~~~~~~~~~~~~~~~~~ انت استثنائى~~~~~~~~~~~~~~'
الفصل 6
لين : بكره عيد الحب هتجيبى ايه
نورهان بتوتر : هجيب ايه ليه ولمين
لين بضحك : على أساس انى مش عارفه مثلا انك كل سنه انتى إلى بتعتى الهديه لجيمي ... اااه جيمى حبيبى اتمنى يبقى عيد حب سعيد عليك لحد ما نتقابل
نورهان : بس باه اسكتى
لين : صدقينى دا اهبل يا بنتى ولا هيعرف طول ما انتى مش مهتميه بيه علنا
نورهان: انتى هتجيبى ايه
لين بتفكير : لسه مش عارفه بس هيزيد 3 السنه دى بدل ما بجيب 4 بس هجيب 7
نورهان باستغراب: ليه
لين : هشام و فارس و حاتم يا بنتى أنا حبيتهم اوى خلاص
نورهان بضحك : انتى ربنا معاكى فلوسك كتير
فارس : رايحه فين
لين ببرود: خليك فى حالك
هشام : بكره عيد الحب وانتى معندكيش حبيب هتروحى فين باه
لين : خلينى اصحح معلوماتك انا ليا 7 مش 1
حاتم بصدمه : كل دا ليه يعنى
لين بابتسامه : انتو طبعا هتبقوا مع ايان والشباب صح
فارس بغرور : بقوا صحابى اكتر منك وكمان هنلعب
لين : ماشي ماشي خليهم صحابك أنا هجيلكم على هناك اصلا
تركتهم لين وذهبت
فارس بخبث : نورهان يا احلى نور فى الدنيا يا احلى من نور الشمس
نورهان: أنا
هشام : لين رايحه فين
فارس. : قولى لاخوكى يلا
نورهان بهمس : بصراحه قالت راحه تقابل حد بس انا معرفش مين
فارس : ماشي امشي انتى
مشيت نورهان وأخرج فارس هاتفه
فارس : الو يا سيف لين راحه تقابل حد
سيف : مين
فارس : مش عارف بس هى سابتنى ومشيت
سيف : طب تعالو بسرعه
...................
فى المول
لين : بص أنهى احلى دى ولا دى
اسر : ايان مبيحبش الالوان دى هاتى منها اسود
لين : دى مش لايان دى لفارس
اسر باستغراب: انتى كنتى بتتكلمى بجد ولا ايه هتجيبى لكله
لين : انت عارف انا عيد الحب بالنسبالى بيبقى ليك ولعز مع انى بكره ولكل إلى بحبهم سواء بنات أو ولاد يا اسر
اسر : معرفش أنا فارس بيحب ايه
لين بابتسامه: طيب ممكن اخد الكحلى لو سمحتى ....... انت هتجبلها ايه
اسر : مش عارف
لين : تعالا أنا هشوفك بس انا معرفتش هى مين على فكره
اسر : هبقى اعرفك بعدين هاتى منها
لين : شكرا .....تخيل معايا كده انهارده هتبقى شيرى وصحابها وفرح فى المكان إلى هما فيه
اسر : وايه المشكله
نظرت له لين بغضب : بيقعدوا جنبهم وانا بدايق
نظر لها أسر وابتسم
لين : تعالا تعالا عاصم بيحب اللبس اوى
.........................
