#حكايتي لاتنسى.. باللهجه العراقيه.. # للكاتبه كوثر

البارت ال١٦

حكايتي لاتنسى..

للكاتبه كوثر...

ــــــــــــــــــــــــــــــــــــــــــــــــــــــــــــ

عضيت شفتي بتوتر. مااعرف.

باوع عليه وعاقد حواجبه. شنو ماتعرفين.

..... شبيك احمد شغيرك.

احمد.. مانسه اني. ماصار كم يوم من صارت السالفه. كلبي نار كلما اتخيل هسه كتيله حبيبي وحياتي كلما اتخيل تكوليه اسرارج.

كام من الفراش... باوعت ايده ترجف.وخلاها عالحلكه.

احمد... كلبي ناررررر. دايفوووور.والله من جنتي صغيره ليهسه اني رايدج.ماردت غيرج. ولاحبيت غيرج. ضحك.

يعني ماادري. من سنه وانتو تحجون ويه بعض.

... اني جنت معجبه بي. مو حب. والله افهم اححمد. والله دااحاول اتغير علمودك. وانت سويت الواجب ويا. ضربته واأذيته.وليهسه هو بالمستشفى.

تقرب مني. سنه.ياضالمه. سنه.سنه اكدر اخليج تحبيني وتزوجيني ويصير بيناتنه علاقه. وانتي تكولين اعجاب.

بلعت ريكي... مانحجي هوايه.جنت بالاسبوع مره نحجي. لان يطلع بليل ويه جماعته والله.

كمت ابتعدت عنه. دااريد اطلع. صاح وين.

.... من تهدأ اجيك. يمكن بليل اجيك مو هسه.

احمد...امممم.واذا اصخن.

حجاها بعصبيه.

..... دااشوفك معصب.كلش من تهدأ وتنام كل ساعه اجيك اشوفك مصخن لو لا.

مبين ماعجبه حجيي.

رجع نام. وصاح بعصبيه. طفي الضوه من يمج. ولاتوصلين لهنا. مااريد شي منج.

...... شبيك احمد.لخاطر الله شبيك.

اشر بأيده بعصبيه روحي يعني.

..... وانت تريدني احبك. هم رجعت عالعصبيتك.

دار وجهه للجهه الثانيه وغطه وجهه بالبطانيه.

هزيت راسي بيأس.والله تعبت منك ومن الكل.

رجعت لغرفتي احاول انام. بس مايجيني نوم.

وكلبي نار عليه اخاف يصخن صدك.

كمت التهي بالكتابه او الرسم.بما انو ماعندي موبايل.

تقريبا وره ساعه. طلعت لغرفته ماتحملت.

فتحتها عالكيفي.

لكيت عمتي سكينه يمه. تمسح بوجهه.

..... ها عمه.

عمه سكينه... هلا ذهيبه يمه. والله لكيته مصخن. خليتله كمادات شويه.بلكت شويه تفيده.وماكدرت انام بالي يمه واخاف عليه. يمه والله اذا صار عليه شي لااموت.