عشق الضابط فهد

بارت 4♾

هلاو حبايبي طبعا كلش اعتذر منكم ع هالغيبه بس صارلتي ضروف متعبه جداا ومجنت متوقعه ارجع واكمل نشر بس رجعتلكم ورغم قلة التفاعل بس لخاطر عيونكم اخلصهه انشالله
نبلش

سمسمه .... صعدت وي فهد بالسياره الطريق كله ساكته اخذت نضره وحده من عنده شلون يسوق عاكد حواجبه وشكله يجنن شويه كام يسوق سرعه واني احس كلبي يريد يطير كلش اخاف من الشرعه كتله فهد خفف شويه اخاف علكيفك

فهد... جنت اسوق وميت تعب بس اريد اوصل البيت حته انام جان تكلي فهد خفف شويه اخاف خررب حضيي اليوم شنو ما اوصل للبيت خففت سرعه شويه خطيه نقهرت عليهه مبين صدك تخاف وصلت للبيت طبكت السياره بره ونزلنه طبيت للبيت اني وياهه تلكتنه امي فتحت باب المطبخ
سمسمه .... وصلنه لبيتهم بيت حلو ومرتب شكله من بره طبك السياره بره لان تدرون اغلب البيوت اللي بغداد ماعدهم مكان للسياره بالبيت يطبكوهن بالشارع المهم دخلنه للبيت ماعرف ليش متوتره كولش ومستحيه حيل فتحت باب المطبخ مريه احس روحي شايفتهه طلعت امه راح فهد عليهه حضنهه وباسهه من راسهه
ام فهد..... هلا يروحي يايمه سوده عليه شلون تعبان وليدي شفت بنيه تخبل ويا يمه منو هاي الحلوه الجايبهه وياك
فهد .....يمه خلي نفوت وجوه اسولفلج
ام فهد ......فوت يروح امك فوت واني موكفتك هنا بره همداني فوت وليدي
فهد......فتنه للبيت كعدت شربت مي يمه هاي سلار اخت ماهر راح نبقى يمنه هالكم يوم اكو مشكله وماهر امنهه يمي وكال سلملي ع خالتي وكللهه هاي امانه عدهه
ام فهد ......يروحي حبيبتي واني اكول تشبهيمن طلعتي اخت الغالي حبيبتي والله يماهر اعزه بمعزه فهد والله ياخاله تعالي نطيني بوسه فدوه يروحي هلا بيج شوكت متجين هذا البيت بيتج واني امج وصفا اختج وشوكت متجين تنورين البيت والله انتي واخوج
سمسمه...... دخلنه جوه وفهد حجه وياها خطيه رحبت بيه وبوستني حبيتهه كولش حبابه
ام فهد ....حبيبتي هاي جايه من الدوام خل اصيحلج صفا تنطيج ملابس تاكليلج لمه حته تنامين يمه وانته فهد كوم يمه اكلك لكمه حته ترتاح
فهد .....ماريد وداعتج ميت تهب بس اريد الفراش حته مالي خلك اكل بس اريد اسبح وانام
ام فهد ..... صفاااا يمه صفااا تعالي حضري ملابس لخوج خل يسبح حته ينام يمه وينج