فى المساء
شيرى بدلع : بصراحه يا ايان معرفتش اجبلك ايه بالظبط فجبتلك الساعه دى اتمنى تعجبك
ايان بضيق: مبحبش الساعات
شيرى. : بس انت لابس ساعه دلوقتى
ايان : دى مختلفه
تقى : سيف سيف ايه رايك في دا
جهاد بضيق : مبيحبهاش
تقى: وانتى مالك هو كلمك انتى
هشام : كلميها يا بنتى
دخلت لين
لين : قومى كده قومى
تقى : نعم
لين ببرود : عايزه اقعد هنا ايه
تقى : لا طبعا مش هقوم
لين بابتسامه: انتى جهاد صح
جهاد : اه
لين بصوت عالى: انتى جهاااد الى سيف مرتبط بيها صح
تقى : انتى مالك يا لين انتى حشريه اوى
نهضت تقى لتجلس لين
نظر جمال و سيف لبعضهم باستغراب
سيف : مافيش حاجه عايزه تقوليها
لين : لا هقول ايه يعنى
عاصم : طب انتى عارفه أن انهارده يوم مميز اوى
لين بتافف : لا طبعا انهارده يوم وحش اوى
فارس : دى غبيه مش هتفهم بالتلميح ..... هما قصدهم مجبتيش هديه ليا ليه ولا ملقتيش حاجه تليق بمقامى
جمال : لينااا
لين بتمثيل : أنا آسفه بجد يا شباب نسيت معلش باه
ايان بضيق : لا عادى ولا يهمك
سيف : خلونا نروح احسن احنا خلصنا لعب اصلا
منى. : الى جبناهم احنا احلى بكتير من إلى كانت ممكن تجيبه
عاصم : يلا يلا
فرح : استنى خد هديتك
خرج الجميع ليقف أمامهم بعض الحراس الشخصين
نورهان بخوف : هو فى ايه
لين بهمس : اصبرى
الحارس : استاذه لين ممكن تتفضلى معانا
لين : ماشي
ايان بعصبية: ماشي ايه انتى اى حد يقولك تعالى تيجى
الحارس. : قدامكم حلين يا تخلوها تيجى معانا يا تقبلوا دول
تركوا الحقائب أمامهم وذهبوا
حاتم : ايه دا
نظرت لين لتليفونها : افتح وشوف
عاصم بابنهار: لقتيييييه فين أنا بدور بقالى اكتر من 3 شهور على التيشيرت دا
ايان : وكالعاده غيرات الساعه والبرفن إلى كنت عايزه
سيف بفرحه : مش عارف اقولك ايه بجد
هشام : بصراحه مكنتش اتوقع انك تفكرى فى حد فيها
لين : متقولش كده انتو كمان بقيتوا زيهم بس انا معرفش بتحبوا ايه وتكرهوا ايه فجبت إلى عرفته
حاتم : وتوقعك كان فى محلها
وضعت شيرى يدها على كتف ايان
لتصرخ لين : ابعديي ايدااااك
نورهان : فى ايه
لين : جماعه خلونا متفقين أنهم ضد اللمس وانتى كمان يا جهاد متمسكيش ايده هو مش هيطير
وقفت سياره أمامهم ونزل سائقها ليفتح الباب ... نزل رجل كبير فى السن له هيبه كبيره ليتحدث بجديه شديده : لييين
لين باستغراب : جدو
الجد : تعالى عايزك
لين : حاضر .... استنونى هنا ثوانى
تركتهم ذهبت له
الجد بابتسامه: اولا عيد حب سعيد معنديش اغلى منك أقوله كده
لين بابتسامه: شكرا
الجد : ثانيا أنا عرفت أن انتى وفارس مجرد صحاب بس
لين بتوتر : جدو أنا
الجد : تؤتؤتؤتؤ متبرريش حاجه أنا عمرى مجبرتك انتى بالذات على حاجه وبعدين انتى لسه صغيره عيشي حياتك الاول انتى لسه قدامك عمر طويل وانا مش كبير اوى خلى بالك أنا اصغر منك
لين بضحك : طبعا طبعا ... تعالا اعرفك عليهم
الجد : لا مش وقته .... أنا مسافر و ابوكى ناوى يعرفك على حد فى غيابى والحد دا تبع سناء مراته وانا عملت شويه تحريات وعرفت انو بنى ادم مهموس باى بنت بتدخل حياته هيسببلك مشاكل حاولى تخلصي منه وانا لو عرفت ارجع قريب هحل كل حاجه
