نزلت عيني بتلفوني واكل بشفتي بيه طبع من اتوتر اكل بشفتي
فهد.... يبووو الخدود صارت دم وانوب البلوه تاكل بشفتهه شعلت ابويه
سلار.... كاعده ونفتح باب المطبخ طب ماهر هاي شنو واصل مرحله اخويه يدفر باب البيت ويفوت خاوه😂 رحت عليه جرني بحضنه وكام يحجي ويايه
ماهر.... شفتهه وجهه تعبان والخدود دم والخشم احمر بأخوج ولا بيج يروحه انتي يوجعج شي بيج شي بروح عمتي لتضمين عليه
سلار ..... حبيبي اسم الله على اسمك والله مابيه شي وداعتك صرت احسن الحمدلله
ماهر..... الحمدلله باباتي
فهد.... وابن الكلب اللي صارله ساعه واكف متسلم عليه
ماهر..... ههههههههه شكد طايح حظ انته جريته حضنته جان يبوسني من ركبتي الساقط واني اتنرفز احس شعر جسمي كله يوكف😂 وخر ادبسزز ركعته على صفحته
فهد ....اخخخخ خره بشرفك  💔 من حضني بسته من ركبته دائما اسويهه اشيطه لله 😂😂
كعدنه نتريك ونسولف ونتشاقه بس اني شاغلني موضوع فكرت بي البارحه اريد احجي وي ماهر على سمسمه 🌚 خلصنه وطلعنا للدوام بالدوام الساعه تقريبا بال١ الضهر كلت راح احجي ويا
فهد..... ماهر .
ماهر.... عيوني
فهد... تسلم عينك اريد احاجيك بموضوع
ماهر..... ماعرفتك من شوكت صايرلك اخلاق وتستأذن
فهد.... لا والله موضوع جدي
ماهر.... تلغي لو اروح اتزقنب
فهد.... شوف ماهر اريدك تسمعني للأخر الا تحجي وتكلي شنو رأيك بداعت خوتنه
ماهر .... احجي ابويه
فهد..... ماهر اني ميحتاج ابدي وياك بمقدمات وهاي الكلاوات اني مكانتك عندي مل بيناتنه هيج شغلات انته تدري بيه انته اخويه وابويه وصديقي واي خطوه اخطيهه بس بعلمك واني جاي اريد اطلب منك طلب ادري صعب عليك بس اني واثق بيك متقهر فهد بس لا تفهمني غلط اني اريد سلار صدكني وثق بالله اخاف عليهه اكثر من صفا ورايدهه بحب الله وخايف الله بيهه واذا انته تشوفني ساقط وابن شوارع تكدر ترفض واني احترم رأيك واخلي فوك راسي واني الممنون
ماهر..... سمعت حجيه كله الصراحه احس كلبي لجمني من حجه هيج مدري لان احبه هواي لو تعلقي بهاي البنيه اذاني ماعرف بس بدون اي تردد كلتله
...
ليش هوه ماهر يلكه واحد يأمن على روحه يمه غير فهد اني اخوك وعيوني الك تستاهلهه وشايف الف خير واختي الله يحبني ويدري بيه شكد اخاف عليهه دزك اليه حته تطلبهه مني واني اصلا ماوصيك بيهه بعد لان اني اعتبرك انته نفسي
فهد.... احس روحي راح تطير من الفرح اول مره بحياتي افرح هيج عيوني دمعت حضنته فدوه اروح لعيونك اني والله انته سند واللي اخترعو لأجله كلمه اخ وعضيد. كلش اشكرك وماعرف شلون اعبرلك عن فرحتي هسه .. دموعي ينزلن بدون ماحس لان جنت خايف واصلا ما اعرف شراح يصير بيه اذا ماهر رفض راح اخسره واخسر كلبي اللي مخليني اعيش
ماهر.... يحجي واني دموعي ينزلن ويا دموع فرح والله فرحان لفرحتهه
زين هيه تقبل منو يكول تقبل بيك غير احاجيهه
فهد... معليك تقبل تقبل غير احرك خالتي اذا ترفض
ماهر .....هههههههههههه خربت ضحك عليه شجاب خالتك بالنص 😂😂💔
فهد ..... لعد بشرفي كوم عازمك اليوم طلعنه اني ويا رحنه لبتهوڤن غديته ابوك ابو ابوك ماكل هنا
ماهر ..... ابن القندره لا تذلني اني ادفع ومانطي سلار
فهد.... لا يمعوود اسف وراس امي ماذلك اليوم راح اتحمل🙂🙂
ماهر.... اويلي خوش لزمه والله بعد زله ماشوف منك رجعت العصى لأيدي الا اربي رجل اختي 😂💔