صفا......جنت كاعده بغرفتي سمعت صوت جوه ردت انزل بس سمعت صوت غريب بقيت اتصنت من الدرج سمعت القصه كلهه وبعدين ماقصرت ام فهد فززتني رحت اركض قريب ع غرفتي وكتلهه هاا حته متحس جنت يم الدرج😂😂 نزلت عليهه هلاوو سلمت ع سلار شنو من جمال ونزاكه تجنن اني بنيه وصفنت عليهه شحال الولد 😂😂 جيتت ع فهد شبكته مشتاقتله كلش
فهد... لج اخخ علكيفج تتخيلين روحج كتكوت وانتي بقره كسرتيني
صفا .....موصوجك والله صوجي اني المشتاقتلج ويلااا روح شوف واحد يحضرلك ملابس
فهد...... لا لا يمه شعندي غيرج اني عصفور البيت انتي الابوبريص مالتنه
صفا .....يممممه صيحي بفهدد
فهد....وسم اكلج بقره تزعلين اكلج ابوبريص تزعلين حرنه وياج
صفا ......ساعه السوده ماريد كلشي لتكولي رايحه احضرلك سلابات
فهد.....اسمهن ملابس ..وشمرت عليهه الكوشه😂😂😂صعدت تركض
سمسمه ...... اني ميته ضحك عليهم نفسسوالفنه اني وماهر حبيت علاقتهم حلوه ....المهم بعد ما صفا حضرت هدوم الفهد نزلت اخذتني لغرفتهه انطتني ملابس بدلت ونزلت تغدينه اني وياهه وام فهد وصعدت نمت بغرفة صفا
فهد.....طبيت سبحت وطلعت شمرت نفسي ع الجربايه ومادري بنفسي بعد ميت تعب رأسا غفيت
سمسه كعدت الساعه ب٦ المغرب فزيت مختنكه وضايجه هيج وقت يضوج كمت غسلت توضيت وصليت ونزلت لكيت ام فهد كعد تقره قرآن وصفا لابسه ازار الصلاه وكعد تلعب بالفون تذكرت ترلفوني ماهر كال باليل اجيج رحت كعدت بصف صفا كعدنه شويه سولفنه اني وياها ع الدراسه
ماهر......فهد اخذ بنيتي وراحو واني بقيت اشتغل جان عندي تحقيق وشويه ملفات لازم اخلصهن كملت شغل الساعه ب٤ونص العصر قفلت الكتب مالتي وسلمت ع الشباب وطلعت للبيت طبيت السلام عليكم تلكتي امي هلا يروح امك شونك حبيبي بستهه من راسهه وتلكني البنات بوستهن وانتضر سمسمه شوكت تجيني تذكرت هيه مو هنا امي يمه لعد اختك وين مو كلت  وياك سولفتلهه كلشي ضلت تبجي وتدعي واني هديتهه كتلهه ماكو شي لتخافين البنات هم كامن يبجن يابه شكو لتخافون والله ماكو شي وحده منجن تحضرلي ملابس تريد تسبح وانام ميت تعب وحضرن جنطه ملابس لسلار كلشي تحتاجه وكتبهه وتلفونهه من اكعد اروح اشوفهه واوديهن الهه ماشي رحت سبحت ونمت كعدت الساعه ب٨ باليل كعدوي ع العشه لكيتهم كلهم ملتمين كملنه عشه دزيت ع عمامي يجون حته احجي وياهم علمود الموضوعين موضوع التهديد وموضوع المشكله مال المدرسه اجوي عمامي سولفتلهم كلشي بس ماكتلهم وين مكانهه كتلهم بمكان ميحتاج تعفو اني امنت عليهه هناك همو اول شي لعترضو بس بعدين اقتنعو من شافو ابويه مقتنع وتعاركو ويايه من وره المدرسه لان تنازلت عن حقهه العشائري بس بعدين قنعتهم وكتلهم لخاطر الرجال جبير بالعمر وعلكد حاله وهيه ادبسزز خطيه هوه شنو ذنبه المهم اقتنعو رحت ع البنات اخذت الغراض وركبت سيارتي وطلعت خابرت فهد نايم ميجاوب من ميجاوبني يعني نايم خابرت ع ولد صديقي بالوزاره علمود هاي الشلنفص المدرسه حجيت ويا كال وي العقوبه مالتهه هاي الفصل ال٦ سنوات بدون راتبهه راح تكعد بالبيت ننأدب شويه وتتعلم تعامل العالم الا تداوم تشكرت منه ورجعت خابرت ع هذا التنبل مال النوم
فهد .....دك تلفوني حسيت عليه بس مابيه احاوب رجعت نمت انوب وره شويه هم دك عرفته مهيران ميخليني انطمر مثل الاوادم
فهد...الوو شبيك لطشت متكلي شبيك متكول اوادم نايمه
ماهر.....وجع خل احجي استلمتني مو صارلي ساعه ادك عليك شبيك متجاوب كم مره كايلك لو ع الساتر تجاوبني فتهمت
فهد.. الغي شتريد
ماهر ....كوم افتحلي المهجوم الباب راح اموت برد بره
فهد....يلا جايك ومتفوت انته شنو مستحي اول مره تجي لبيته
ماهر .....اي ابن الاثول شلون افوت وانتو قافلين باب المطبخ عبالك بيت رئيس الوزراء مو بيت فهد الفكر.
فهد......اهوووو كافي شكد تكرك اجيتك سده
ماهر ....سديته وره شويه اجاني استاذ فهد يفرك بعيونه كوه يباوع فتحلي الباب صح النوم عيني من شوكت نايم
فهد.....من الول مرجعت
ماهر بختت واني نايميلي ٤ ساعات ونص حاسديني عليهه
فهد ...دفوت فوت 
فهد .....سده ماهر نزلت من الدرج لكيتهن كاعدات بالصاله يمه اجه ماهر  ام فهد ..هلا بي حبيبي
رحت فتحتله الباب وصار الحجي الفوك👆👆👆👆
فتنه كعدنه بالاستقبال كمت اني اروح اغسل واجيك
ماهر ....كعدت اجتني بنيتي تركض حضنتهه شميت شعرهه اووف فدوه يروحلج اخوج خما بعده خدج احمر شو اشوفه شفته زين خفان الحمار الحمدلله هاج كلبي هذا تلفونج ومثل ما اتفقنه ماشي
سمسمه ....صار حبيبي والله ما اتصل ع اي احد زين والبنات
ماهر .....احجي وياهن بس ع للنت وممنوع تكولين انتي وين تمام
سمسمه ....تمام زين كتبي ملابسي جبتهن
ماهر اي جبتهن عيوني بس بالسياره هسه انزلهن
سمسمه ...ماشي اليوم شلون راح انام بدونك🥺🥺
ماهر.....فدوه اروحلج اني بس لتبجين والله علمودج يروحي لعد اني اكدر ع فراكج بس غير اخاف عليج
سمسمه......وشوكت ارجع للبيت شوكت تلكه هذا الحقير الي يريدني
ماهر .....لتخافين يروحي اني اخوج مضل شي انشالله بأقرب وقت ارجعج للبيت يمنه ماشي
سمسمه .....ماشي
اجه فهد ماهر باسني وكلي يلا بنيتي عندي شغل روحي جوه يم ام فهد واني من اخلص اصيحلج انطيج غراضج ماشي
ماشي رحت جوه يم صفا ضلينه نسولف اني وياهه
فهد .....كعدنه اني وماهر نسولف وندرس الخطه شلون نكدر نلزم هذا العار
👋👋👋👋
واسفه ع السحكات اعذروني 😂😂😂