سكريبت
#سكريبت_ولادة_حياه
بقلمي الاء محمد
فجاء قام وراح رامي قزازه المشروب من أيده وراح ماسكها من شعرها واتكلم بكل غيظ منها
هو بصوت عالي .. والله لو ما عملتي اللي بقولك عليه لهكون مموتك فاهما وقال كلمته الاخيره بشر
هي بدموع .. يا اخي انت اي ازاي عاوزين اعمل كدا حراااام عليك
هو .. هتعملي كدا بمزاجك أو غظب عنك مهو اصلا انا مش هصرف عليكي تاني يا حياه
حياه بدموع .. ازاي بس تفكر في حاجه زي كدا ازاي عوزني اشتغل في بيت مشبوه زي ده يا كريم
كريم .. ومين قال إن انا هوديكي المكان اللي انا قولتلك عليه ده
حياه .. امال هتعمل اييه
كريم وهو سكران طينه .. انا هخلي شقتنا كدا و انا هجيب الزباين كمان
حياه .. ينهار اسود كمان انا مش قاعده هنا وقامت عشان تمشي راح قام وراها ومسكها من شعرها جاامد وراح ساحب حزام البنطلون ونزل ضرب فيها وبعدين قام وعدل هدومه و رجع الحزام تاني مكانه وقال
كريم .. قومي من وشي هنزل تحت افك عن نفسي شويا واطلع ملقيش شكلك زي كدا وراح نازل على تحت وسابها وهي مش قادره تقوم من مكانها اتحملت حياه علي نفسها وبقت تمسك في الكنبه لحد مطلعت ونامت عليها
نسيت اعرفكم عليا انا اسمي حياه عندي 21 سنه وده كريم جوزي 30 سنه كان مهندس بس اتلم علي صحاب السوء اللي عملوا في كدا بقا كل يوم سهر و شرب و مخد*رات ونس*وان اه والله زي مبقول كدا لحد اخر حاجه اللي هو عوز يخليني اشتغل لموؤ*خذه
عشان اصرف عليه من بعد مضيع كل حاجه كان هو بيملكها علي شلة الفساد اللي كان هو بيصرف عليهم وبعد كدا سبو لما مبقاش حيلته حاجه قامت حياه وراحت دخله الحمام وفتحت المايه السخنه و نزلت تحتيها خلصت شور ولبست البجامه بتاعتها ودخلت اترمت علي السرير من غير متنشف شعرها ولا حتي تسرحه
صباح يوم جديد صحيت حياه من النوم وهي جسمها مدشدش من ضرب كريم فيها راحت دخلت الحمام اتوضت وبقت تصلي وتدعي ربنا أن ينجدها من كريم واللي هو عاوز يعمله فيها فجاء دخل كريم وهو مش شايف قدامه راح ماسك حياه من الاسدال وهي بتصلي وبقا يضرب فيها
كريم .. بتصلي يا بنت ال*** عمله فيها شيخه
حياه بقت تعيط من ضرب كريم فيها وان هو مبقاش يقدر يفرق ايه الصح واي الغلط كل ده بسبب المخ*درات والشرب اللي خلو بقا واحد تاني
كريم .. قومي غيري والبسي حاجه غير اللي انتي عمله في نفسك ده في زبون جي كمان ساعه اخلصي وراح ضربها في بطنها وراح طالع برا
فضلت حياه تعيط وتدعي ربنا أن يرحمها من كريم واللي بيحصل فيها منه وقامت لبست بجامه واسعه تداري بيها جسمها وفضلت قاعده في الاوضه وفجاء قامت وهي بتدعي أن ربنا يكون معاها وراحت طالعه الصاله لقيت كريم نايم علي الكنبه وهو مش قادر يقوم من كتر الشرب و الهباب اللي بيشربه وكل حاجه ممكن نتخايلها بقا يعملها وآخرها أن هو كانت عوزها هي تصرف عليه ومش مهم هيعمل فيها ايه راحت دخلت جري علي الاوضه بتاعتها ولبست الاسدال اللي كانت لبسه من شويا وطلعت تتسحب عشان تمشي من هنا وهي مش عارفه هتروح فين راحت فاتحت باب الشقه ونزلت جري علي السلم وهي بتاخد نفسها بالعافيه وبتدعي ربنا أن هو يقف معاها وهي نازله خبطة في واحده جرتها كبيره في السن راحت جرتها اول ما شفتها عرفتها علي طول وشافت وشها اللي كان في حتت زرقه مطرح ضرب الحزام
الست .. حياه مالك يا بنتي حصلك ايه
حياه .. انا لازم امشي من هنا ايوا مش هقعد هنا هيشوفني ولو عرف اني طلعت برا هيموتني
الست حياه صعبت عليها راحت بقت تحط ادها علي كتفها راحت حياه اتوجعت من مكان الضرب
حياه .. اااااه انا لازم امشي اروح بعيد عنه