لين : هو مين دا يا جدو
الجد : انتى يمكن متعرفوش بس لو فاكره صحاب أسر زمان هو كان واحد منهم
صمتت لين قليلا
لين بقلق : اكيد مش احمد
الجد : للاسف هو ... أنا آسف انى بوظت فرحتك مع صحابك بس انتى لازم تاخدى بالك بردو أنا همشي أنا واثق انك هتبقى كويسه وأنهم هياخدوا بالهم منك بيحبوكى اوى على فكره
ذهب الجد وظلت لين واقفه مكانها .. أغمضت عينيها لتجد يد على كتفها
فزعت لين
فارس : فى ايه هو قالك حاجه
لين : لا مافيش خلونا نروح باه
مجهول : معقول هتروحى من غيرى ما تاخدى هديتك منى
سحب ايان لين خلفه
ايان : انت ايه إلى رجعك يا احمد
احمد : انهارده عيد الحب جيت أدى الهديه لحبيبتي ... احلى ورد جوري لاحلى لين وكمان سلسله الماظ على فكره محدش قدر يجبهالك غيرى
شيرى : ازيك يا احمد عامل ايه
احمد بابتسامه: أنا تمام الحمد لله انتى عامله ايه يا شوشو
( احمد بنى ادم مهوس ومحدش بيحبه مريض نفسي اصلا وكلنا كنا بنقول عليه كده هو مش حلو اوى يعنى عيونه سودا وشعره اسود وهو ابيضانى وكان صاحب أسر زمان )
سيف : يلا يا جماعه خلونا نمشي
احمد بهدوء: أنا عايز لين
عاصم : ابعد عن الشر يا احمد وامشي من هنا
لين : يلا يا عاصم امشي باه
احمد : هتقولى لابوكى ايه طيب وانتى مش راضيه تقفى حتى تتكلمى معايا
وقفت لين وتقدمت منه ... ثم ركتله فى بطنه
لين : هقولك انى لو شوفتك تانى هقتلك يا احمد انت فاااهم
تركته لين وذهبت
احمد : بحبك اكتر كل ما تعاندى على فكره
............................
فى اليوم التالى
فارس : اخيرا لقيتكم قلبت عليكم الجامعه كلها
عاصم : فى ايه
فارس : اخويا المفروض هيتخرج السنه دى
ايان : وبعدين يعنى
هشام باستغراب: انتو متعرفوش مين اخوه بجد
ايان : مشوفتوش ولا مره
حاتم : معاكم حق مش كتير الى يعرف اخو فارس مين بس انا هقولكم.... مين اكتر حد متنمر وبياذي الناس هنا
عاصم بتفكير : التلاته الصحاب دول الى الكل بيخاف منهم
فارس بغرور : بقوا 7 خلاص
نظر له الجميع باستغراب
فارس بحماس : هفهمكم معنى أن اخويا هيتخرج السنه دى وانا لسه موجود يعنى أنا لازم اثبت نفسي فى انى استحق ابقى مكانه
جمال : كده كده انت كمان شرير
فارس: بالظبط يا جيمى علشان كده انا قررت انو بدل ما الكل عارف انهم لازم يبقوا 3. او 4 هيبقوا 7 يعنى احنا كلنا كده ايه رايكم
سيف بهدوء : بس احنا كده 9 مش 7
عاصم بخبث: هنبعد نورهان و لين عن الموضوع
فارس بابتسامه: بالظبط
اتت لين راكضه
لين : أنا مش هعرف اشوفكم فتره
ايان : ليه
لين : اولا عندى مشروع المفروض يخلص ثانيا فى مشكله صغيره وجدو رجع ولازم اروح اقعد عنده
سيف : لو رحتى مش هنعرف نشوفك
لين بحزن : أنا عارفه بس غصب عنى هو تعبان اوى وانا مش هينفع اسيبه
عاصم : امممممم صح
لين : بس وعد هكلمكم كل يوم
جمال : واحنا هنستنى ... يلا روحى علشان متتاخريش
ذهبت لين
نظر فارس وعاصم لبعضهم: الجو بقى فاضي لينا خلاص
..................................
