~~~~~~~~~~~~~~~~~ انت استثنائى ~~~~~~~~~~~~~
الفصل 8
مر أكثر من أسبوعين بدون وجود لين فى اى مكان
فى المستشفى
امل : المفروض تسلمى مشروعك انهارده وتريحى شويه روحى
لين : لا مش عايزه امشي
امل : انتى تعبتى جامد وبقالك اسبوعين هنا يا حبيبتى هتتعبى بالطريقه دى
لين : ولو حصله حاجه وانا مش موجوده هتعملى ايه
اسر بهدوء: أنا هنا متقلقيش
عز : وانا هروح اخلص كام حاجه وارجع علطول مش هتاخر متقلقيش
امل : يلا يا حبيبتى روحى
عز: لين ... لازم مشروعك ياخد الدرجه النهائيه ماشي
ابتسمت لين بخفه وذهبت
...............................
فى الجامعه
ساره : عاصم هى لين فين
عاصم : معرفش
ساره : يعنى ايه متعرفش دا فاضل أقل من نص ساعه والدكتور يجى
فارس : احنا مالناش علاقه بيها يا ساره خلاص اتفضلى امشي
جمال : نورهان انتى كنتى فين ... مالك
نورهان بحزن : لين مش هتلحق تيجى
حاتم : ليه
نورهان : جدها فى المستشفى من اخر مره شوفتها ومن يومها وهى معاه ولسه مخرجتش من المستشفى وبالطريقة دى مش هتلحق تقدم اى حاجه من إلى عملتها
ايان : مالناش دعوه خلينا فى حالنا باه
هشام : أنا آسف يا جماعه بس انا اكيد لازم اتصرف
نورهان : هتعمل ايه
هشام : خليكى هنا وكلمى مهاب يجيلى اوضه العميد
.......................
وصلت لين الجامعه
مهاب : كل دى غيبه يا شيخه حرام عليكى
لين : معلش باه
مهاب : ايه الهدوء دا
لين : مدخلتش ليه
مهاب : يا ننجح سوا يا نسقط سوا
ابتسمت لين : محدش سال عنى صح
صمت مهاب
لين بتنهيده : عادى أنا كده كده جيت علشان اسحب ورقى من هنا
مهاب بصدمه : بتقولى ايه
لين : هاجل السنه دى يا مهاب مش هعرف احضر تانى
مهاب : لا طبعا مينفعش
لين : جدو تعبان اوى وانا عارف ولا عز ولا اسر حد. يقدر يعتمد عليهم وكل حاجه لازم أنا اخلصها
مهاب : أنا هبقى اجى ازاكرلك
لين : تؤ مينفعش اصلا .... هطلع أنا سلام
تركته لين وذهبت للطابق الثانى
ركض مهاب سريعا
مهاب : قلبت عليكى الدنيا انتو لازم تتصرفوا بسرعه
سيف : فى ايه
مهاب : لين بتاخد ورقها من الجامعه
عاصم : هتنقل فى حته تانيه
مهاب : لا مش هتكمل السنه دى اصلا
فارس: مش هتقدر تعمل كده مش هتسيب حلمها يعنى
مهاب : هتسيبه يا جماعه اتصرفوا انتو إلى تقدروا تقنعوها
ايان : بصفتنا ايه
مهاب بعصبية: لا أنا إلى زهقت منكم انتو ازاى كده بجد ايه مافيش اى ثقه بينكم ابدا كده ازاى تصدقوا أن هى ممكن تعمل كده مفكرتوش لحظه أن يكون احمد إلى غلطان .... ولا اقولكم أنا إلى غلطان انى جيت وفكرت اتكلم معاكم اصلا آسف انى ضيعت وقتكم
............................
خرجت لين من غرفه العميد وهى تحاول امساك نفسها من البكاء
ساره : لين مالك
حضنتها لين بشده لتبكى
ساره : فى ايه
لين ببكاء: لو سحبت ورقى مش هعرف ادخل السنه الجايه نفس القسم ولا هعرف ارجع الجامعه تانى
ساره: طب انتى عايزه تسبيها ليه
جلست لين على الأرض
وحكت لها
ساره : أهدى طيب اكيد هنحلها
وصلت مسدج لهاتف لين
اسر : اعتبرى الموضوع اتحل وما اعتراف رسمي من احمد أن هو إلى عمل كده وانو خدرك
أغلقت لين هاتفها
ساره : معاكي دليل اهو وريهولهم
لين بحزن : مبقاش ينفع خلاص يا ساره هما دلوقتى عندهم البديل وموثقوش فيا حتى ميستاهلوش يشفوه
نهضت لين ومسحت عيونها
لين : أنا همشي ماشي
.............................