الست .. هتروحي فين يا بنتي ما انتي كنتي قايله أن ملكيش حد غير خالك وأخو سافر هو وعياله
حياه .. هتصرف أن شالله اشحت ولا ارجع ليه
الست .. طب تعالي خشي انا قاعده وحدي كدا كدا وهو مش هيخطر في باله انك هنا
حياه بخوف .. لا ده بقا واحد تاني مش هو كريم اللي اعرفه ومش عوزه اعملك مشاكل
الست .. مشاكل ايه انتي زي بنتي ولو فكر أن هو يعمل اي حاجه انا عندي اللي يوقفه عند حده
الست اخدة حياه وراحو دخلو الشقه اللي هي في الدور التاني حياه اول مدخلت لقيت الشقه النور هادي وصوت القرآن مالي المكان حست براحه غريبه اول ما دخلت المكان اللي هي كانت مفتقداء في بيتها هي وكريم من ساعة مهو بقا كدا وحياتهم انقلبت ميه وتمانين درجه راحت فضلت تعيط ودموعها تنزل في صمت راحت قربت منها الست .. خشي يا بنتي اتوضي وصلي واشكي لربنا وادعيه يقف جنبك ويخرجك من الضيقه اللي انتي فيها دي حياه دخلت فعلا اتوضت وبقت تصلي وبقت تعيط وهي بتصلي وتدعي
حياه .. يارب اقف جنبي والنبي انا مليش غيرك يارب خرجني من اللي انا فيه ده وفضلت تعيط راحت جت الست وهي صعبانه عليها حياه
الست .. قومي يا حياه انا حضرت لقمة ناكل سواء
حياه .. شكرا بس انا مش جعانه
الست بإصرار .. قومي يا حياه متتكسفيش انا زي امك وبعدين لو مكلتيش انا كمان مش هاكل
عدات الايام وكريم بيدور علي حياه ومكنش يلقيها وبقا شكله تعبانه اكتر ومبقاش معا فلوس يشتري اي حاجه من اللي هو بيشربها وطول الوقت مضايق وقاعد في الشقه ونصها بقا متكسر وفي يوم جي ابن الست اللي حياه قاعده عندها وراح فتح الباب ودخل زي ما بيجي يطمن علي أمه
لقي البيت رايق و صوت القران شغال زي العاده بس لقي أمه بتكلم حد و صوت ضحكتها عاليه بقا مستغرب و بقا يقول في نفسه
مؤمن .. يا ترا بتكلمي مين يا امي وراح ماشي علي الاوضه لقاها قاعده علي الكرسي وحياه ماسكه المراهم وبتدهن رجل أمه بقا يبص بستغراب علي اللي قاعده دي راحت أمه شافته
الست بفرحه .. مؤمن حمدلله بسلامه جيت امتي
راح مؤمن وطه علي أيد أمه وراح باسها
مؤمن .. الله يسلمك يا امي انا لسه واصل دلوقتي وراح بقا يبص علي حياه اللي كانت واقفه مكسوفه ومش عارفه تعمل ايه او تقول ايه
ام مؤمن .. روحي انتي يا يا حياه حضري عشاء
راحت حياه علي المطبخ وبقت تحضر عشاء
مؤمن .. مين دي يا امي وتعرفيها منين
ام مؤمن بقت تحكي اللي حصل مع حياه و جوزها كان عاوز يعمل ايه ومؤمن بقا مضايق عليها جدا
مؤمن .. هو في راجل يعمل كدا في مراته
ام مؤمن .. المخ*درات لحست دماغه وقلبت حاله مؤمن .. طب وهي ناويه تعمل ايه
ام مؤمن .. هي عوزه تطلق بس مفيش حد يقف معاها بعيني عليها يتيمه وملهاش غير خالها وسافر ومش عارفه توصله ولا تعرف عنه حاجه
مؤمن .. اللي في الخير يقدمه ربنا
عدات الايام ومؤمن بقا يجي يشوف أمه ويطمن عليها وبقت علاقته مع حياه عاديه وعمره مضايقها وهي عمرها متجوزت الحدود معا وفي يوم جي مؤمن لقي حياه بتعيط وأمه بتهديها راح جري عليهم وهو قلقان من شكل حياه اللي كانت بتعيط جاامد راح بقا يبص علي أمه
مؤمن .. في ايه حصل حاجه حد اتعرض ليكم
ام مؤمن .. لا يا ابني احنا بخير
مؤمن .. امال حياه بتعيط لي
ام مؤمن .. اصل كريم جوزها مات
مؤمن .. مات ازاي
ام مؤمن .. بيقوله لقيو واخد كميه كبيره من المخ*درات ومات بسببها
حياه كانت بتعيط علي كريم اللي صعب عليها من اللي عمله في نفسه وفي الاخر هو اللي راح بسبب شويت صحاب سواء كل همهم أن هما يلاقو ضحيه زي كريم يجروها لسكه دي سكت اللي يروح ميرجعش عشان يصرف عليهم و بعد مايبقا معهوش يصرف يسبو ويدوره علي غيره عدات الايام والشهور و عدات حياه خلصت راح في يوم وهي قاعده هي وأم مؤمن زي كل يوم
