عذاب فصليه

البارت الاول

عذاب فصليه _ البارت الاول

(( بقلم// الكاتبة : شهد علي ))

_ حبايبي انشروا القصه حتى التفاعل يزيد
_ لاتنسون التصويت على القصه والتعليق بين الفقرات
_ متابعه لحسابي ✨❤️

__ __ __ __ __ الكاتبة : شهد علي __ __ __ __ __ __

جنت كاعده اقره و مندمجه بالقرايه و انفتحت باب الغرفه رفعت راسي و شفتها امي

اجت يمي و كالت

_ ولج هاي لسه كاعده
_اي تدرين خايفه ما اجاوب زين بالامتحان
_ كولي يا الله انشالله اتجاوبين زين هسه كومي نامي صارت الساعه ب 4 الفجر بقن 3 ساعات للامتحان

_ ماشي يمه هسه حنام

اعرفكم بنفسي اني اسمي ملاك عمري 18 سنه ادرس سادس علمي كل همي اطلع معدل زين
مواصفاتي حنطاويه عيوني لا هنه كبار و لا هنه اصغار لونهن بني مدري عسلي

تدرون لسه ما اعرف شنو لونهن اني اشوفهن عسلي بس ناس تكول عسلي و ناس تكول بني ف خربطو عليه المهم
طولي 158 اني عايشه ويه امي و ابوي و اخواني 2 و عندي اخت 1 جسمي حلو لا سمينه و لا ضعيفه رشيقه بالنسبة الي جمالي طبيعي

بالنسبه لامي ابدا محلوهه

الناس دائما تكول ملاك اسم على مسمى
أما بالنسبة لشعري
شعري طويل و اتمنى اكصه بس ابويه ما يقبل عنده كلشي و لا شعري

احنا حالتنا الماديه متوسطه الحمدلله و الشكر ما ناقصنه شي

اختي اسمها فرح و عمرها 14 سنه
أما اخواني
الجبير اسمه سيف و عمره 29 سنه مزوج و عنده اثنين اطفال سيف عايش ويانه و يشتغل عسكري

و الثاني اسمه مصطفى عمره 21 سنه امي تلح علي حتى يزوج بس هو ما يريد دائما يكللها ما اريد هسه ازوج و يكول اله يصير عمري 25 و الكه البنيه الي تناسبني

اما امي عمرها 50 سنه ربت بيت كرصت حياتها كلها علمودنه و علمود ما ينقصنه شي

ابوياا عمره 55 سنه متقاعد عنده محلات يشتغل بيهن و عنده راتب التقاعد

و هاي عائلتنه عائله سعيده مليانه بالهدوء. (( جذب مليانه بمشاكلنه اني و امي هههه ))

كعدت الساعه ب 7 ونص ما ضلي وكت بسرعه بدلت و نزلت

ملاك / صباح الخير
ابو ملاك / صباح الانوار اتريكي بويه
ملاك / بابا ما الحكك لازم اروح
مصطفى / ديلااا على أساس راح تطلعين الطب

ملاك / هسه اطلع و تشوف غصبن عليك اله اكسر خشمك

مصطفى / ولج تكسرين خشم منو و علي اكوم اكسر راسج ادبسززززز
ملاك / خررررب شلون بالساني

ابو ملاك / كافي حجي من الصبح ازقنبو
سيف / صباح الخير بويه خير انشالله هم تتعاركون من الصبح