وقفت ساره أمامهم
واقتربت من عاصم لتدفعه عدت دفعات
ساره بعصبية : انت ازاى كده ازاى متصدقاش على فكره انت حيوان ومستهلش اى حاجه حلوه تحصلك إلى زيكم المفروض مكانهم يبقى في جهنم ازاى قدرتوا وطاوعكم قلبكم تعملوا كده اصلا
فرح دفعتها
فرح : انتى مجنونه
ساره بعصبية: بقولك ايه كلامى مش معاكى ابعدى عن وشي بدل وأقسم بالله اجيبك من شعرك دلوقتى
سيف : انتى عايزه ايه يا ساره
ساره بدموع : انتو عارفين انتو عملتوا ايه انتو خربتوا كل حاجه بسببكم هى مش هتعرف تكلم فى الجامعه هنا ولا حلمها يكمل وجدها تعبان ... .... لو كان حد فيكم كلف خاطره بس ووقف جنبها وقالها انو مصدقها ووقفتوا معاها فى تعب جدها مكنش حصل كل دا لين تعبانه اوى وانتو السبب. انتو مش بنى ادمين اصلا ..... أنا ندمانه انى فى يوم من الايام كنت شايفه انك حد كويس يا عاصم
..........................
فى الكافتيريا
مهاب : فكى كده وخلاص
كانت سانده لين رأسها على الكرسي ومغمضه عينيها
مهاب : لييييين ... بصي كده التماثيل دى تعرفى تعملى زيهم طيب.... اجبلك حاجه تشربيها
لين بسخرية : ياريت
مهاب : ايه
لين : سم
صمت مهاب ليجد حقيبه توضع بجانبه
فارس : قوم من هنا
مهاب : لا
فتحت لين عينيها لتجدهم أمامهم
سيف : ورينى الفيديو
لين : قوم يا مهاب خلينا نمشي
مهاب : يلا
وقفت لين ..
مهاب : فى ايه
لين بتنهيده : كنت هنسي صح فارس احنا عاملين احتفال صغير بمناسبه افتتاح الفروع الجديده وانت واهلك معزومين وطبعا تقدر تجيب اى حد أنت عايزه جدو
فرح : صحيح تفتكرى الفيديو دا مفبرك
نظرت لين لها
لين : فرح ... ابعدى عنى علشان أنا ممكن دلوقتى فى ثانيه اكون مموتاكى
فرح : هكون موجوده انهارده اتمنى اشوفك
لين بابتسامه: مش مرحب بيكى عندنا اصلا
تركتهم لين وذهبت
سيف : دى مجنونه ازاى تمشي كده
وضع جمال يده على كتفه
جمال بهدوء : أنا شايف انكم تستاهلوا اكتر من كده انا لو منها مبصش فى وش حد فيكم تانى
.........................................
فى البيت
كانت تقف لين وعز وأسر
لين : معرفش يا عز بس سمعت بابا بيقول أن فى مفاجأة
اسر : أنا خايف ومش مطمن
لين بضحك : تخيلوا المفاجاه تبقى خطوبتكم ياااه هنبسط اوى
عز بعصبية: فى الحاله دى هقتلك يا لين علشان مش هتبقى على غاليه و روح
لين : شوفت يا اسر بيعاملنى ازاى شوفت معاملة اخوك
اسر : معاه حق بصراحه
نظرت لين للباب بصدمه
اسر : بتبصي علي ايه فى ايه
نظروا جميعا ليصدموا بشده
دخلت بهيباتها وبعض من الخدم والحقائب
لين بتوتر : نننن نينه
نظرت ليها بابتسامه قائله : ازاى افوت يوم مهم زى دا من غير ما اكون موجوده
اسر : بس محدش قال إن حضرتك هتبقى موجود
فريال ( الجده ): مظنش انى محتاجه اقول قبل ما اجى بيتى
اتت شيرى راكضه
شيرى : اخيرا حضرتك جيتى وحشتينى اوى بجد
فريال : وانتى كمان وحشتينى اوى عامله ايه
شيرى : تعالى استريحى
ذهبت فريال بعض خطوات لتنظر للين والشباب
فريال : تعالوا ورايا
ذهبت فريال مع شيرى
حاولت لين كتم ضحكاتها لتربط على كتف عز : كده اتاكدت رسمى أن الموضوع فى خطوبه
تركته وذهبت
عز : لو دا حقيقى
اسر : متقلقش هنتصرف يلا بس
.......
فريال : تخنتى اوى عن اخر مره شوفتك فيها ..... لسه بتتكلمى مع شويه الناس إلى تعرفيهم
لين : دول صحابى يا نينه وليهم اسامى
فريال بسخريه : بس بس مش عايزه اعرف اساميهم حتى
لين : طيب
فريال: ايه رايك يا عز بتارا حفيده عائشه صحبتى من عيله كبيره اوى واهلها ليهم فى اكتر من مجال وهتبقى .....
عز بضيق : أنا مش بفكر فى الموضوع دا دلوقتى
فريال بتفكير : اممممم ... لين البسي دا بليل ماشي علشان يوسف هيبقى موجود
........................................
