وبقينا بننام والدموع ف عنينا محبوسه من كتر الوجع..
اتَمنئ يوماً خالياً منْ كُل شئ عدا نفسيْ . . !
لسلام عليكم عساكم ابخير بارت جديد كل يوميه بارت انشر
انشاء الله توصل الرساله للجميع
___________________________
يوم جديد نفس باقي الايام
ضحى:
كعدت الصبح احس جسمي مكسر مدري ليش كوه كمت رحت نزلت جوه للمطبخ شفت مرت ابويه اشو هاي كبل عاطت ابجهي وكالت
امي نجمه: امممداج اي والله اكول لناس تكعد ب٧ لصبح وهسه لساهه ب١١ وانتي مطموره
اني متعجبه كتلهة
ضحى: دكولي صباح لخير اول
امي نجمه: يا خير يلفينه وانتي هيج
ضحى: محد كالج جذبين عله لناس🌝
امي نجمه: غير لمصلحتج يا خاصله😡
ضحى: ايي هسه مو كعدت ليش ادغلطين
احمد: يمه لتعبين نفسج وياهة ذيل لجلب اعوج وما ينعدل
ضحى: وانته شدخلك شعليك بيناتنه
احمد: لتعلين صوتج مفهوم بعدج ما مزوجه تره
عفته ورحت مهتميت لكلامه منا للضهر دزو خبر لولد قابل بالبنيه اني كلت ابالي شنو صارت جديده لولد يقبل لو لا غير لبنيه
اهلي ايقنعون بيه ومدري شنو وكل ميشوفوني ايفتحون محاضره وره يومين اجن لنسوان ايحددن موعد لخطوبه لمهم اني ما نزلت ولا شفت واحد ولا سالت بس لعرفته اسبوع وصير لخطوبه
امي نجمه: لازم انحضر كلشي ونودي ضحى للصالون اسوي شعرهة وتحف
مريم: ايي يمه صح لان لوقت ضيق كلش
ضحى: هسه انتن مهتمات اكثر مني 😅
امي نجمه: انتي معليج بس سوي الي انكلج بي
ضحى: اهوو انتن اتمللن الواحد اني رايحه فوك احسن الي بيباي وهزيت ابايدي بحركه باي
امي نجمه(بعصبيه): باع لصلفه شوو خلي اعلمهة
شالت لنعال تكرمون وركضت وراي اني صعدت ابسره وهيه شمرته عليه اجه ابنص ضهري وصحتلهة
ضحى: رتي اتوكعيني
امي نجمه: وگعه جلاب لسود ولي 😡
ضحى: بعد اقل من اسبوع وزوج عود لتبجين عليه
امي نجمه: لا ما ابجي بس ولي انتي
مريم(ابضحك): هههههههه يمه عوفيهة هاي اتموتج😂😂
ضحى: معليج انتي لتدخلين
وره يومين مرت ابويه ودتني للصتلون اتميش شعري
رحنه اني وياهة وزينب لصغيره رحنه وصلنه
امي نجمه: سوينه شعرهة ايخبل وديري بالج اتحركي عروس تره
ام الصالون: تدللين خاله اتفضلي انتي ومعليج بعد
امي نجمه: ليش يمه ما عليه بنتي ديري بالج لتحركين شعرهة تعبانين عليه جان اعطوب اكصار هسه شوفي اشطووله ما شاء الله
ضحى(بهمس): يمه شبيج فضحتيني 🤦🏻♀️
ام الصالون: اتفضلي بتي اهنا كعدي
كعدت عله لكرسي جاي اسوي ومرت ابويه واكفه فوك راسي جنهة جندي حراسه ومتقبل اتروح خلصته وميشته ميش ثلجي وغسلته هنوب جاي تكوي بي لان رطب يطلع دخان ومرت ابويه شافت لدخان
