~~~~~~~~~~~~~~~~~~انت استثنائى~~~~~~~~
الفصل 3
امل : اهلا اهلا بالشباب. الجميل
ايان بابتسامه: اهلا بحضرتك
امل : متبعاكم على فكره
سيف : دا شرف لينا
امل : واحتفالا بيكو أنا قررت تتغدوا معانا انهارده
عاصم : مش عايزين بس نتقل عليكوا
امل : لو مقعدتوش هزعل ولو زعلت هاخد لين معايا
عاصم : حلو الا دا انا هقعد
امل بضحك : عرفت نقطه ضعفكم خلاص
ضحك الجميع
لين : تعالا اوريكوا اوضتى فوق. عامله ازاى
امل : مفتكرش سناء وبنتها هتسيبهم ... وصحيح اتصلت بصحابها
شيرى : اهم يا بنات بصوا قولتلكم مش بكدب
تقى : مش مصدقه نفسي بجد انى شيفاهم
اقتربت تقى لتقف لين امامها
لين. : عايز ايه
تقى : انتى مالك وسعى كده
لين بتفكير : ولو قولت لا
نظرت تقى لشيرى : خير مالها. دى
شيرى : تجهليها وخلاص يا توتا
منى : لا بعد اذنكم انتو كده
دفعت منى لين ليمسكها جمال
جمال : ما براحه عليها يا قمر
منى بفرحه : قالى يا قمر ... انت شايفنى قمر صح
تقى : أنا عملتلكم البورتريه دا اتمنى يعجبكم كلكم
اخذه منها سيف وأعطاه للين
سيف : شكرا ليكى
تقى باستغراب: انت اديتهالها ليه
شيرى بضيق : مفتكرش هياخدوها اصلا هما مبيتكلموش مع حد غيرها
ايان : طب عن اذنكم يا بنات الجو هنا وحش اوى
لين : تعالو تعالو
ذهبوا الخمسه لغرفه لين
عاصم بانبهار : حلوه اوى احلى من اوضتك إلى هناك
لين : بحب إلى هناك اكتر
ايان: مش مهم طالما انتى فيها تبقى اكيد حلوه
سيف : اووووه طب أنا بغير على فكره
دخل عبده وعز
لين بعصبية: ما تخبط قبل ما تدخل
عز بغضب : انتى مش هتسافرى انتى فاهمه
لين. : مالكش دعوه يا عز
عز : مبقولش كده علشان خاطر عيونك بقول كده علشان طنط وفاء
لين : خليك فى حالك
اقترب منها وأمسك يديها بشده
عز : انتى مهما حصل مش هتسافرى يا لين انتى فاهمه انا عندى تموتى ولا انك تسافرى برا مصر
عاصم : نزل ايدك يا عز احسن ما يحصل زى زمان
عبده : طب جرب كده
لين : شباااب اهدوا شويه خلاص .... عز أنا مش هسافر خلاص
عز : كويس
مشي عز
جمال : أنا مش فاهم ابوكى عايز ايه
لين : لو سافرت برا هيبقى فى فرصه كبيره اوى لشيرى تكسب محبت جدو وقتها مش هبقى أنا الوحيده إلى من حقى اورث
عاصم : ااااه صح
سيف : عرفتى أن حصل معانا حوار بعد ما مشيتى
لين. : حوار ايه
ايان: بس يا سيف
لين : لا مش بس قول يا سيف الحوار مع مين
وضع جمال يده على فم سيف
نظرت لين لهم : رافت تانى صح
عاصم : الموضوع المره دى انو...
