#حكايتي لاتنسى.. باللهجه العراقيه.. # للكاتبه كوثر

البارت الثاني

حكايتي لاتنسى..

للكاتيه كوثر..

.......

رحت للمطبخ لكيت عمتي ام احمد داتسوي اكل.

بتسمت.... عمه شداتسوينه اليوم.

عمه سكينه... والله  ياعمه دااسوي تشريب اصفر.

... هااا.

كعدت عالكرسي.وكمت اسوي الخضورات.

وافكر بحيدر.

ياربي مااعرف اذا  السنه الجايه يقبل ادخل جامعه.

ضليت اسولف وياها.

وبالساعه جتي عمه زينب وياها حيدر مشترين مسواك.

اخذت من عمتي.

وحيدر ضل لازم العلاليك عباله راح اجي اخذهن.

واحنه نسولف.

باوع عليه بعصبيه.

عمه زينب... ها يمه. شبيك خليهن عالميز.وروح.

حيدر... فضه.

باوعت عليه ورجعت اباوع عالمخضر  واني اسوي نفسي مشغوله. همممم.

حيدر... صاح بعصبيه. ووجع باوعي عليه من احجي وياج.

بلعت ريكي. ونضرت اله. شتريد.

حيدر... شنو شريد.مو اجي افرك حلكج.مبين جلدج يحكج اليوم.امشي ويايه.

عمه سكينه... صلي على النبي حيدر يمه.

شفت عمه زينب تعض اصابعها. ولج روحي شوفي شيريد. ولاتعاندي.

طلع ولحكته.

طب لغرفته. كعد عالسرير. طلعيلي ملابس.

.... شعجب اليوم تريد اشوفلك الملابس. من تزوجنه ليهسه ولا مره مطلعتلك ملابس ولااعرف شنو وشتلبس ولاافتهم شي من غرفتك.

حيدر... اي ومنا وجاي انتي تطلعيلي واجي الكاهن محضرات. ومجهزتلي الحمام.

...... حاضر. وين ملابسك وين مخلينهن.
حيدر. بالكنتور يم الزاويه. وانتي دوري شلبس.

رحت طلعتله ملابس.ونطيتهيا.

حيدر... الجرار الاول بالميز تواليت. تلكيت الساعات. طلعيلي ساعه تنسق للملابس.

طلعتله ساعه عاللبسه. ومحبس عنده ثنين بس هو دائما يلبس واحد جبير جابتلهيا امه ويحبه كلش.

طلعتليها.

..... هممم بعد تحتاج شي.

باوع عليه... اريد احجي وياج موضوع.

بتسمت.... شنو الموضوع اكيد شي يخليني.

حيدر... فضه.سالي خلصت عدتها.

بتسمت بقهر.شنو تريد مني يعني.

حيدر.... راح ارجع اخطبها.... لان هسه هيه مطلكه واكيد اهلها يقبلون بيه هسه.