عشق الضابط فهد

بارت 8

فهد .. ماهر اتصل عليه بنص اشتباك عسكري بس سمعت منه كال حدد الموقع وجيب دعم وسده طفرت بسرعه بدلت وودعت البنات واتصلت على الآمر بلغته حضرولي دعم واتجهنه للموقع وصلت صارت الاشتباكات اقوه لان عصابه كلش خطيره مخدرات ودعاره وتجاره وكلشي لامين بيها احس روحي فرفحت اريد اشوف ماهر مالكيته اعتقلناهم وكدرنه نسيطر ع وضع رحت ادور بالمتصوبين اكلب بيهم عرفته من ايده لابس بيها سبحه سوده لافها كلبته خليته بحضني متصاوب بجتفه الدم مغركه
ماهر.... كدرت اتوصل للعصابه وقررت اني اروح بدون فهد ماردت اخاطر ونروح ثنينه ردت احد يبقى سند لسلار رحنه وصار الاشتباك مو مثل مجنت متخيل عددهم كلش جبير وعدهم سلاح كومه اتصلت ع فهد وقبل ليوصل حسيت جويه بكتفي تصوبت واني مادري شويه وفقدت من النزيف

فهد ... شلته اخذته للمستشفى والطريق كله اتوسل بي حته يصحى ماهر لتعوف اخوك انته وعدتني متخليني بدونك اني كايلك نموت سوه
جنت كلش مقهور والحسره بكلبي جبيره ليش هيج ياروح اخوك ليش هيج تضحي ومتكلي ادري بيك ماكلتلي لان تدري ماخليك تروح وحدك خويه اني بدونك ما اسوه شي والله
دخل للمستشفى صارت الساعه ب٣ بالليل واني ماتصلت ع اهلي ولا طمنتهم هسه هاي البلوه شصار بيها اخخ يافهد شوكت ترتاح ماهر طلع من العمليه خلو بالغرفه بعده فاقد الوعي واني الدم صاير على طولي ركبت سيارتي ورجعت للبيت

سلار ... ورا ما فهد طلع كعدت ابجي دريت صاير شي اتصل عليه مايرد الخوف صار يقره الفف البنات توضو وكعدو يصلون واني حاضنه خاله ام فهد ونبجي ثنينه الوقت يمشي وماكو اي خبر عن فهد ولا اخويه ردت اتصل على خوالي بس ادري ماهر ميرضى اتصرف هيج بقيت ادعي واني منهاره صارت الساعه ٣ خاله غفت بالصاله والبنات هم بس اني ماكدرت انام ضليت كاعده اختنكت كلش من البيت كمت طلعت وكفت بالطرمه نفتح الباب وفات فهد مم شفت المنظر اللي جان بي احس روحي راحت باوعت عليه هوه رأسا اجه لزمني من ايديه

فهد .. دخلن للبيت لكيت بنيتي واكفه بالطرمه والعيون منتهيه من البجي شافتني ونخطف لونها وجهه صار ابيض بدون لون رحت عليها لزمتها اهدي ماكو شي

سلار ... فهد اخويه وين
فهد... مابي شي لتخافين
سلار .. هذا دم ماهر موو
فهد... تحجي وصوتها يرجف ابويه انتي بس اهدي مابي شي والله شويه نجرح بجتفه وهسه زين
سلار.... جرح وكل هذا الدم فهدد لتخبلني احجيي وينهه ليش ما اجهه وياكك احجي وابجي وارجف مادري شصار بيه بوقتها احس ماكدر اوكف بعد

