سكريبت
#صدفه_تجمعنا_3
بقلم الاء محمد
" متنسوش اللاف قبل ما تقرأو يا قمرات (❤️)"
بعد أسبوع رجع ريان من الشغل وهو تعبان وزي العاده دخل لقي ميان في المطبخ بتعمل سندوتشات راح دخل وهو بيضحك ولسه هيمد أيده عشان ياخد سندوتش لقي السك*ينه مرفوعه عليه وضحكه شريره من ميان وهي بتقول
ميان .. لو قربت من السندوتشات هغزك بالسكينة في كرشك هطلع كل السندوتشات اللي كلتها قبل كدا
ريان .. اهدي يا مجنونه انتي مكنش سندوتش اللي هروح في فداهيه
ميان .. انا سكت كتير وخلاص فاض بيا كل ما عمل سندوتش تيجي انت علي الجاهز تأكله
ريان .. خلاص مش طافح ادي السندوتش
وراح طالع برا المطبخ دخل اوضته وهي اخدت السندوتشات وراحت اوضتها وشغلت اغاني وبقا الصوت عالي راح طلع ريان وهو بيغير هدومه وراح خبط علي الباب بعصبية
ريان .. وطي الصوت شويا عاوز انام
ميان بصوت عالي .. ما تنام هو انا مسكتك
ريان .. وطي الزفت هو ولا هيبقا اكل ولا نوم
ميان .. طيب متزوقش وبعدين خد
ريان .. اي ده أن شاء الله
ميان .. سندوتش جبنه اصلك صعبت عليا الصراحه
ريان .. انا راضي زمتك يا شيخه ده سندوتش
ميان .. ايوا امال انت شايف ايه
ريان .. يعني ده مش الحته الناشفه اللي في أول الفينه
ميان .. توتو سندوتش
ريان راح زقها جوا وراح فاصل الصب بتاع الموسيقي وبقا يتكلم
ريان .. لو سمعت صوت غير صوت نفسك وافضل مسمعهوش هعلقك أو اقولك هنيمك في البلكونه في التلج ده
ميان راحت جريت علي السرير واتغطت وبقت تتكلم بصوت واطي
ميان .. انا اصلا نمت من بدري اقفل الباب وطفي النور شالله تنستر 😂
صباح يوم جديد في الشركه ريان كان بيمر علي الموظفين لقي ميان واقفه مع زمايل ليها راح قرب منهم وهو مضايق من وجود راجل قريب منها
ريان وعيونه عليها .. صباح الخير
ميان والباقي .. صباح النور يا مستر ريان
ريان بفضول .. واقفين لي كدا في حاجه
زميلت ميان ( اميره ) ..لا يا فندم اصل النهارده عيد ميلاد ميان
ريان بابتسامة .. كل سنه وانتي طيبه يا انسه ميان
خالد زملهم .. كل سنه وانتي طيبه يا ميان احنا لازم نحتفل طبعا
