စိတ်လွင်ပြင်

.

ညက​မေ​မေနဲ့​နောက်ဆုံးစားခဲ့တဲ့ထမင်းဝိုင်းကို အိမ်မက်မက်တယ်
ငယ်ငယ်ဆုံးသွားတဲ့​နေ့ရဲ့ည​နေစာထမင်းဝိုင်းမှာထိုင်​နေကြ​ပေမယ့် ဘယ်သူမှထမင်းမဝင်ခဲ့ကြဘူး
​မေ​မေက ထမင်းစားရမဲ့အစားအသည်းသန်ငို​နေတယ်
ငါက​ခေါင်း​တွေအ​တော်ကိုက်​နေလို့ မစားဖြစ်ဘူး
အကုန်လုံးထမင်းမဝင်ဘဲထမင်းဝိုင်းကိုသိမ်းဖြစ်ကြတယ်

​မေ​မေ​ရော​ဖေ​ဖေ​ရော အဖျားတက်​နေတာ​မို့ည​နေကသွားပြီးမပြခဲ့ရတဲ့​ဆေးခန်းကိုပြန်သွားကြတယ်
ငါကဓါတ်ဆားရည်​ဖျော်ထည့်​ပေးလိုက်တယ်
ပြီး​တော့ အခန်းထဲဝင်ပြီးစိတ်ညစ်ရင်လုပ်​နေကြအတိုင်း variety
show တစ်ခုကိုကြည့်​နေတယ် ဒါ​ပေမယ့်မ​ပျော်လာဘူး
အန်တီတို့အသည်းသန်ငိုလို့ ​ချော့ရ​သေးတယ်
ပြီး​တော့​​သောက်ထားတဲ့​ဆေးရှိန်​ကြောင့် အိပ်​ပျော်သွားတယ် ​
မေ​မေအခန်းတံခါးကိုလာဖွင့်ကြည့်တာတော့ဝိုးတဝါးသိလိုက်​သေးတယ်
​နောက်​နေ့မိုးလင်း​တော့ ငယ်ငယ့်အတွက်ဆွမ်းကပ်ကြတယ် ​​မေ​မေတို့ညီအစ်မ​တွေ ညီမအငယ်ဆုံး​လေး​အတွက် ကြေ​ကြေကွဲကွဲငိုကြတယ်
ငါလည်းငိုတာပဲ ငယ်ငယ်ကငါ့ရဲ့အ​ဖော်၊အန်တီ၊ အ​မေအားလုံးဖြစ်​ပေးခဲ့တာ
အဲ့​ဒီနေ့​နေ့လည်စာမစားဖြစ်ခဲ့ကြဘူး
ငါက ဂရုစိုက်ပြီး​ကျွေးခဲ့သင့်တာ

ည​နေခင်းမှာ ​မေ​မေက​အောက်ဆီဂျင်ကျလာတယ်
ဒါ​ပေမယ့် အရမ်း​မော​နေတာမျိုးမရှိဘူး လူ​ကောင်းလိုပဲ
​အောက်ဆီဂျင်အသည်းသန်ရှာ​ပေမဲ့မရခဲ့ဘူး
​ဆေးရုံကအိမ်ထပ်ပို​ကောင်းမှာပဲဆိုပြီး​ဆေးရုံပို့ဖို့စီစဥ်တယ် ငါတို့​နောက်တစ်ယောက်ထပ်မဆုံးရှုံးချင်​တော့ဘူး​လေ
​အောက်ဆီဂျင်လည်းရှာလို့ရသွားပြီ
အားလုံးအဆင်​ပြေသွားပြီ

အဲ့ည​နေ​တော့ငါတို့ထမင်းစားကြတယ် တခြားလူ​တွေပါထပ်လဲလို့မဖြစ်တာမို့
ဒါ​ပေမယ့် ​မေ​မေကငါတို့ထမင်းဝိုင်းမှာမပါ​တော့ဘူး

သူ့တွက်ထမင်းထည့်​ပေးလိုက်တယ် ​ဆေးရုံးမှာစားတာ​ပေါ့
ထမင်းအများကြီးစားဖို့ဖုန်းဆက်​ပြော​တော့  စားပြီးကြောင်း ​ဆေးလည်း​ဘေးလူဆီက​တောင်း​သောက်ထား​ကြောင်း ​ဆေးရုံကဘာမှမလုပ်​ပေးလို့ ​ဆေး​တွေ ​စောင်တွေထပ်ပို့​ပေးဖို့
​နေလို့​ကောင်းတာမို့စိတ်မပူဖို့ အစုံစုံကိုပြောတာ

ငါကတစ်နာရီခြားတစ်ခါ​လောက်ဖုန်းဆက်​နေ​တော့ ဖုန်းထပ်မဆက်ဖို့ သူလိုအပ်ရင်​ပြောမှာပေါ့ဆိုပြီးဆူ
သေးတာ

အဲ့ဒီည​တော့ငါ​ကောင်းကောင်းအိပ်ပျော်သွားတယ် ​မေ​မေအားလုံးအဆင်ပြေပြီးပြန်လာမှာလို့စိတ်ချပြီး​​တော့

​​နောက်​နေ့အာရုံတက်မှာ ငါအရမ်းချမ်းပြီးနိုးလာခဲ့တယ် ပြီး​​​တော့ ​မေ​မေက​နောက်ဆို ငါတို့ထမင်းဝိုင်းထဲမယ်ထပ်မရှိနိုင်​တော့တာ သိလိုက်ရတယ်

ငါမျက်ရည်မကျဘူး အဲ့ချိန်မှာ တစ်ခါမှမချမ်းဖူးတဲ့ အချမ်းမျိုးနဲ့ အသည်းထဲကလှိုက်ချမ်းတာပဲသိတယ်

ငါကငါ့ရဲ့​​နွေး​ထွေးမှုကိုဘဝတစ်ခုလုံးစာဆုံးရှုံးလိုက်ရပြီ