ولقد تكون لقسوه ضلام وتهرك لشخص بعتبتها
وضلم الذي يسري في عروق اقرب شخص لك
لا رحمه في روحه
مجبوࢪه عله حبك
خوف _ جرأه _ كذب
______________________
ضحى:
رحت كعدت يم اختي ومبتسمه من الي سويته
مريم: يا سترا اشبيج مبتسمه هيج خوفتيني
ضحى: باوعتلهة صبف وتقربتلهة كلش وكتلهة
اكلج شيي
مريم: اي شنو؟
ضحى: باوعت يمنه يسره محد ماكو وكتلهة تذكرين الولد الي بسببه كتلني لحيوان احمد
مريم: اشش اشش اسكتي لا يجي ويسمعج تحجين عله ولد
ضحى: لا ما يجي تردين احجي لو لا
مريم: ايي كملي
ضحى: مساعه اجه
مريم: يبوو ليش شعده ولج بس لا سويتي ويا علاقه يمهه والله احمد الى دره ايموتج ولج
ضحى: لااا شخربطتي انتي اشمالني اسوي علاقه ويا مو هيج
مريم: لعد شنو شيسوي جاي؟
ضحى: اجه ناسي محفضته يمنه لان هوه مساعه جان جاي
مريم: ايي كملي وشصار بعد
ضحى: اجه طلب لمحفضه واني شمرتهة عليه من فوك لباب
مريم: ولجج اسويتي انتي تردين اتموتين
ضحى: ومن شنو اموت
مريم: الى وصلت لسالفه لأحمد ايمووتج
ضحى: خليني متونسه لتخربين فرحتي
مريم: خلي نشوف نهايه لونسه هاي
ضحى: ايي كافي شو روحي نامي اتاخر لوقت
مريم: اصلن اني رايحه😒
راحت مريم للغرفه اتنام بقيت اني وحدي گاعده وأفكر
وذكر اشون شمرت المحفضه وضحك صارت الساعه ب١١ ونص بالليل خليت ورحت نمت ما خسيت اله ساعه ب٩ لصبح فزيت وگمت گبل رحت غسلت وجهي ورحت جاي اسوي ريوك مرت ابويه اجت كالت
امي نجمه: ضحاوي سوي ريوگ وياج لخيتج لصغيره ما متريكه
ضحى: اي يمه تدللين
وسمعت صوت احمد ايصيح
أحمد: ايي واني هم جوعان سويلي وياچ
امي نجمه: ليش يمه مو اتريكت قبل شوي مصار ساعه
احمد أجه وباوع عليه وكال
أحمد: عادي مادام اختي لغاليه اسوي شمو بيهة اكل مره ومرتين وتلاثه ومرات خمسه من ايد اخيتي
ويباوع صفح
ضحى: اهوو شني سالفتك متشبع
احمد: يله سوي بدون حچي واريد بيضتين اطگيلي وياهن بصل اثرمين مفهوم وچاي مو كلش حلو 😏
ضحى: اسوي سم متريد؟
احمد: شنووو
ضحى: هيج اشاقه
أحمد: كضيتهة من رگبتهة من وره وكتلهة هاذ لشقه ماريده بعد مفهوم
ضحى: اي ايي مفهوم والله
امي نجمه: اخخ من لسانج مال كص والله دومه عام علينه
ضحى: هاهيه فتهمت
سويت ريوك وخلصت اجت مريم كتلهة
ضحى: حبيبتي مريم ودي هاذ الاكل لأحمد فدوه
مريم: اي راح اودي
رحت اتودي اني جاي اصب چاي وچان رجعت وبيدهة لصينيه كتلهة
ضحى: هاا شو رجعتيهة
مريم: ايگول احمد خلي ضحى اجيب لاكل
ضحى: هايي شنوو
مريم: ودي ولسوينه مشاكل
اني خليت وديته اله رت حطيت لصينيه كدامه وچان ايكول
احمد: شيلي
ضحى: ليش؟
احمد: ما اشتهي
ضحى: لا جذب اكيد
احمد: جاي اكلج شيلي ما اريد
بقيت صافنه عليه وفاتحه اعيوني وكتله
ضحى: هاي شنوو 😡
احمد: شنوو؟
ضحى: ماكو شييي
خليت شلت لصينيه ورحت للمطبخ حته متريكت من لضوجه ردت اصعد للغرفه مرت ابويه صاحت
