ويبقى السؤال : هلّ نحًن آحًيِآء حًقآ ؟؟ آمٌ نتٍنفُس فُقط ،،
مجبوࢪه عله حبك
♡
خوف _ جرأه _ كذب
♡
سلام عليكم شونكم؟
مواصفات هاذه لقصه حقيقيه بدون اضافات
اصغر لتفاصيل مكتوبه فيها
ورغبه بهاذه لقصه لاريكم ضلم في العراق وعدم احترام رأي اغلب البنات ونصاتهم للقوانين وتقاليد العشائر الغير حقانيه في رأي بناتهم واتمنه للكول يفهم الي جيصير بوطنه
معه تحاتي: ضحى الطائي
________________________
بيت ضحى
ضحى: اني تعبانه حيل ما بيه حيل احجي ومرت ابويه حايره شسوي وشتحضر وصاحتلي
امي نجمه: يمه ضحى كومي سبحي وعدلي شعرچ يله يمه
ضحى: وليشش؟
امي نجمه: هوه هاذ سؤال غير ليوم بالليل يجون ايشوفوج
ضحى: ما اريد عوفيني
امي نجمه: كوميي اشبيج
وسحبتني من ايدي واني گوه امشي وكتلهة
ضحى: يمه
امي نجمه: هاا يمه كولي
ضحى: ليش متهتمون لرأيي
امي نجمه: يمه اريد مصلحتج غير
ضحى: شنو مصلحتي بهاذ لشي انتو راح اتعيشون ويا لو اني
امي نجمه: يمه هاذ شيخ راس عشيره لكل يحترمه والف وحده تتمنا اشبيج انتي متفهمين
ضحى: الله كريم بعد
دخلت للحمام سبحت وطلعت جاي امشط شعري مريم اجت كالت هيه ورافعه حاجبهة ومبتسمه
مريم: هاا ولج طلعتي مو قليله خذتي ودكولين ما عدي شي ويا
باعتلهة واني فاتحه اعيوني وصحت عليهة
ضحى: انجبي الله ياخذج وياخذه واخلصص
وشمرت عليهة المشط
هيه باوعتلي وكبل راحت واني ضربت گصتي حيل ودموعي نزلن كبل ورتاجيت عله لميز بس كلت
ضحى: لا خلي اصير قويه وشجع نفسي لا اعجز نفسي من هسه لضاهر وراي اهواي
لميت شعري ابسرعه ونزلت جوه سوينه عشه اني مشتهيت وما كليت انتضرتهم ايخلصون وعزلت لمطبخ ورتبت كلشي
امي نجمه: يله ضحى كومي اترتبي اتاخر لوقت
ضحى: ما بيه حيل
مريم: انيي احضرج 😁
ضحى: انجبي انتي معليج
امي نجمه: لا خلي هيه اتعدلج احسن يله كومي
كمت وضربت اختي برجلهة ورحنه لبست لفستان وخليت مكاج خفيف كلش وخليت لشال هيج شمرته عله راسي ونزلت كذلتي
ساعه ب٩ اجو اني وديت للنسوان عصير وگعدت مرت ابويه غمزتلي عود اكعد لو مو غامزه جان رحت😒
امي نجمه: وهاي هيه بتي ضحاوي شاطره كلش بتنضيف ومتعوده تكعد كل يوميه ب٧ قبلنه اني وبوهة انكللهة ليش مامه ادكعدين هيج من وكت ادكول متعوده
ضحى:
واني صافنه عله مرت ابويه عليمن هاي جاي تحجي معقوله عليه اني ب١٠ كوه اكعد ايشلعوني من لفراش خو اني ومريم امذابح عله لماعين معقوله اني
هنوب غمزتلي مرتلاخ عود كومي خليت وشلت لكلاصات وكمت بقيت كاعده بالغرفه صعدتلي مريم
مريم: كومي ياعروس العريس ايريد ايشوفج
ضحى: الله ياخذج وياخذ لعريس ولي جايه
مريم: يله لا تتاخرين
لفيت حجابي عدل ونزلت مرت ابويه وسحبتني وكالت
امي نجمه: اخخ الى حجيتي كلمه زايده بس ليسألج عله اجاوبين مفهوم
ضحى: اي ايي عوفيني افهم
