سكرياب كامل
#بعد_فوات_الاوان
بقلمي الاء محمد
خلصت تنظيف و غسيل و طالعت شقتي قولت اريح شويا عشان اعرف اقعد مع جوزي لما يرجع من الشغل دخلت الحمام خت شور عشان افوق وقلت اعمل عشاء حلو لجوزي بقلنا زماان ما تعشناش مع بعض بسبب حماتي اللي مش بتقبل أن اقعد مع جوزي علي الاكل معرفش لي مش طيقاني مع أن براعي ربنا فيها وكل طالباتها حاضره سواء هي او بنتها خلصت الاكل راح جرز الباب رن عرفت أن جوزي جريت علي المرايه اظبط نفسي وأحط برفيوم ورحت فتحت وانا مبسوطه لقيته واقف عيونه بطق شرار وراح داخل ورزع الباب ومسك شعري وانا معرفش ايه السبب
حسام .. كل ده قاعده فوق يا هانم ولسه منزلتش تشوفي البيت اللي يضرب يقلب تحت
مبقتش عارفه اتكلم من دموعي اللي نزلت علي وشي راح بقا يضرب فيا وصوت عياطي بقا يسمع لتحت ومحدش طلع حتي عشان يحوش عني
اسراء بدموع .. انا يا حسام ده حتي انا لسه طالعه و مخلصه البيت وبقا زي الفل
حسام .. يعني انا هكدب وراح شدني من شعري وسط عياطي حتي مستناش أن البس حاجه نزلني بلبس الشقه واول منزلت اتصدمت بالي شوفته البيت اللي طلع عيني فيه من تنظيف و نرويق بقا فعلا يضرب يقلب ومش بس كدا ده حتي الغسيل إلى كان منشور علي الحبل لقيته مرمي في الأرض وحماتي واقفه قال يعني هي اللي هتغسله
حسام .. اهو يا هانم شوفتي البيت عامل ازاي
اسراء .. ازاي ده انا لسه مخلصه كل ده مين اللي عمل كدا ومن ضقتي رحت بصه علي حماتي وبقيت اتكلم بعصبية وانا بشوح بأيدي
اسراء .. اكييد انتي اللي عملتي كدا مهي دي حركاتك انا عارفه وفجاء لقيت قلم نزل علي وشي من حسام و راح ماسك شعري جاامد
حسام .. انتي بتزعقي ل امي وانا واقف انتي محتاجه ربايه من اول وجديد
بقيت مش مصدقه اللي بيحصل و نظرة الشماته اللي شوفتها في عيون حماتي كانت كفيله أنها تموتني في مكاني راح حسام زقني علي الارض تحت رجلين أمه اللي بتضحك ليا من غير حسام ما يشوفها وراح اتكلم
حسام .. انا هطلع برا واجي يكون البيت زي الفل واه الاكل اللي فوق ده ينزل ل امي عشان تاكل وتاخد الدواء بتاعها وترتاح شويا علي ما تخلصي
وفعلا عملت اللي حسام عوزه بس من جوايا بقيت مجروحه مستحيل يكون ده حسام اللي انا حبيته في يوم علي قد ما حبيته علي قد ما نزل من نظري بظلمه ليا رحت خلصت وكل ده حماتي قاعده في الاوضه وفاتحه الباب وعينيها عليا وكل شويا تضحك راحت خلصت وطلعت علي فوق لميت اللي طلع قدامي من هدوم ورحت رايحه علي بيت ابويا منا مش هقعد تاني وانضرب واتهان
ونزلت بسرعه وراحت علي بيت ابويا واول ما وصلت وخبط الباب امي فاتحت الباب راحت رامي نفسي في حضنها وفضلت اعيط وعلي صوت عياطي طلع ابويا واخويا واول ما شفوني جم جري عليا وابويا اخدني في حضنه وانا بعيط
ابو اسراء .. مين عمل فيكي كدا يا اسراء
اسراء .. انا خلاص تعبت يا بابا انا عوزه أطلق
ام اسراء .. تطلقي ايه استهدي بالله وكل حاجه تتحل راح ابويا بص ل امي راحت سكته
ابو اسراء .. اهدي طيب وانا هتصرف معا
راحت امي اخدتني في حضنها ورحت علي اوضتي ودخلت فضلت اعيط علي كل حاجه حصلت معايا من ساعة ما تجوزت
رجع حسام لقي الدنيا زي الفل والبيت نظيف وأمه قاعده بتتفرج علي التلفزيون ولا كان في حاجه راح طالع علي الشقه وهو مش شايف قدامه واول مدخل ملقاش اسراء في الشقه وعرف أن هي راحت علي بيت ابوها راح نام علي السرير وراح في سابع نومه عدا يومين واسراء لسه مارجعتش راح بعد الشغل ما خلص راح بيت ابوها واول ما خبط راح فتح اخوها الباب