فى المساء
كانت تستقبل لين الضيوف
فارس : حلو الفستان دا
لين : ماشي
ايان : روحي اقعدى شويه مش هتبقى مرتاحه كده
لين : مالكوش دعوه
سيف : خلاص باه بطلى عناد شويه احنا اسفين شوفى عايزه ايه واحنا هنفذه وعد
لين بتفكير : اى حاجه اى حاجه
عاصم : اه اى حاجه اى حاجه
لين بابتسامه: حتى لو قولتلكم تروحوا تقعدوا هناك وتبعدوا عنى
ايان بابتسامه: مش بالظبط
أتى شخص من خلفها ليضع يده على عينيها
فارس : انت يا .....
لين : افندم
يوسف : قوليلى أنا مين الاول
لين : هقول حاضر
ضربته لين فى معدته ليجلس على ركبتيه بألم
يوسف : ربنا ينتقم منك يا شيخه
فارس : يوسف انت بتعمل ايه هنا
...............
خلونى اعرفكم سريعا يوسف العشرى المالك الوحيده لإحدى اكبر شركات العماره فى الشرق الأوسط تربطه علاقه صداقه بين لين من الطفوله ولكن تربطه علاقة كره شديد مع فارس
...................
يوسف بتجاهل : مكنتش اعرف انك شبه البنات
لين بتمثيل : ايه دا يا يوسف مال وشك
يوسف بخوف : وشي الجميل ماله فى ايه
لين بضحك : بقى شبه الرجاله تقريبا
اخرج يوسف هاتفه لينظر إلى نفسه
يوسف بغرور : اوعى تنكرى انى بقيت احلى من الاول بكتير لا وكمان البنات كلها دلوقتى اكيد بتحبنى بما فيهم شيرى
لين : شيرى بتحب اى حد
يوسف : بس اكيد مش إلى وراكى
لين : تفتكر شيرى هتفضل تحبك
يوسف : اكيد
لين : حتى بعد دى
رفعت قبضتها
يوسف : خلاص خلاص انا همشي بهدوء بلاش مشاكل
فارس: انتى ليه مقولتيش أن يوسف هيبقى هنا
لين : زى زيك انهارده صدقنى مش عارفه هيحصل ايه
عاصم : ايه المفاجأة إلى جدتك هتعملها صحيح
لين : معرفش
أتى اسر وأمسك بيد لين
اسر : ازيكم يا شباب .. انتو اتصالحتوا ولا ايه
سيف : مش بالظبط
اسر : طب دقيقه وهخليها تصالحكم خدوا راحتكم
سحبها اسر. وراه
عز : كنتى فين
لين : كنت .... مين دول
عز : غاليتى
اسر : روح أو بمعنى أصح روحى
لين بقرف : هرجع مش قادره ايه التلزيق دا
ضربها عز على رأسها
غاليه : اهلا بيكى
لين : اهلا
أمسكت فريال الميكروفون لتلقى كلمتها
فريال : اهلا بيكوا فى افتتاح الفروع الجديده لشركات مجموعه الشاذلى بس بعيدا عن النجاحات إلى حققناها أنا جايه انهارده اقول ان اخيرا وبعد وقت طويل قررنا أن فى اتنين من احفادى هيتجوزوا قريب احب اقدمهم ليكوا هما عز الدين الشاذلى و اسر الشاذلى
نظرت لين لهم
اكلمت فريال حديثها : وهيكون الكل معزومين قريب إن شاء الله
تحدث أحد الصحفيين: والخطوبه من مين
فريال بابتسامه: تارا الجندى ..... وكارما سلمان
عز : دا مستحيل يحصل ... نينه
لين : عز خد العربيه وامشي بسرعه
اخد عز اسر والبنات وذهبوا
................
بعد الحفله
فريال بعصبية: انتى ازاى تعملى كده
رحيم : انتى عارفه أن محدش فينا موافق عليهم صح
لين : انتو حتى متعاملتوش معاهم
فريال : لين.... انتى
يوسف : أنا بقول نتكلم بعدين وخلونا نفكر شويه وبعدين صحاب لين لسه هنا مينفعش نسيبهم لوحدهم
فريال بغضب : هنتكلم بعدين فعلا
ذهبت فريال
لتأخذ لين نفسها
يوسف بقرف : مجنونه
خرجت لين
هشام : انتى مدهشه بجد
حاتم : استنى ... انتى ناويه تعملى ايه
لين : مش عارفه وعلى ما اظن هستنى واشوف فريال هانم ناويه على ايه
ايان : بصراحه انتى إلى غلطانه محدش قالك تقفى قدامها
لين : ايان يا بطتى الصغيره ...
قاطعها فارس : متقولوش يا بطتى
سيف باستغراب : ليه
فارس : عادى يعنى راجل زيه يتقاله بطتى ازاى
لين : بس يا فارس اسكت نسيتنى هقول ايه
عاصم : بقولك ايه تعالى نقعد فى اى حته
لين : لا صعب اوى لأن بكره لازم اروح المعرض اخلص شويه حاجات
جمال : معرض ايه
لين بحماس : نسيت اقولكم كان فى بنت اسر يعرفها اسمها ريم هى خريجه فنون جميله بردو قسم نحت يعنى زي فتحت مكان كده وانا بساعدها
ايان : خلاص نتقابل بكره
««««««««««««««««««« يتبع »»»»»»»»»»»