ام مؤمن .. ناويه تعملي ايه يا حياه هتبدائي حياتك من اول وجديد
حياه .. لا يا ماما انا خت حظي من الدنيا وخلاص مش ناويه اجرب تاني
ام مؤمن .. حرام عليكي نفسك بقا عشان واحد الله يسمحه بقا تعملي كدا في نفسك انتي لسه صغيره والف من يتمناكي يا بنتي
حياه .. مفتكرش يا ماما مين هيقبل ب واحده زي ارمله لا وكمان جوزها كان مدمن وسمعته سبقا اكيد هياخدومي بزنبه
ام مؤمن .. مين قال كدا هو انتي يوم ما تتجوزي هتتجوزي اي حد ولا ايه انتي عوزه واحد يعوضك علي اللي انتي شفتي في حياتك
حياه .. وده هلاقي فين
ام مؤمن .. من نحيت تلاقي فين فهو قدامك
حياه بعدم استعاب .. قدامي فين انتي قصدك مين
ام مؤمن .. هقصد مين غير مؤمن ابني طبعا
حياه بصدمه .. ايه مؤمن لا طبعا وراحت قامت
ام مؤمن .. لا لي حصل منه حاجه ضيقتك
حياه بكسره .. استاذ مؤمن ونعمه الاحترام بس ايه اللي يخلي يتجوز واحده زي
ام مؤمن .. ومالك انتي بقا منتي كويسه اهو وجميله ماشاء الله عليكي
حياه .. وارمله نسيتي اهم حاجه و جوزي كان مدمن وسمعته سبقا
ام مؤمن .. ايه اللي انتي بتقولي ده يعني انتي كان بايدك اللي حصل ده كل دي ترتيب ربنا
حياه مشيت دخلت الاوضه وهي بتفكر في اللي قلته أم مؤمن وبقت تكلم نفسها
حياه .. اكيد صعبت عليه عشان كدا عاوز يتجوزني
كل مره كان مؤمن يجي البيت كان عيونه بتكون عليها وهي كانت علي قد ما نقدر بتتجانبه خالص وهو كان مديها مساحتها علي اساس أن هي بتفكر لحد ما لقاها واخده منه جنب خالص بتكلم أمه وهو لا راحت قامت هي عشان تشيل الاطباق من بعد الاكل راح قام وراها ودخل المطبخ
حياه .. خير يا استاذ مؤمن عاوز حاجه
مؤمن .. ايوا عاوز يا حياه وراح بقا يقرب منها
حياه .. عاوز ايه
مؤمن .. عوزك انتي يا حياه عوزك تكوني مراتي علي سنة الله ورسوله
حياه .. حضرتك مش مجبور أنك تتجوزني انا همشي وكدا مش هتطر انك تتجوزني عشان كلام
الناس
مؤمن .. انتي بتقولي ايه مجبور ايه وكلام ناس ايه وراح بقا يقرب منها اكتر لحد ما بقا واقف قصدها وبقا يتكلم بصدق
مؤمن .. من اول يوم دخلت في هنا ولقيتك وانا مبقتش عارف ايه اللي حصلي بقيت احب اشوفك واتكلم معاكي حتي لو كلمه وحده منك كانت بتخليني فرحان ولما عرفت انك متحوزه اضيقت وزعلت ويوم ما شوفتك وانتي بتعيطي عليه قلبي وجعني من فكرت انك تكوني بتحبيه وزعلانه عليه بس دلوقتي اقدر اقول الكلمه اللي كان نفسي اقولها ليكي من اول محستها
مؤمن .. انا بحبك يا حياه ونفسي تكوني شريكة حياتي وام عيالي وتكوني كل دنيتي
حياه كلام مؤمن دخل قلبها علي طول وبقت تعيط بس من فرحتها وان ممكن يكون لسه في أيام جيه ليها تكون سعاده راح مؤمن قرب منها وهو خايف من ردها بس في نفس الوقت مش عاوز يشوف دموعها عشان هي اتخلقت للضحك والسعاده والفرح وبس راح بقا يمسح دموعها بصوابعه براااحه وبقا يتكلم بصوت هادئ
مؤمن .. بتعيطي لي يا حياه انا قولت حاجه زعلتك
حياه بقت تهز رأسها بمعني لا راح هو بقا يتكلم
مؤمن .. يعني موافقه تكوني مراتي
حياه وهي بتهز راسها بمعني ايوا راح مؤمن شدها لي واخدها في حضنه راحت دخلت عليهم امه وهي بتضحك وبتتكلم
ام مؤمن .. ابعد يا واد لما تكتبو الكتاب ابقا اعمل اللي انت عوزه مؤمن بقا يضحك و هو فرحان
مؤمن .. ثواني والمائذون يكون كاتب الكتاب وراح سابهم بيضحكو عليه وراح علي اقرب مائذون وفعلا كتب الكتاب وبعدها بشهرين كانت حياه حامل وحياتها بقت شكل تاني في وجود مؤمن اللي كان ونعمه الزوج وربنا عوضها بيه هو وأمه اللي بقت امها هي كمان
تمت ❤️