حسام .. سلامو عليكو اذيك يا احمد
احمد .. اهلا يا حسام اتفضل
دخل حسام وقعد في الصاله ومفيش شويا راح طلع ابو اسراء ودخل سلم عليه رغم اللي عمله في بنته راح حسام سلم عليه
حسام .. اذيك يا عمي
ابو اسراء .. اهلا يا ابني مع أن انا واخد علي خطري منك
حسام .. لي هي بنتك مقلتش هي عملت ايه
ابو اسراء .. بنتي قالتلي علي كل اللي حصل
حسام .. وقالتلك علي أن هي زعقت ل امي
ابو اسراء .. زعقتلها ازي
حسام .. بنتك نقصه ربايه وكمان كدابه بتقول اللي علي مزجها
احمد .. انت بتقول ايه انا اختي متربيه احسن منك ومن عشره زيك
حسام .. لا مهو باين اهو
حسام و احمد بقا صوتهم عالي راحت طالعه اسراء هي وامها راح ابو اسراء اتلكلم
ابو اسراء .. انت كمان غلطان وجي تتهجم علينا في البيت مش عامل اعتبار ليا كمان
حسام .. انا جي اخد مراتي
اسراء .. وانا مش هرجع معاك يا حسام
حسام راح بقا يبص علي اسراء وهو متعصب
حسام .. يعني ايه مش هترجعي معايه
اسراء .. يعني طلقني يا حسام زي مدخلنا بالمعروف نخرج بالمعروف
حسام .. يعني ده اخر كلام عندك ماشي يا اسراء انتي طالق
وراح فاتح الباب ومشي وهو مضايق واسراء راحت حضنت امها وفضلت تعيط وسط نظرات الحزن من ابواها وأخوها وامها عليها
روح حسام وهو مخنوق وراح داخل البيت وقبل ما يفتح الباب سمع أمه وهي بتتكلم مع خالته
ام حسام .. مش قولتلك هتطفشها انا لما بحط حد في دماغي يبقا يلا السلامه
خالته .. هو انا مش عرفاكي يا بنت امي وابويا بس اهي كانت بتقضيكي ومش معوزاكي حاجه
ام حسام .. تغور هي وقضيانها ولا كنت بطيقها ده حتي لما كانت بتنظف كنت ببوظ الدنيا عشان اخلي ابني يضربها وافش غاليلي منها
حسام كان بيسمع الكلام وهو مش مصدق أن أمه هي السبب في خراب بيته وان هي اللي وصلته أن هو يمد أيده علي مراته اللي كانت تتمنا لي الرضاء يرضا وهو من غباء راح مشي ورا كلام أمه لحد ما طلقها وخسرها راح فتح الباب ودخل وهو بيعيط
حسام .. لي كدا ياما لي توصليني لكدا لي تخربي عليا لي تخليني أطلق مراتي لي لي
وراح سابها قاعده عادي وطلع فوق في الشقه اللي كانت بتجمعه بيها وبقا يفتكر ايامهم اللي كانت أغلبها خناق بسبب أمه وايامهم الحلوه متتعدش علي الايد وعدت الايام والشهور و السنين هو بقا واحد تاني وميعرفش حاجه عنها خالص زي متكون فص ملح ودأب وفي يوم راح فرح واحد صحبه وهناك قابل صاحب لي كان مسافر بقاله زمان وراح عليه
عادل .. مين حسام فينك يا راجل
حسام .. اذيك يا عادل عامل ايه حيت امتي
عادل .. انا جيت من سنه مش تباركلي
حسام .. مبروك بس علي ايه
عادل .. مش انا اتجوزت وانت عامل ايه مع الجماعه معاك ولاد ولا لسه
حسام .. لا انا محصلش نصيب وطلقت
عادل .. معلش أن شاء الله ربنا يعوضك خير
وفجاء وهما وقفين جت واحده من وراء حسام وهي بتبص علي عادل والإبتسامة منوره وشها
عادل .. تعالي لما اعرفك علي الجماعه
عادل راح عليها و راح محوطها من وسطها وراح بص علي حسام اللي كان واقف قلبه بيوجعه والدمعه خلاص هتنزل من عينه
عادل .. اسراء مراتي يا حسام
اسراء قدرت تتخطا حسام من أفعاله اللي مسبش ليها ولا ذكره واحده تفتكرو بيها وراحت سلمت عليه من بعيد ل بعيد وراح عادل اخدها وراحو يرقصو مع سلو العريس والعروسه وسط نظرات الحزن من حسام اللي اتاكد أن هو خلاص خسرها للابد
وتمت عيشو بما يرضي الله وريحو بعض بدل فوات الاوان ❤️
