#حكايتي لاتنسى.. باللهجه العراقيه.. # للكاتبه كوثر

البارت ال٣٠

حكايتي لاتنسى..

للكاتبه كوثر السعدي.

ـــــــــــــــــــــــــــــــــــــ

هوايه ترزلت وعرفو كلشي عمامي انو اني جنت احب عبد الحي ورايدني. وصار الزواج مالتي بسرعه من احمد لهذا السبب.

رزلوني وحجو عليه واني ميته بجي.

وحياه  حاضنتني وتبجي ويايه.

وفضه تهدء بيهم. بس خليها والله تعبت من البجي راح يصير بيها شي.

بيبي حجت كلشي الهم.

بعد ماتوضح حجي احمد الهم.

احس راسي راح يطك من البجي.

خايفه كلش عله احمد. ميته خوف عليه. من الصبح ليهسه هو ماموجود.

تعبت وبديت اغيب عن الواقع.

بديت انام بعد كميه البجي والتعب.

واني كلبي نار عليه. احس بي شي. بس اترك  احساسي عله جنب . واكول هسه يجي.

البيت مشحون. الكل قلقان عليه.

وعمو جابر وعمو قاسم طلعو يدورون عليه بهل ليل.

تلفونه مغلق.

من بعد التعب.ساعه بالوحده دخلو. كعدت من النوم.

وراسي ملفوف. بشال حته يخف وجع راسي.

عمتي سكينه وبيبي تلكو عمو جابر وقاسم.

عمه سكينه.... ها يارجال والله كلبي تعبان ومعاد يتحمل. اريد ابني جابر. اريده.

كعد عالقنفه مابي حيل يبجي... وين الكا. دورت بكل مكان هو يروحله. ومااكو.

هاي ساعه وحده. ورحت بلغت الشرطه يكولون اله يغيب عن البيت ٢٤ ساعه يله ندور عليه.

عمه سكينه... شلون انام متفهمني وابني مو بخضني. شلون. والله راح اموت تعبت.

عمي جابر... شنو بأدي. مدكليلي.

اخذت موبايلي والكل يرجف ويبجي.

اتصلت عليه. للمره المليون.

مغلق جهازه.

نهاريت. كمت ابجي بصوت مسموع.

تقربت مني فضه. وحضنتني... ولج كافي تفاولين عليه.

..... وين راح. مدكليلي وين راح. والله راح اموت.

للثاني يوم الصبح احنه ماواحد غمضت عينه.

اباوع عالصورته بالهويه الي جانت بمحفضته. وابجي. وين رحت معقوله بعد مااشوفك. معقوله انت بيك شي.ريح كلبي احمد واتصل لو حاجيني. ريح كلبي ولاتخليني ندامانه طول عمري لان ضوجتك.

ندكت الباب. عمو قاسم بسرعه كام وفتح الباب. وعمو جابر يمشي بثكل من كد ماتعبان.

هذا صديق احمد اسماعيل.