[الحلقة الثالثة] احببته ولم يكن هوا 💔
الكاتبة نورة توفيق✍🏻🕯.
ريم اعطت المال لي صقر الي كانت موفرته عشان يشري لها الأغراض وبعض الأواني ناقصات عليها
صقر: حولي ادزيهن لي في رسالة عشان ماننسى
طلع صقر في الصبح علي رجليه مسافة طويلة لعند البوابة والمحطه امتع السيارات
بعد نص ساعة وصل وبدي عمله... بعد حلول المساء وفتح الاسواق استأذن من صاحب العمل وطلع شراء طلبات امه ريم
عشان ضيافت اليوم.
ومر الوقت بسرعة وجاء الليل ريم والبنات نظفن الحوش وعدن الضيافه كلها عشان خالتهن فريدة
جلسة ريم علي الكرسي وخذت هاتفها ووبدت تتصل
الهاتف يرن يرن يرن بس مافيش رد قريب من عشر اتصالات محد رد ، كانت لقطه مش حلوه من اخت ريم كانت لو تعتذر بس اختفت فجأه ..
ومع هذا كان كمال بيتكلف بي توصيلهم وترويح بيهن بسيارته عشان اولادها مش من النوع الاجتماعي ديما يا نفسي فقط.
ريم زعلت والبنات زعلوو وكمال رن حتى هوا لكن كان الموقف هوا السائد في اللحظه الاخيرة قاللها معش تحولي هيا شكلها ماتبي تجي وعده الليل كيف كل ليله.
ـــــــــــــــــــــــــــــــــــــــــــــــــــــــــــــــ
روايـــــــــة احببته ولم يكن هوا💔
الكـــــــاتبة نوره توفيق🕯✍🏻
بعد ثلاث ايام اتصلت فريدة واعتذرت وقالت كانوا عندي ضيوف بس كان عذر سخيف بكل لانه كنت ترد من الاول وتعتذر كانت من الاول ماتعطي كلمه تو وقت غريب حتى الخوات يتغيروا علي بعض عشان اسباب تافه
اكثر شي خذ في خاطر ريم انها كلفت نفسها وحظرت كل شي بس في الاخر ماجت مع انها مافي يوم قصرت ديما قايمه بالواجب في كل المناسبات.
في يوم من الايام الشهر الفضيل قريب من الساعة الرابعة مساءا خش كمال علي امه اليوم متجهزي شي مصطفى عازمن هو واهله علي الفطور اليوم
ريم: خلينا نفطروا في حوشنا عليش نفطروا عند الناس
وتضايقتك من الموضوع مكانتش ترتاح واجد لزوجت مصطفى لانها درتلها عدة مواقف، بعد الحاح من ولدها كمال وافقت وقالت لبنات انهن يجهزن انفسهن وكذالك صقر
كمال وافق عشان يوفر ومايصرف شيء
طلعوا العيله مع بعض في السيارة كمال سكر الباب بالمفتاح وشعل المصابيح ..
مع مسافة الطريق والحي الجديد في المدينه الجديده الي هم سكانين في اهل مصطفى ووصلوا واستقبلوهم سعاد زوجته استقبلت ريم والبنات في الطابق العلوي علي السطح فوق شي غريب استقبال اخر ناس حتى كان حوشهم نظام فيله علي الدور الرابع وخلتهن فوق عشان برا الجو بارد، ريم تحسست من الاستقبال وفطرن مع بعض وهدرزن
بعد الساعة الثامنه روحوا مع بعض نيهال بعد روحت مرضت شكله من البرد الي قعدن في ؛ الفطور كان حلو بس استقبال مش حلو ..
عدوا عشر الأيام الأخيرة وكان كمال في كل مرة يطلع ويغيب بالوقت الطويل وكان صرفه قليل ومعاملته بين الحين والأخر تتغير هذا الأبن الاكبر لريم تغير بعد تعرف علي جميله بدت كل اهتماماته وانسى انه عنده اهل وانه مسؤل منهم.
ــــــــــــــــــــــــــــــــــــــــــــــــــــــــــــــــــــــ
روايـــــــــة احببته ولم يكن هوا💔
الكـــــــاتبة نورة توفيق✍🏻🕯
جاء العيد وجوو ايام الفطر كان صقر يطلع كل اليوم علي رجليه يمشي في الصقع في الصبح كل يوم
كمال ولا علي باله يسهر مع جميله في كل الليالي سواء هاتفيا في الليل وفي الصبح معه في عملها تغير علي امه وخوته
ريم: حتى عيدنا مش كيف الناس كل واحد في مكان معش في شي زي قبل بعد حولنا هنا كل شي تغير..🥀
منعم صديق صقر قعد يعطي في دروس لي صقر لين تعلم القياده تعلمها بس مزال ماعنده حق اشتراء سيارة
في الليل روح صقر ومعه منعم
منعم: تتمسى علي الخير"
صقر والله تنزل ومرحبا بيك بالموجود
نزل منعم وقدمله صقر العشاء وكمال معاهم كان قاعد.
مرور الايام بسرعة
اخت ريم بعت منزلها وانتقلت لي مكان اخر وعطت كل وحده فيهن حصتها من الفلوس ريم قررت تتعلم القيادة
و بدا يخذ فيها كمال كل يوم عن المدربه امتع القيادة
لحد مافي ايام جتها المدربه تخذ فيها من حوشها لانه في ايام كمال مكان موجود ..
ريم من كثر مهي مضايقه من الوضع قعدت تفضفض لمدربه وكانت المدربه لطيفه وزعلت واجد بعد سمعت قصة ريم وكيف تغير وضعه وكيف خواتها قسيات معاها.
كملت الدور ريم مدة شهر وطلعت رخصة وكانت عندها رغبه كبيره تسوق بس مش كل الي انتمنوه يتحقق حتى لو سعينا في لانه مرات الظروف تجي عكسك
فاليوم لي قررت تشري سيارة وكانت تمشي نتفرج علي السيارات في المعرض وحلمه تسوق لانها في ايام شبابها كانت تسوق بس زمان عن زمان يختلف.
صقر طلع بفكرة انه هوا يسوق فا ريم قررت تضحي وتعطي ابنها حق السيارة وفسحتله المجال.
رواية احببته ولم يكن هوا💔
الكــــــــاتـبة نوره توفيق✍🏻🕯
انتهت الحلقة قرأه ممتعة
أنت تقرأ
رواية ليبية احببته ولم يكن هوا
Romanceتحكي الرواية عن فتاة احبت شخص لكنه لم يكن هوا واكتشفت بعد هذا ذلك وانصدمت عاطفيا💔