امي نجمه: رفعي راس ابوج اشبيج انتي
ضحى: ايي كافي عوفيني
خذتني طبينه للغرفه امدنكه راسي ما شفت اي واحد بس مرت ابويه كعدتني بمكان وحجت
امي نجمه: هاي بتنه اشوي تستحي انته حجيهة
سيف: اي اي عمتي ادللي
هاي متحجي غير السانهة اطول مني وصلفه😒
راحت مرت ابويه بقينه وحدنه هوه بصابعه لثنين رفع راسي وكال
سيف: شنو تستحين عود ومنزله راسج
ضحى: عوفني وخرت ايده عني
سيف: اخخ منج
باوعتله ودرت وجهي وكال
سيف: ما سالين عن سبب تقدمي الج
ضحى: رفعت راسي وكلت شنوو لسبب شنو الي خلاك تتقدملي عجبك تجاوزي عليك وحجيي
سيف: رفعت راسي وضحكت حيل وكتلهة ايي عجبني😂
ضحى: جان كتلي احجي عليك يوميه وهينك احسن من ما هيج اسوي
سيف: نزلت راسي وباوعت عليهة بنضره عصبيه ابتسمت وكتلهة لا عاجبني ٢٤ ساعه تحجين مو هيج واباوعلهة واني متنفرز
ضحى: لك اشجابك عليه ما اريدك مااا اريدك افهم
سيف: راح ترديني وره ما نزوج ودكومين اتركضين وراي
ضحى: طيح الله حضي الى هيج اسوي فد يوم
سيف: اسووين والله
وره شوي اجت مرت ابويه واخت سيف
امي نجمه: دير بالك عود عله بتنه والله هيه حبابه السانهة ميطلع عله لكبر منهة مالهة صوت بالبيت
سيف: اني ابوعلهة صفح واكللهة اي خالتي بتج امبينه هادئه وهيه متدري بتهة قبل يومين ضربتني بالمحفضه وبسبب السانهة راح ازوجهة 😒
زهراء: ايي ما شاء الله حته حلوه كلش لنبي يحفضهة
واني ما مهتمه لحجيهم كلهم وشوي وكمت ورحت اني ومرت ابويه كعدت بالغرفه وحدي وانيي مخنوكه حيل منه اشون راح اعاشره ما ادري الله الي بس اشوي وصاحوني كعدوني كدام لزلم سالوني مقتنعه بي
اني جوابي لبداخلي جان لا بس خوف من اهلي كلت
ضحى(بتردد): ايي مقتنعه واني حاصرتني لعبره بحيث طلع صوت بحه بصوتي بس شسوي ما بيدي شي عله نفسي
وره شوي راحو وفضه لبيت اني كبل صعدت للغرفه بدلت وردت اسوي نفسي نايمه واجت مرت ابويه ومريم
امي نجمه: يمه ضحى كاعده
اني ساكته مجاوبت شي
امي نجمه: يمه مريم اختج نايمه باجر عود نحجي وياهة وانتي لسوين صوت وراحت
مريم اجت كعدت يم راسي وكالت
مريم: ادري بيج منايمه كومي خلي نحجي
ضحى: عوفيني ما عدي شي احجي
مريم: كوليلي عله سبب ضوجتج
ضحى: هاذ كله ليصير امضوجني عرفتي
مريم: ولج هاذ شيخ وحلو اشمالج انتي
ضحى: ليش الجمال ماته راح يفاهمنه اني ويا لو لشيوخيه اتعيشني
مريم: ولج ثوله انتي زوجه لشيخ سيف متفهمين اصيرين شيخه عله راس لنسوان كلهة ومحد يكدر يوكف ابجج افهميي انتي وغيري عيشتج ما مليتي من المشاكل انتي واحمد خلي صيرلج كلمه وهاذ لحجي خلي بالج وفكري زين واني كايمه انام
راحت مريم واني بقيت الليل ابطوله افكر ابحجيهة وشكلي اشووي اقتنعت
___________________
يتبع
ممتليّ قلبـــــيّ حگيّ وآلوقت يفرض عليّ آلسگوت
مع تحياتي: ضحى لطائي♥