بعد مرور أسبوعين
عند لين
نورهان: مش هتصدقى إلى بيحصل فى الجامعه
لين بعدم تركيز : ايه
نورهان : ال٧ شباب بقوا حاجه كده شبه الافلام والمسلسلات
لين : مش فاهمه
نورهان : فاكره كان فى مسلسلات بنشوفها أنهم يبقوا متنمرين وبعدين تيجى البطله وكده
لين : اه
نورهان : هما بقوا المتنمرين
لين بضحك : والبطله جت
نورهان : لسه بس الجامعه كلها بتخاف منهم والبنات بيحبوهم.
لين بتفكير : كده فى فرصه أن جيمى يطير منك
نورهان بحزن : كلهم راحوا ياختى كل يوم مع بنات شكل وحتى أنا مبقتش اشوف حد فيهم .. انتى هترجعى امتى الجامعه
لين : مش عارفه كل حاجه هنا فوق راسي
نورهان: وأسر فين
لين : يا ستى أسر وعز اتجننوا بيحبوا بنتين من طبقه فقيره .... أنا مش شايفه فى كده مشكله بس امل والباقى عملوا خناقه كبيره معاهم واديهم سايبين البيت بقالهم اكتر من اسبوع وطبعا مافيش غيرى يشيل كل حاجه غير المشروع الجديد بس ثانكس جود الولد إلى اسمه مهاب دا طلع كويس اوى بيخلص كل حاجه لوحده على قد ما يقدر
نورهان : كويس ربنا معاكى
لين : يارب ..... نسيت أسألك تاكلى ولا تشربى
نورهان : جعانه بصراحه
لين بضحك : دى طفاسه يا بنتى كده
........................
بعد 3 ايام
كانت تجلس نورهان فى الكافيتريا لتقف أمامها بنت
البنت : أنا اسفه بس قالولى انك شاطره اوى ممكن تساعدينى
نورهان : اه اكيد اتفضلى اقعدى
البنت : شكرا
نورهان: اساعدك فى ايه
البنت : أنا هنا بقالى اسبوع بس فى حاجه كتير فيتانى وكمان مش عارفه حد هنا يساعدنى فلو تقدرى يعنى تساعدينى
نورهان بابتسامه: اكيد هساعدك اسمك
البنت : ساره وانتى
نورهان : نورهان
ساره : تشرفت بيكى
اجتمعت البنات عند مدخل الجامعه
ساره : ايه اللمه دى
نورهان : سيبك حاجه مش مهمه اوى .... اجبلك حاجه تشربيها
ساره بابتسامه: خليكى انتى أنا هروح اجيب
ذهبت ساره واحضرت بعض العصير لتصدم بعاصم
عاصم بعصبية: انتى غبيه مش تفتحى
ساره : أنا اسفه هنضفهولك
عاصم : وهتنضفيه ازاى باه أن شاء الله
ساره : شوف انت عايز ايه وانا اعملهولك بس اتكلم باحترام
شيرى : انتى عارفه انتى بتكلمى مين ... وبعدين هو يتكلم زى ماهو عايز
ساره : احنا مش خدامين عنده علشان يتعامل كده معانا
اقترب عاصم منها بعصبية : انتى الضيف الجديد لينا
شيرى بفرحه : اخيرا هنرجع ننبسط تاااني ودعى الجامعه كويس علشان دا اخر يوم ليكى هنا
ذهب الجميع .... نظرت ساره لهم بإعجاب
نورهان : متحاوليش تقربى من حد فيهم
ساره : ليه باين عليهم طيبين
مهاب : ما علشان لسه متعرفيش إلى هيحصل فيكى اخر اليوم
ساره : متاڤوروش الموضوع أنا هروح اعرض عليهم نبقى صحاب وقتها محدش هيقدر يدايقنى
مهاب بضحك : وهما هيوافقوا
ساره : أنا مختلفه عن كل دول تراهنوا اخليهم يحبونى