فهد ... كامت تبجي حضنتها مابيها توكف بعد ذبت روحها عليه لزمتها من خصرهه بابا اهدي كولي يالله حسيتها فقدت نزلت للكاع مخليها بحضني سمسم حبيبي شو فتحي عيونج بابا تسمعيني عبالك روحها ماعت ركضت جبت مي غسلت وجها وشربتها شويه رجعت بيها الروح
سلار...  صحيت بس ابجي ماكدر احجي فهد شالني ودخلني جوه كعد امه خطيه كلش خافت من شافت فهد كله دم بعدين هوه هدءها
فهد...بس تبجي شلعت كلبي اتوسل واسكت ميفيد وياها لج فدوه اروحلج اني كافي البيه مكفيني والله كلبي يوجعني من تبجين كافي اسكتي لخاطر ماهر
مافاد بقت تبجي خليتها بحضني واحجي وياها لحد ما غفت من التعب والبجي تشهك هيه ونايمه لعد شكد بجيتي ياروح فهد
سلار ... غفيت ومادري بنفسي
فهد ... نومتها بغرفه امي واني سبحت وكلت لأمي راح ارجع للمستشفى رجعت لكيت ماهر بعده فاقد ماكو اي تغير بحالته انتجيت ع القنفه اللي بالغرفه وغفيت

ماهر .... كعدت لكيت نفسي بالمستشفى الالم بجتفي يهد الحيل كوه مفتح عيوني لكيت فهد نايم يمي بالغرفه احس ريكي يابس بس اريد مي صحت على فهد فهد فهد
فهد... حسيت على ماهر يصيحني ها يابه
أمرني
ماهر.. انطيني مي
فهد  ..شربته مي وصحت الدكتور اجه فحصه وكال احسن
ماهر تره ما اتصلت ع الاهل ادري بيك مترضى وحسابك بعدين ع هالحركة السويتها
ماهر ... مابيه ارد عليك
فهد .. خل اخذك للبيت حته ترتاح وصدك تره اختك شعلت ابويه البارحه من وراك تجي ويايه تشوفها بالاول وبعدين اوصلك للبيت كومته انتجه عليه وصعدته بالسياره
وصلنه للبيت لكيتهه كاعده وهم تبجي شكد تبجين رحمه لمحمد كومي جبتلجيا كومي
سلار...اجاني فهد كال جبتلج ماهر طفرت من مكاني طلعت لكيته بالسياره فتحلي الباب تعبان كلش حضنته وكمت ابجي ليش هيج ليش شلون هيج تسوي وتريد تعوفني ابجي واشهك بحضنه حته هوه كام يجبي ويايه

ماهر...كافي يروح ماهر كافي تبجين ماتحمل دموعج مابيه شي والله وداعت عيونج مابيه شي كافي لتبجين
سلار ... اخذني وياك حباب الله عليك ارجع وياك لتعوفني
ماهر.... لخاطري بس هالايام تحمليها بس اتحسن واني اجيج برجلي واخذج بعد
سلار ... ودعته واني ابجي فتت جوه للبيت صعدت بغرفه صفا كلتلهم راح انام شبعت بجي وغفيت
فهد... شلعت كلبي بالبجي اريد اسكتها بكل طريقه بس ميفيد وياها جنت خايف لا ماهر ياخذهه لان خلص لزم العصابه بس حجه وياها وكللهه راح تبقى مي بارد ونزل على كلبي الحمدلله راح تبقى يمي وصلت ماهر للبيت  وشفته اذا محتاج شي وطلعت رجعت للبيت سألت امي على بنيتي كالتلي نايمه بغرفه صفا لعد اني راح اصعد انام لحد يكعدني صعدت رحت لغرفه صفا لكيت صفا ومها كاعدات يسولفن وبنت كلبي نايمه رحت عليها شميت شعرها ولزمت ايدها خليتها بأيدي واحرك اصابعها اروح فدوه لهاي الأصابع اني شكد ناعمه شهكت سحبت نفس وكلبت نفسها بيها طبع من تبجي وتنام تبقى تشهك كل شويه هيه ونايمه وهاي الشهكه بكلبي احسهه توجعني
مها... عيني كوم نام عوف البنيه نايمه
فهد... مها سكتي
صفا.. فهد شوكت تتزوجها الله عليك استعجل 😂
فهد... لوبيدي باجر بس غبر طلعتلنه هاي الشغله صفح بستا من خدها وكمت
مها...هوووب يمعود احنه هنا تره راح تأكلها
فهد.... مها راح اذب حركت كلبي بيج وعينجن عليها لاتصخن اني راح انام
صفا ... روح حبيبي اني يمها لتخاف
فهد.... رحت لغرفتي سبحت ونمت بدون شعور  حسيت احد يلعب بشعري