ފަތިހު ފަތިހާ ފަތިސް ނަމާދަށް ހޭލި ޝާއިން މިސްކިތުން ފައިބައިގެން ދިޔައީ ރަށުތެރޭގައި ހިނގާލާށެވެ. އޭނާގެ މަންމަގެ ރަށް ދެކިލާ ހިތުންނެވެ. އަތިރިމައްޗަށް އޭނާ ނުކުމެލީ އިރު އަރަން ގާތްވެފައި ހުއްޓައެވެ. ގުދުރަތީ އެ ރީތި މަންޒަރު ދެކިލާ ހިތުންނެވެ.
ނަމަވެސް ގޮނޑުދޮށުގައި ހުރި އަންހެން ކުއްޖާ ފެނިފައި އޭނާގެ ސިކުނޑިން އިރު އަރާ މަންޒަރު ބެލުމުގެ ހިޔާލުވެސް އެކީއެކައްޗަށް ގޮސްފިއެވެ.
އެއީ ހަމަ އެކުއްޖާއެވެ. ގަދަނޫ ކުލައިގެ ގޮޅިޖެހި ގަމީހަކާއި ޖިންސެއް ލައިގެން ހުރި އިރު އެކުއްޖާގެ ވިހުރާލެވިފައިވާ ކަޅުފޮއެ ރޭގަނޑެއް ފަދަ އިސްތަށިގަނޑަށް ވައިގެ ސަމާސާތައް ކުރަމުން ދިޔަ މަންޒަރު ފެނިފައި ގައިމުވެސް ޝާައިންގެ ހިތަށް ގޮތެއް ވެއްޖެއެވެ. އޭނާއަށް ލިބިފައި އެވަނީ ކޮންފަދަ ސާދާ ކަމެއް ހެއްޔެވެ؟
ހިޔާލުގައި ހުރެ ޝާއިން ކުރިއަށް ފިޔަވަޅު ނަގަމުން ދިޔައެވެ. ބޭއިޙްތިޔާރުގައެވެ.
އެހެން ދުވަސް ތަކެކޭ އެއްފަދައިން މިއަދު ވެސް އަރައިގެން އައި އިރާ އެކު މިލާން ހުރީ އަތިރިމަތީގައެވެ. ރާޅުޖަހާ ހިސާބުގައި ހުއްޓިލައިގެން ހުރިއިރު މިލާން ހުރީ ފުން ހިޔާލެއްގައެވެ. މޫދުގެ ލޮނުގަނޑު އޭނާގެ ފައިގައި ބީހިލާފައި ދާއިރު ވެސް އޭނާއަކަށް ނޭނގޭ ކަހަލައެވެ. އޭނާގެ ދިގުދިގު ފަން އިސްތަށިގަނޑުގައި ޖަހާފައި އިން ވޫލުކޮޅު ނެއްޓި، އެ އިސްތަށިގަނޑަށް ވައިގެ ކުދިކުދި ގޯނާތައް ލިބެމުން ދިޔަކަން ވެސް އިހްސާސް ނުވާ ކަހަލައެވެ. ހިވާ ގޮތުން ނަމަ އޭނާގެ ވަށައިގެންވާ މާހައުލުގެ ހިލަމެއް ވެސް އޭނާއަށް ނުވެއެވެ.
ދެން ފެނުނީ މިލާން ބޯހޫރާލި މަންޒަރެވެ. ސިކުނޑީގައި ވާ ހިޔާލުތައް އެއްފަރާތްކުރުމުގެ ބޭނުމުގައި ކަމަށްވެސް ވެދާނެއެވެ. އޭނާގެ މޫނުމައްޗަށް އިސްތަށިކޮޅުތައް އަންނަން ފެށުމުން އުނދަގޫ ވިއެވެ. ވޫލުކޮޅު ނެއްޓުނީކަން ރޭކާލީ އަދި އެހާ ހިސާބުންނެވެ. އެހެންކަމުން ވޫލުކޮޅު ހޯދުމަށް އަވަސްވެގަތެވެ.
އޭނާ އަނެއްފަރާތަށް އެނބުރުން ގޮތަށް މާދުރު ނޫން ހިސާބެއްގައި ހުރި އެެއްކަލަ ފިރިހެން ކުއްޖާ ފެނިފައި މީހާ ސިހުނެވެ. މީހާ އަރިއަޅާލުމާއެކު އަޑުގަ ނެތް ކޮޅަށް ހާޅޭއްލަވައިގަތެވެ.
ކަންތައް ވެގެން ދިޔަލެއް އަވަސްކަމުން ޝާއިންވެސް "ކެއާފުލް!" އޭ ހަޅޭއްލަވައިގަތެވެ. އަދި މިލާންގެ އަތުގައި ހިފުމަށް އަވަސްވެގަތެވެ. އެކުއްޖާފުޅު ވެއްޓިދާނެތީއެވެ. ސަލާމަތްވުމަށް މިލާނަށް ހިފެހެއްޓުނީ ޝާއިންގެ ހުޑީގެ ކަރުގައެވެ. އެއާއެކު ޝާއިންވެސް އަރިއަޅާލިއެވެ. ދެމީހުންގެ ހަޅޭކާއެކު ދެމީހުން ވެސް ގޮސް ވެއްޓުނީމޫދުގެ ލޮނުގަނޑުގެ ތެރެއަށެވެ.
ތެޅެގަނެފައި މިލާން ޝާއިންގައިގައި އަޅާ ކޮއްޕާލިއެވެ. އަދި އަވަސްއަވަހަށް ތެދުވިއިރު އޭނާ ހުރީ ތެމިފޯވެފައެވެ. އޭނާއަށް ދިޔައީ ފުންކޮށް ނޭވާ ލެވެމުންނެވެ.
YOU ARE READING
ހިތް މަގޭ ކަޅިވެފައި
أدب المراهقينއެންމެ ފުރަތަަމަ ދުވަހުއްސުރެ ވެސް މިލާން ބޭނުންވީ އޭނާގެ ދިރިއުޅުމަށް އަސަރު ކުރާނެ ހުރިހާ ކަމަކުން ދުރުވެ ހުރެ ކިޔަވާ ނިންމާލާށެވެ. ކަންތައްތައް ވަމުން ދިޔައީ ވެސް އޭނާ ބޭނުންވި ގޮތަށެވެ. މުޅި ސްކޫލުން ވެސް އޭނާ ދަންނަ މީހަކު މަދުވާނެއެވެ. އިނގިރޭ...