لين : مش قولتوا هتبعدوا عندو دا بتاع مشاكل وهياذى حد فيكم فى مره على فكره دا .. دا بلطجى
سيف : المره دى اتخطى حدوده معانا اتخانقنا معاه وخلص الموضوع
لين بعصبية: الموضوع لسه هيبدا يا سيف
ايان : مافيش حاجه تستعدى العصبيه أهدى
لين : محدش فيكم هيمشي انهارده انتو قاعدين معايا
عاصم : يعنى عايزانا نخاف منه ونستخبى ولا ايه
لين : اه لو استعدى الأمر هعمل كده
سيف : لا طبعا أنا مستحيل اخاف منه
لين بسخرية: وانا مش هستني يا سيف لما يحصل لحد فيكم حاجه
عاصم : انتى ليه بتتعاملى معانا على أننا عيال صغيره
لين : احسابها زى ما انت عايز يا عاصم مرواح من هنا مش هيحصل
عاصم بعصبية: احنا رجاله دلوقتى نقدر نعمل اى حاجه مش انتى إلى هتحمينا يا لين
لين : لا هحميكم
عاصم : بدل ما تحميمنا روحى شوفى نفسك انتى أضعف من انك اصلا تتكلمى مع حد وإلا مكنش ابوكى عايز يسفرك معاه
لين بهدوء : متدخلش المواضيع فى بعض الموضوع مختلف
عاصم : بس انا زهقت محدش فينا عارف ياخد راحته فى حاجه بسببك
لين بصدمه : بسببى أنا ليه
ايان : عاصم انت بدأت تغلط
عاصم : مش عارفين نعرف بنات لأن طبيعى محدش فيهم هيحبك ومش بنعرف نشوف صحابنا كتير علشان طول الوقت لازم نبقى معاكى بسبب ومن غير سبب كمان .... أنا زهقت من العيشه دى يا جماعه
دفعه سيف
سيف بعصبية: انت غبى يعم ولا ايه انت سامع نفسك
لين بابتسامه: مكنتش اعرف انى هم تقيل اوى كده عليكم يا عاصم خلاص انت مش مجبر تاخد بالك منى على فكره انا فكرت انكم حابين تبقوا معايا ونسيت ان ليكم حياتكم انتو كمان .... أنا اسفه تقدروا تمشوا لو عايزين مش لازم تقعدوا معانا لحد بليل أنا هتصرف واقولهم اى حاجه
ايان : لين عاصم مش قصده هو بس .....
لين : امشوا يا ايان امشوا
جمال : لي...
رفع ايان يده ليصمت الجميع
ايان: ماشي خدى بالك من نفسك ... يلا
ذهبوا وأغلقت لين الباب وجلست تبكى على الأرض
....................
ايان بعصبية: انت بتستهبل يا عاصم
عاصم محاولا أن يهدى : اتعصبت يا جماعه اعمل ايه ادايقت من أنها بتعاملنى زى العيال الصغيره
سيف : تقوم تقولها أننا زهقنا مش عارفين نشوف حياتنا من غيرها وأنها حمل كبير علينا وموقفه حياتنا
عاصم : أنا مكنش قصدى هى إلى فهمت غلط
جمال : يعنى كلنا فهمنا غلط على كده باه
تنهد عاصم بغضب : اعمل ايه طيب
سيف. : مافيش حاجه تتعمل انت خربت الدنيا وخلاص خلينى نمشي ونبقى نفكر فى حل بعدين
..........................
لين : أنا عايزه ارجع البيت
رحيم : لا انتى هتقعدى هنا فتره
لين : مش عايزه اقعد هنا
رحيم بهدوء: السبب
لين : انت عارفه ... وانا محتاجه ارجع البيت علشان اقدم ورق الجامعه بتاعى
رحيم : بما انك مش هتسافرى يبقى سبينى أنا أقدمه
لين : مش عايزاك تدخل ليا فى اى حاجه
رحيم : ودا ليه
لين : بابا ممكن تتعامل معايا زى الاول كنت سايبنى. ومش بتسال فيا اعمل كده تانى بدل ما اكرهك بتصرفاتك ماشي
تركته وذهبت
.........................
قبل بيت لين
رافت بعصبية : باه أنا شويه العيال دول يعلموا عليا أنااااا وحيات امى لوريهم
حبيب : متقلقش حقك هيرجعلك
رافت: اشوفهم بس وانا اشرب من دمهم
حبيب: عندى إلى يوجع. اكتر
رافت بعدم فهم : ايه
حبيب: بص هناك مين جاى
نظر رافت وابتسم بخبث : طب تعالا
كانت تمشي لين ممكسه بتليفونها
رافت : ازيك يا قطه
لين بزهق : ابعد عن طريقى يا رافت
رافت : بس انا ليا حق عندكم
لين بسخرية : معرفتش تاخده منهم فجايلى .... اه صح منا انت مبتقدرش غير على الحريم
رافت بعصبية : بس انتى اتكلمى معايا عدل
لين : ولو متكلمتش
اخرج من جيبه مطوه لتنظر لها لين بخوف
رافت : أنا باه هعرف اقطع لسانك دا
....
