The Promise (H2B Series #1)

Chapter 4

Author's Note:

This story is also posted on Dreame App. Please do follow me @heyembee and add this story in your library.

Thank you.

❤HEYEMBEE❤

***

"Homer.." Kahit nag-a-alangan ay pinilit pa rin na ngumiti ni Heaven dito na ikina-kislap ng mga mata ng binata. Hindi na ito nagtangka pang lumapit sa mag-kaibigan at nanatili na lamang sa kinatatayuan.

"Hello, my Heaven. Kumusta ka na?" Nakangiti nitong tanong sa kanya. Muli siyang luminga at napailing nang makitang nakalabas na ang mga cellphone ng mga taong pinalilibutan sila.

"I'm okay." Sabi niya at mabilis na tumalikod at pilit na tinakpan ang kanyang mukha. Agad naman siyang niyakap ni Akiko at pinilit na dumaan sa mga tao na pilit naman silang sinisiksik.

Patuloy sila sa paglalakad hanggang sa makarinig sila ng tilian kasunod ang pagtawag sa kanila ng iilang miyembro ng H2B. Pinilit na hindi lumingon nila Akiko hanggang sa tuluyang makalayo at sabay na bumuntong-hininga. Ngumiti na lamang siya nang huminto sila sa paglalakad at napabaling kay Aki nang bigla siya nitong kalabitin.

"Ang sweet talaga ni Homer, no?" Tumango siya bilang pagsang-ayon.

"Buti pa siya, nagagawang tumakas sa mga bouncers makita ka lang, hindi katulad ng iba..." Napasimangot siya at napalabi kay Akiko.

"Sayang, sa kakambal ka niya na-inlove at nagpasakal..." Sabi pa ni Akiko.

"Huwag ka nga, Aki. Baka may makarinig sayo." Suway niya dito. Aki just rolled her eyes at hinila siya papunta sa building nila dahil hindi naman natuloy ang pag-uwi niya.

Hindi maiwasang mailang ni Akiko at Heaven habang naglalakad dahil ang tingin ay na sa kanila. Hindi maitatangi na they both have the beauty and the body, simple lang ang pananamit ni Aki kumpara kay Heaven pero litaw parin ang ganda niya. Laging ganito ang atensyon na natatanggap ni Heaven sa tuwing naiisipan niyang mag-ayos katulad ng dati, at hindi isipin ang mga dramas at issues niya. But aside of their looks and body, lingid sa kaalaman nila na ang dahilan ng mga tingin ng mga ito ay dahil sa pagiging instant celebrity nila matapos ang nangyaring eksena, kanina.

Nang makita nila ang designated room nila para sa subject na Philosophy ay agad silang pumasok doon at naupo sa harapan, may mga iilang estudyante narin sa loob na nag-aantay sakanilang Professor at hindi na naki-nuod sa kung anuman na ginagawa ng mga H2B sa oval.

Heaven let a sighed at kinuha ang filler notebook niya, kasabay ng pagpasok ng Professor nila.

"Good morning. I am Mr. De Leon, and I will be your instructor in Introduction to Philosophy and Logic."

Tahimik lamang ang magkaibigan na nakikinig lalo na nang mag-umpisa sila sa topic nila, at talagang nag-eenjoy ang lahat sa mga tinuturo ng instructor nang mapatigil ito sa pagsasalita nang maka-rinig malakas na pag-katok mula sa pinto ng silid. Lahat ay napabaling ang tingin doon at hinintay na bumukas iyon.

"Excuse me, Mr. De Leon?" Wika ng school dean nila kaya nagpa-alam sandali ang kanilang Instructor at ilang sandali pa ay muling bumalik sa harapan.

"We will resume our class, next week. Dito gaganapin ang shooting ng H2B kaya walang aalis dahil kasama kayo sa shots. That's all, thank you." Anito na nagpatigil kina Heaven at Aki.

Sunod na pumasok ang production staff na producer ng music video nang H2B, sinet-up ng mga ito ang camera at ilaw at kung ano pang mga gamit saka sunod na pumasok si Anton, ang maldita at feelingera na make up artist ng H2B. Lahat ng babaeng fans ng banda na nagta-tangkang lumapit ay sinu-sungitan nito na tila siya ang pinag-kakaguluhan. Heaven and Akiko hate him, too. Na-meet na ito ni Akiko once, at kinuwento sa kanya ang encounter nito dito kaya pati si Heaven ay nahawa na sa pagka-inis sa stylist.