سكريبت
#العاشق_المجنون_3
بقلمي الاء محمد
" متنسوش اللاف قبل ما تقرأو يا قمرات (❤️)"
حاره العو وما ادراك من حارة العو هي عالم تاني موجود في شخصيات كتير منهم القوي واللي بيستقوا علي خلق الله ومش عارف ان لي يوم ومسيرو يشرب من نفس الكاس اللي شرب ناس كتير منه كانت الحاره متزينه والاغاني الشعبيه شغاله احتفالا بفرح الكبير بتاعهم والشباب بترقص والستات بتزغرط وكل واحد جوا قلبه خوف عشان اللي ميفرحش لفرحه بيتحكم عليه بتخريب حياته دخل عليهم وهو بينهج وصوت الاغاني اعلي من صوته وبقا يتكلم بصعوبه
فارس .. ا ا ا ال المعلم ز ز ز زينهم ا ا اتقتل ي ي ي ياااا ح ح حاااره
فضل يردد كلامه وسط دهشت الكل اللي بقيو يستخفو بعقله عشان من وجهت نظرهم محدش يقدر علي زينهم لحد ما وقف قدامه صالح
صالح .. انت بتقول ايه يابن المجانين شكلك ضارب حاجه لحست عقلك زياده
فارس .. ا ا انا م م مش ب ب بك كدب يا م م م مع معلم ص ص صالح
صالح .. شكلك اتجننت بجد ولو كلامك ده بجد فين هو امال
فارس .. ف ف ف في ا ا الش الشارع ا ال اللي ق ق قبل ب ب بي بيته
صالح بصوت عالي .. بيتا يا رجاله نشوف المخبول ده بيكلم جد ولا مسطول
في الداخليه قفل التلفون وراح اتصل علي زين بسرعه ومفيش دقايق كان واقف قدامه
زين .. خير يا باشا حصل حاجه
اللواء هاني .. جهز قوه كبيره وروح علي حاره العو
زين .. حارة العو مش قولنا مش هنروح دلوقتي
اللواء هاني .. نفذ اللي بقوله يا حضرت الظابط المعلم زينهم اتقتل واكيد الدنيا مقلوبه هناك لازم تحيبه بسرعه قبل ما حد يقرب منه
زين .. قصدك أن هو اللي
اللواء هاني .. مش وقت كلام يا حضرت الظابط نفذ الأمر بسرعه
زين .. تمااام يا فندم
وصل صالح هو والرجاله بتاعة الحاره وكان بينهم فارس اللي كان بيدلهم علي طريق زينهم واول ما وصل لقي فعلا جثت زينهم مرميه علي الأرض وسايح في د*مه
صالح .. ينهار اسود الحق ياد حد يبعت يجيب الدكتور بسرعه
وراح جري عليه وبقا يشوف النبض راح قام من مكانه وهو بيضرب كف علي كف
صالح .. لا حول ولا قوه الا بالله المعلم زينهم مااات ايمممن
ايمن بحزن علي معلمه .. رقبتي يا معلم صالح
صالح .. قفل مداخل ومخارج الحاره مش عاوز نمله تدخل ولا تطلع غير لما امسك الكلب اللي عمل كدا
