#حكايتي لاتنسى.. باللهجه العراقيه.. # للكاتبه كوثر

البارت الاول

روايتي لاتنسى،،

للكاتبه كوثر، ،

،،،،،،،،،،،،،،،،،،،،،،،،،،،،،،،،،،،،،،،،،،

بيبي..... اذا كان الكلام من فضه فالسكوت من ذهب،

ذهب.... بيبي دائما انتي واكفه ويه فضه،

بيبي..... ولج يلغبره هاي اختج وهذا المثل ينطبق عليجن ثنينجن والله،

فضه......مااعرف ليش تغار مني، هاي عود توئمي،

بيبي....... مو انتي هم متسكتين تلاسنيها،وهيه اكبر منج،

صافرت صافوره عاليه،الله اول مره بيبي تحجي شي وتوكف ويايه،

بيبي..... دنجبي نجبي، اوكف ويه الحق اني ،

بهل الاثناء دخل احمد. منو صوفر،

بلعت ريكي شويه.... اسفه،

خنزر عليه وطلع،

هديت شويه واني ارجف،

بيبي..... اله تنبسطين ولج، ،ولج تعرفينه كلش زين مايحب المسترجلات،

لويت شفتي ،مامسترجله اني. بس من قهري صافرت ،وبعدين شبسرعه رجع من الدوام ،اليوم جاي من وكت.

بيبي... تضلين تحجين، روحي شوفي شيريد تعرفين اذا مو يمه هسه يكلب حياتج دكومي،

ذبيت المخده الي جنت اطرز بيها وكمت،

،،،،،،،،،،،،،،،،،،،،،،،،،،،،،،،،،،

بيبي..... شبيج يمه فضه،

..... شنو شبيه بيبي، ،عاجبج الي يصير احمد بجهه منا وحيدر منا بجهه،

اخذت نفس،.

بيبي....،شمالج ولج عوفيهم باجر عكبه يطيحون بمشكله كلش جبيره ويرجعون حبايب صدكيني وكولي بيبي مكالت،

..... الله كريم بيبي الله كريم،

بيبي..... مشتاقه لحيدر موو،

نزلت راسي، حجي مايحاجيني ولا يباوع عليه اصلا،وكانو اني ماموجوده،

بيبي..... يمه فضه الله كريم هاي هم محلوله مو كل مره اكلج نفس الحجي وترجعين تعيديليا للحجي،

يرجعلج يرجعلج،

.... الله كريم الله كريم بيبي،

كمت كعدت بمكان ذهب وكمت اكمل التطريز،

،،،،،،،،،،،،،،،،،،،،،،،،،،،،

فتحت الباب... باوع عليه ورجع يذب قميصه،

..... كم مره كتلك لاتنزع ملابسك اله اطلعلك ملابس ثانيه،ولاتنزع كبالي،

احمد.... واني كم مره كتلج تدكين الباب يله تدخلين،

صفكت، حقك والله،

باوع عله ايديه بعصبيه ورجع ينزع ،

نزلت ايدي،يكره هالسوالف كلش،