امي نجمه: ييببووي راح تحركين شعرهة عوفيهة
ام الصالون: لا خاله هوه هيج
امي نجمه: اسكتي راح اتحركينه
واني كاعده الطم عله وجهي من لفشله وقنع بيهة هوه هيج كووه اقتنعت ساعه كامله نقنع بيهة فشسورته اليه بس طلع ايخبل كلش حلو وهوه اطويل لحد لورك
امي نجمه: الله مصلي على محمد وآل محمد كلش حلو عليج مو كتلج هيج يطلع حلو وانتي رتي اتحركي
ام الصالون: ههههه اي صح 😂
رجعنه للبيت منا لليل اتصلت ام سيف ما ادري شحجت هيه ومرت ابويه اني خليت وصعدت للغرفه فوك واجت مرت ابويه واخت
امي نجمه: هاا ضحيه كاعده
ضحى: شكو؟
مريم: جبنالج اخبار حلوه😁
ضحى: يا الله ما موافق عليه
امي نجمه: منووو؟
ضحى: غير سيف🙂
امي نجمه: دنجبي انتي وسكتي
ضحى: ها لعد خلي انام ماكو اخبار حلوه
ونمطلت عله لجربايه
امي نجمه: ولج اتصلت ام سيف
ضحى: وشسوي اني😒
ضربتني عله رجلي وكالت
امي نجمه: انتي ليش حيوانه ليش متفرحين ابوج
ضحى: عدلت كعتي وكتلهة شتريد لمدام داكه
مريم: العريس وصل بيدهة خبر ادكوله النه
ضحى: شنوو؟
مريم: الخطوبه بعد ٣ايام وميريدج تلبسين بدله دلعه لو ما مستوره
ضحى: لا والله هنوب يشرط ماعليه البس اليعجبني
امي نجمه: ولج ثوله غير شيخ هوه 😡
ضحى: شيخ عله نفسه محد جبره يزوجني
امي نجمه: آلله كريم منا لباجر انشوف ونختار
وره ساعه اجت اختي لصغيره تركض
زينب: ضححى ضححى
ضحى: هاا شكو
زينب: هاج التلفون ايريد يحجي وياج
ضحى: منو؟
زينب: ما ادري
وطكتهة ركضه وراحت
خليت لتلفون عله اذاني وكلت
ضحى: الووو
سيف: هلا
ضحى: مدري شبيه طفرت عدلت گعتي
ضحى: هلا بيك شكو؟
سيف: صايره حبابه عفيه عفيه ببنيت اعقلي😏
ضحى: ضجت من حچيه وكتله . صح انته الى مزوج من وكت بتك ابگدي😏
سيف: احس لگاع مشيلني من لعصبيه فگتلهة
ايي واني ازوجت هيج زعطوطه حته اربيهة وأسمعي
بعد كم يوم لخطوبه ما اريد اتلبسين بدله مدري اشونهة فستان مستور وبس ماكو غير شي مفهووم يله باي 😡
وسد لخط ابجهي واني مفتهمت شي خليت ورحت اودي لمبايل بطريق وافكر اكول
ضحى: شوف اشلون راح اعاندك يا شيخ سيف😏
اطيت لتلفون لمرت ابويه
امي نجمه: هاا اشكال؟
ضحى: قنعته البس البدله التعجبني وافق كال ابراحتج
امي نجمه: هاا خوش لعد باجر انجيب الي يعجبج
رحت نمت ما اجاني نوم بقيت بالفراش افكر اشون راح اصير ويه هاذ هنوب كلت الله كريم بعد ونمت
ما حسيت ابشي اله مرت ابويه ادكعد بيه
امي نجمه: كوومي ولج لساعه ب٩ راح نتاخر
ضحى: اهووو يمه عوفيني عله شنو نتاخر
امي نجمه: كومي اسبحي وبدلي حته اروح نختار بدله يله بسرعه
___________
يتبع♡
انتضرو بالبارت اليجي حبايبي ☺️♥