كان يتحدث ايان وعاصم ليقاطعهم سيف
سيف : الحقوواااا
عاصم : فى ايه
سيف : لين
ركضوا جميعا ... وسحب ايان لين خلفهم
عاصم : مش عيب يا رافت لما تتشطر على بنت
رافت : انت كنت عايزكم انتو على فكره
ايان : واحنا قدامك اهو
سيف بهمس : لين مع 3 أجرى ومتبصيش وراكى مهما حصل
لين : لا مش هينفع اسيبكم
سيف : لين مينفعش تفضلى لازم تجرى على البيت وقولى لاى حد هناك ماشي
نظر سيف لهم : 1....2...3 أجرى
ركضت لين ليضرب رافت سيف فى يده
حبيب : انهارده اخرتكم خلاص
عاصم : ورينى
ايان بقلق: سيف انت كويس
سيف : تمام مافيش حاجه ..... جمااااال خلى بالك
ليقف أمامه ايان ويطعنه رافت
عاصم : ايااااااان
سمعتهم لين لتقف مكانها وتنظر خلفها
جلس ايان أرضا
جمال بخوف : ايان ... ايان انت كويس متخافش هوديك المستشفى حالا أهدى
ركضت لين نحوهم
لين بخوف : اياااان.... ايان.. هو حصل ايه فى ايه
رافت بسخريه : يا حرام دا لسه اول واحد
أمسك رافت بلين
رافت. : اسمعى الكلام الى هتشوفيه دلوقتى هيبقى وحش على بنت رقيقه وجميله زيك
دفعها رافت ليمسك بيها حبيب
تذكرت لين بعض الكلمات ( تفتكرى ايه إلى ممكن يحصل لو حد مسكك ولازم تتصرفى بسرعه .... اول حاجه لو ماسك ايدك بحركه مفاجاه هاتيها ورا ضهره والباقى هتقدرى عليه )
نظرت لين لحبيب وامسكت بيده خلفه وركتله على الأرض وركضت
حبيب : استنى عندك رايحه فين
ركضت لين لتجد طوبه بناء كبيره امسكتها وضربته على رأسه بها ليقع أرضا ... نظرت حولها لتجد قطعه حديد لتاخذها
......
اقترب رافت من سيف ممسكا بالمطوه لتضربه لين على كتفه
الفت رافت لها
لين بثبات : جرب تعملها
رافت بابتسامه : هجرب دلوقتى بس تقريبا ليكى
أمسكت لين بالحديده بشده لتعطيه عدة ضربات ليسقط أرضا
رمت لين الحديده بعيدا
عاصم : ايااان ... رد عليا
لين بخوف : ااا ايان
سيف : لازم نروح المستشفى بسرعه
........................
فى المستشفى
محمد بخوف : حصل ايه
سيف : أهدى يا عمى أن شاء الله خير
رن تليفون لين
لين : نعم
رحيم : الى سمعته دا حصل بجد
لين : بابا مش عايزه اتكلم بجد بعدين نتكلم ماشي .... سلام
أغلقت الهاتف ووقف بجانب جمال
أمسك بيدها: متقلقيش كل حاجه هتبقى كويسه
وفاء : يارب ... هو بقاله قد ايه جوه
عاصم : ساعه ونص
سوسن : ربنا يجيب العواقب سليمه يارب .... يارب طلعه منها على خير
خرج الدكتور
الدكتور : فين أهل ايان محمد السيد
محمد : أنا أبوه يا دكتور فى ايه
الدكتور : اطمنوا عدينا مرحله الخطر بس لازم تاخدوا بالكم منه كويس اوى وميتحركش كتير لحد ما جرحه يخف
لين : يعنى هو كويس مافيهوش حاجه
الدكتور : اه تقدروا تشوفوه كمان محتاج حد يخلص إجراءات المستشفى
وفاء : روحى معاه يا لين ... وخدى
اخرجت الكريديت من شنطتها.
محمد : لا والله ميصح
وفاء : هو مش ايان دا ابنى بردو ولا ايه يا محمد روحى يا لين روحى
عاصم : هاجى معاكى
لين : سيف روحى شوف ايدك كمان
........
عند الإستقبال
لين : كده خلاص
الممرضه: اه تمام كده هتدفعى كاش
لين : لا خدى
عاصم بحزن : لين
لين : امممم
عاصم : أنا آسف مكنش قصدى إلى قولته دا كله كنت غبى وانا بقول الكلام دا .... أنا بحب ابقى معاكوا كلكم من غير ما ننقص حد ومش مهم اى حاجه تانيه متزعليش منى ومتبعديش. خليكى معانا دايما
نظرت له بابتسامه : بس يا عبيط هروح فين يعنى... خلينا نروح نشوف ايان
.................
