الفصل التاسع
______________________
" إن أولادكم ليسوا أولاداً لكم ، إنهم أبناء وبنات الحياة المشتاقة إلى نفسها، بكم يأتون إلى العالم ولكن ليس منكم "
(جبران خليل جبران).
مشكلة الأباء الأساسية في مجتمعاتنا المعاصرة هي أنهم يريدون أن يكون أبناؤهم دائماً مدينون لهم
(برتراند راسل)
____________________________
ايوه انت ... هو انت مش من ضمن نظريتك أن كلنا مرضى نفسين
ما كان هذا سوا صوت يونس مجيبا على دكتور يحيى .
علق رامى بهدوء : طبعا لازم تتكلم و بعدين انا عايز افهم فين التجربة بتاعتك دى
علقت شيماء سريعا : استنى بس يا استاذ رامى . .. زى ما احنا اتكلمنا لازم دكتور يحيى يتكلم ماهو اكيد مافيش اى حاجه مضايقه او ذكرى حتى وحشه زى استاذ يونس و فاطمة و الا تبقى نظريتك بلح
ضحك سليم معلقا : هى اغمقت كده ليه
علقت سلمى : اتكلم يا دكتور متخافش احنا بقينا ستر و غطى على بعض يا خويا اتكلم اتكلم
صدح صوت حياة معلقة هى الأخرى : احم يمكن انت قدرت تساعدنى انى اتكلم و اطلع اللى جوايا .. يمكن لما تتكلم الحزن اللى فى عينك ده يروح
استغرب دكتور يحيى من حديثها و توقف بيه للزمن عند تلك النقطة التى مر عليها أكثر من ٧ سنوات و لكنها لازالت تحفر فى قلبه و تجلعه كقطعة قماش بالية
فجأة وجد نفسه يقول : انا عمرى ما كان نفسى ادخل طب نفسى خالص .. بس بابا كان شديد كان عايزنى ابقى زيه و خلاص .ازاى ابن دكتور المشهور ميبقاش ليه ابن يكمل المسيرة من بعده ...دخلت طب و هناك قبلتها اللى سرقت قلبى من اول نظره ..ضحكتها و براءة اللى فى عيونه. شدتنى ليها مقدرتش أقاوم
روحت لها و اعترفت بحبى ليها ..و كانت المفاجأه انها كمان بتحبنى ..منساش ابدا فرحه قلبى يومها لو كان قلبى قادر يخرج من مكانه كان حصل ... بعد الكلية روحت لأهلى و قولت ان عايز اتجوزها
Flash back
يعنى ايه يا بابا مش من مستوانا ؟؟... بقولك بحبها و عايزاها جنبى؟
مراد والد يحيى : انت ليه عايز تهد كل حاجه انا بعملها .. عايز تتجوز بنت واحد شغال مندوب فى حته شركه كحيانة
يحيى بغضب : و فيها ايه يعنى ؟ ... و بعدين دى دكتورة زى زيها
مراد بغضب : بس انت ابن مراد صادق اكبر دكتور فى مصر
يحيى : هو انا ليه لازم أمشى على نفس طريقك ها قولى؟؟
مراد: تقصد ايه بكلامك ده
يحيى : اقصد انك عايزنى ابقى زيك و خلاص نسخه منك ... جدى زمان رفض انك تتجوز حب عمرك و جبرك تتجوز بنت عمك ..اوعى تكون فاكر ان ماما مش عارفه و لا حاسه انك مش بتحبها بس هى ساكته و صابره عشانى و عشان انت ابن عمها فى الاول و الاخر
YOU ARE READING
نوفيلا ♡♡يوتيوبيا (المدينة الفاضلة )
Short Storyكلنا نريد العيش فى المدينة الفاضلة كلنا نتمنى أن نصل إلى صفاء الذهن ان نكون اسوياء النفس و لكن البعض لم يروا مدينتهم الخاصة (قلوبهم ) لم يبدأ احد ابدا بمعالجة مرضهم الخاص بل اهم شئ هو الغير
