وٌسِيَکْوٌنِ آوٌلَ مًنِ يَکْرهّ هّآذِهّ آلَخِطِوٌآ هّوٌآ آنِآآ؟ ً!
وٌيَآلَيَتٌ مًنِ کْآنِ يَسِتٌطِيَعٌ آلَعٌوٌدٍهّ بًآلَمًآضيًَ!!...
السلام عليكم اشونكم رجعت وياكم ابارت جديد
اتمنه يوصلل للكل احداث القصه كلهة حقيقيه
___________________
♡♡﷼ﷲ
بيت ضحى
مرت الايام وجبنه النيشان رحنه بس اني ومرت ابويه وام سيف سندس بس سيف ما اجه بوكتهة كال مابي حيل وما اجه
جبنه لنيشان ومرت الايام وهم ماكو حس لا لسيف ولا الاهله بس دكو عله مرت ابويه كالولهة
امي نجمه: الوو
سندسّ: اللوو هلا ومرحبه اشونج ام ضحى
امي نجمهّ: زينين لحمد لله انتو اشونكم اخباركم
سندس: احنه هم لحمد لله بس دكيت ردت اكلج بانو قدمنه لعرس بعد يومين واريد الحنه ولزفه ابنفس ليوم
امي نجمه: شنوو بعد يومين يمكن ما الحك وحنه وزفه بنفس ليوم
سندس: لا اتلحكون بس حجز صالون واحنه راح نحجز ولحنه بليل انسويهة وره الزفه
امي نجمه: انشاء الله بكيفكم
سندس: ايي مشكوره ام ضحى يله اترخص اني
اني كاعده بالديوان سمعت صوت مرت ابويه اصيحلي
امي نجمه:ضحيه وينج
ضحى:هاا يمه شكوو ورحتلهة
امي نجمه:يمه عكب باجر زواجج
ضحى:شنووو وليش بله شهل استعجال
امي نجمه:ايي خو بعد بالاحسن اتخلصين
ضحى:شنوو اخلص ما اريد هيج اني
امي نجمه:مو بكيفج بعد
ضحى:عكب باجر الحنه وراهة الزفه هم زين يله عادي
امي نجمه:لا بنفس ليوم ايزفوج وبليل ايسوون الحنه
ضحى:لاا والله اكلب الدنيه شنو هايي
مريم:شكوو؟
ضحى:شوفي اخبال امج
ورحت صعدت للغرفه واني ضايجه حيل وطبكت الباب اسمع صوت نجمه اصيح ما اهتميت بقيت بالغرفه لليل ما طلعت منهة اجت مريم
مريم:هاا شبيج حابسه نفسج
ضحى:ليش متعرفين
مريم:اشبيج انتي كافي شو كومي
وسحبتني من ايدي وكومتني
مريم:كومي ولتهتمين عله شنو حابسه نفسج وضايجه وانتي تعرفين ماكو فايده ابهاذ الشي الى سويتي
ضحى:ايي بس ضايجه من الي جاي ايسوو
مريم:همه ايسوونه علمود مصلحتج
ضحى(بعصبيه):كتلتوني ابمصلحتي شنوو مصلحتي شنوو كل ما حجيت كتو مصلحه غير اتفهموني وينهة
مريم:هااذ شيخ الي ماخذج راس عشيره ليش متفهمين وحلو وزين مادين وناس اتهابه وبيته جبير اشتردين بعد
ضحى:مريم عوفيني مالي خلك ابد
مريم:عله راحتج بعد بس لضوجين نفسج عكب باجر زواجج وهسه نامي ورتاحي
ضحى:ايي راح انام حته نعست
راحت مريم واني كبل نمت ما حسبت ابروحي
مرت هاي ليومين واجه يوم عرسي كعدت من لصبح اتريكت وطبيت سبحت ومن طلعت شفت عمتي جايه
عمتي خديجه:كلللللييشش الف لصلات عله عروستنه الله يحفضهة ويخليهة
اني ضحكت ونزلت راسي استحيت منهة