امي نجمه: وين وين اوكفي ولماعين ايغسلن روحن
ضحى: اهووو شنو سالفه خلي مريم تغسل
امي نجمه: انجبي ونزلي يله
ضحى: اي ايي اجيت
نزلت ورحت غسلت اماعين مر لوقت عادي صارت لساعه ب٢الضهر خليت ورحت نمت ما حسيت اله صوت زلم عالي جوه كمت مفزوعه طفرت نزلت ابسرعه شفت مرت ابويه كتلهة
ضحى: شنوو منو يمنه شهل صوت لعالي؟؟
امي نجمه: ذول بيت لشيخ رضوان هوه و ولده جايين
وره اشوي ابويه طلع عاگد حواجبه وصاح مرته للمطبخ ما اسمع ايشي بس صوت همس ومرت ابويه كالت
امي نجمه: ايي اكيد تقبل بعد لشيخ سيف جاي يتقدملهة
وسمعت صوت ابويه ايصيحلي
ابويه حسين: بابه ضحى تعاي
رحتله
ضحى(بستغراب): ها بويه
امي نجمه: يمه ضحاوي لشيخ سيف اتقدم الج ايريد يزوجج
ضحى: ومين عرفني هل شيخ
ابويه حسين: لبارحه اجانه ونسه محفضته وانتي اطيتيهة اله
اتعجبت عله ابويه مين عرف بس يمكن هوه كاله فكان جوابي
ضحى: ما موفقه وكلوله متريدك
ابويه حسين(بعصبيه): شنوو ما موافقه هوه شيخ وكلمته لماشيه والى يريدج ياخذج غصبن ما عله روسنه
ضحى: كلمته ماشيه بس مو عليهه
جان ما احس اله ابويه ضربني راشدي ركعني بالميز
من لقوه عيوني غوشن
ابويه حسين: ماكو شي بكيفج وتزوجي وغصبن عليج بيه حيل فضايح
وراح واني ضربت لميز حيل ورحت صعدت معقوله اتزوج هاذ اخخ يا ربيي
منا لليل صعدتلي مرت ابويه واني ممطوله عله لفراش وعيوني متروسه ادموع
امي نجمه: كومي يمه اكلي شي
ضحى:(بشهكه) ماريد شي يمه عوفيني
امي نجمه: ليش تقرين ابنفسج وهمه باجر يجون مشيه عليج اصلن
ضحى: كمت من لفراش وكتلهة حسبي الله ونعمه لوكيا عليكم بسس ماريد شيي روحو عوفونيي
امي نجمه: يله يمه رايحه اني
ضحى: روحي ولا احد يجيني مارد احد
خليت ونمت ودموعي كامت تحرك خدي هلكد منزلن ما احس بنفسي اله نمت وساعه ب٨ لصبح كعدت ما ردت انزل بس تعوذت من لشيطان وكمت رحت غسلت وجهي شفت ابويه كاعد بالمطبخ ويباوع عليه بتك عين وضايج عفته ورحت مهتميت
منا للعصر مرت ابويه اجت شايله بيدهة فستان وكالتلي
امي نجمه: هاج يمه هاذ ابوج اشترا الج تلبسي ليوم
ضحى(بصياح): ماا ريد البس شي عوفوني وكمت ابجي
امي نجمه: كافيي هوه زواج قابل راح يذبحوج
ضحى: خلي يذبحوني احسن ما اريد شنوو جبر هوه
_____________
بيت لشيخ سيف
سيف: كاعد وفكر وكول اخخ الى ما اربيج من جديد يا بت حسين فلا اطلع سيف شلعتي كلبي الى ما اندمج
ما حسيت اله صوت
محمود: اشبيك صافن شيخنه
سيف: لا بس فكره ابالي
محمود: الله يستر من افكارك عله لبنيه هاي هيه شسمهة
سيف: صفنت وكتله ما ادري والله
محمود: هههه 😂هسه عرفت انته متقدملهة حسبالهة حبيتهة وتريد تزوجهة
سيف: ايي صح
مدري اشبيه احساس غريب
يتبع بالبارن الخامس😍
اسفه اتاخر بالنشر بس ميصيرلي مجال اعذروني هاي لقصه انشرهة بتفاصيلهة♥