مهاب : على حسب ما سمعت هما بيحبوا بنت واحده بس اجتمعوا عليها كلهم الكل عارف انها بنت ناس بس مين واسمها ايه محدش يعرف بس الاكيد انها لو ظهرت كل دا هيختفى
نورهان بسخريه : مفتكرش بقت فارقه خلاص
مهاب : تعرفيها
نورهان : اكتر من اى حد خلونا ندخل المحاضره
مهاب : صحيح لين جايه دلوقتى
نورهان بفرحه : بجد
مهاب : اها بس بعد المحاضره دى
ذهبوا جميعا وبعد انتهاء المحاضرة قابلت ساره لين
ساره : ازيك نورهان حكتلى عنك كتير علشان كده اتحمست اشوفك
لين بهدوء: اهلا بيكى
ساره : أنا سمعت عنك كتير فى التليفزيون وبجد أنا بحبك اوى
لين بابتسامه خفيفه : دى حاجه كويسه
ساره : بس انا مش عارفه ابقى قويه زيك ازاى
لين : فكرى مع نفسك شويه وهتعرفى ... أنا لازم امشي دلوقتى سلام
ذهبت لين واتي الشباب
عاصم : اهلا يا حلوه
سحبوها خلفهم حتى ذهبوا لملعب مهجور
عاصم : تقيييي اتصرفى
تقى بابتسامه: تحت امرك يا عاصم
جلسوا جميعا ينظرون لها
صفعتها تقى على وجهها
ساره: انتى ازاى ..
شيرى : ورينى كده الشنطه دى
مزقت شيرى حقيبتها ودفعت ساره أرضا
أتى صوت من على سلالم الملعب
لين : عمرك ما هتبقى زى وانتى ضعيفه
نظر الكل بصدمه
ساره مسحت دموعها: ايه
نزلت لين لتقف أمامها
لين : تفتكرى أنا لو مكانك هسيبهم يعملوا معايا كده
منى : وانتى الصادقه هنعمل اكتر من كده
رفعت منى يدها
سيف : منييييي اوعى
لين : يلا يا شباب يلا الموضوع انتهى لحد كده كل واحد يشوف حاله
مدت لين يدها لساره
ساره بدموع : شكرا
لين : نورهااان خديها
ساره : مش هسيبك معاهم لوحدك دول مش بنى ادمين
لين بابتسامه: متقلقيش مش وحشين اوى بردو روحى بس انتى معاها
ذهب الجميع
عاصم : انتى رجعتى ليه
لين : عايزنى اعرف كل إلى بيحصل دا واسكت
فارس : انتى كدبتى علينا قولتى انك هتتكلمى معانا كل يوم ونسيتينا واتصلنا بيكى كتير وكنتى بتقوللهم يقولوا انك مش فاضيه لينا
لين : تفتكر
سيف : مش مهم يا جماعه كل دا ..... انتى وحشتينى اوى بجد
ايان : متغبيش تانى
لين : مش هغيب خلاص انا ظبطت كل حاجه بس انا مش عاجبنى إلى بيحصل
أمسك جمال بيدها
جمال : صدقينى كده احسن بكتييير
ضربته لين على رأسه : بتستقوى على ضعيف
فارس. : ششش اسكتى واعملى نفسك متعرفيناش وخلاص
لين : فى الحاله دى هتحتاجوا تتنمروا عليا
هشام : زيك زي باقى البنات أنا ممكن ...
وضع عاصم يده على فم هشام : احنا مش قدها اسكت
ايان : تعالى خلينا نروح نقعد فى اى حته
أمسك ايان بيدها وذهبوا للكافيتريا
شيرى : انتى بتعملى ايه معاهم
سيف : هتزعلى منى لو اتكلمتى بالطريقه دى معاها تانى روحى يلا شوفى هتعملى ايه
ايان : احمد ليه بيدايقك
لين بتنهيده : يعنييي شويه بس مختفى الايام دى لوجود أسر وعز حواليا
فارس : خليه يفكر بس يقرب ... هتدبحه
لين بضحك : اخوياااااا
««««««««««««««««««« يتبع »»»»»»»»»»»»»»»»»