افاق ايان ليجد الجميع بجانبه
ايان : أنا فين
لين : أنا بتتحاسب وكلنا دخلنا الجنه شوفت
ضربها جمال على رأسها : اسكتى خالص.... انت كويس يا ايان حاسس بايه
لين : اضرب بمطوه هيحس باى يعنى
ايان حاول الضحك : بس باه اسكتوا
عاصم : المهم امك كويس
فتح الباب ليدخل صفين من الحرس
سيف : ايه دا
لين : بابا جه
دخل رحيم
رحيم : دول صحابك إلى عايزه تقعدى معاهم طول عمرك ... شويه صايعين شمامين عجبك فيهم ايه دول باه
لين : بابا
رحيم بعصبية: انتى غصب عنك هتيجي معايا ومش هتشوفى الاشكال دى تانى
محمد : انت بتتكلم كده ليه اتكلم كويس عن ولادي
رحيم : بص يا استاذ انا مقدر انك ربيتها كتير شوف عايز كان وانا اديلك
سيف بعصبية: انت بتتكلم كده ليه
رحيم : أنا أتكلم زى ما انا عايز مش انت إلى تقولى اتكلم ازاى
عاصم : بقولك ايه .....
لين : أنا مش عايزه ابقى بنتك
صمت الجميع ونظر لها
رحيم : قولتى ايه
لين : أنا مش عايزه ابقى بنتك تانى
رحيم : مينفعش وانتى عارفه كده كويس
لين : لا ينفع يا بابا ... أنا أقدر دلوقتى اروح لجدو واقوله انى مش شايفه نفسي فى كل دا وانى عايزه أتنازل عن حقى فى الورث كله لعز وهو هيوافق
رحيم : مش هتعملى كده
لين : متتكلمش مع صحابى كده
رحيم بعصبية : دول مش صحابك
لين : ايوه صح دول اخواتى
رحيم : انتى مش عارفه مصلحتك أنا ابوكى لكن هما ولا حاجه
لين : فى كل مره وقعت كان هما اول ناس جنبى كنت فين انت وقتها اقولك انا انت كنت فين. .... كنت مع شيرى بنت مراتك فى حاجه لو جيب فى يوم اختار ما بينهم وبين اى حاجه فى الدنيا فهما عندى بكل الدنيا اصلا
رحيم : انتى مينفعش تفضلى معاهم بطلى عند وخلينا نمشي
لين : لا ... وياريت متجيش تانى هنا مش مرحب بيك طالما هتعمل مشاكل معاهم
رحيم : هتندمى
ذهب رحيم
لين : انت كويس .... أنا اسفه يا عمى
محمد : لا لا لا متقوليش كده اهم حاجه انتى كويسه
لين : امممم
....................
بليل
عاصم : روحوا انتو يا جماعه عندكم شغل بكره واحنا قاعدين هنا اهو
سيف : لو حصل حاجه هنتصل بيكوا
خالد : صح يا محمد خلينا نمشي
محمد : خلوا بالكم من نفسكم طيب
سيف : حاضر
ذهب الجميع
عاصم : ممشتيش معاهم ليه
لين : طبعا مش همشي واسيبكم
أيان : مالك يا عاصم
عاصم بحزن : أنا خايف اوي يا جماعه ... لما لقيت رافت طعن أيان و ايد سيف اتعورت حسيت فجاه انى خايف حد فيكم يحصله حاجه وقتها فكرت فى الكلام الى قولته للين وإن ازاى كنت غبى لدرجه انى اشوف أن وجودنا مع بعض معطل حياتنا حياتنا هتعطل فعلا لو خسرنا بعض ..... اتكتفت فجاه دعيت كتير اوى أن ميحصلكش حاجه وانت جوه ولحد دلوقتى خايف
وضعت لين يدها على كتفه
سيف بضحك : هتعيطى ليه انتى كمان
لين : كلامه أثر فيا. اوى ... أنا مش هسيبكم ابدا يا شباب بجد
جمال : بس مكنش لازم نقف قدامى يا ايان
ايان : فهمك بطئ وكان هيقتلك
جمال : بحبكم اوى يا جماعه بجد انا محظوظ انكم صحابى
ضحك الكل
عاصم : قومى نامى هناك
لين بنوم: لا أنا اصلا مش عايزه أنام خالص
سيف : انتى نمتى خلاص اهو
نام الجميع معادا سيف وايان
سيف : محظوظ اوى
ايان : ليه
سيف : كلنا هنا علشانك وكلنا مستعدين نعمل اي حاجه وتبقى كويس
ايان بابتسامه : الله أكبر فى عينك .... كلنا هنعمل كده مع بعض
سيف : لين هتبقى اكبر مصيبه لما تدخل الجامعه
ايان بضحك : فعلا
«««««««««««««««««« يتبع »»»»»»»»»»»»»»»»»»
