[الحلقة العشرة] احببته ولم يكن هوا 💔
الكاتبة نورة توفيق✍🏻🕯
في يوم كان الجو مغيم الغيوم متجمعات والشمس غايبه
كأنه كان يوم مؤشر لي ايام جايات ماهن حلوات ايام حملاات معاهن اقدار ومواقف ليست علي البال ولا الخاطر.💔🥀
كمال درس سيارته الزرقه قدام الشقه دق علي الباب
اخته من؟ افتحي .. فتحتله الباب
كمال" امي وين؟ فالدار تصلي
كلميهاا لي،، نيهال هيا شوي وتجيك 🥺
نيهال كانت حاسة انه هالموضوع ح يقلب موازين حياتها رأسن علي عقل .
طلعت ريم من الغرفه.. من يا بنات إلي جاء
نيهال : كمال يمي.
دخلت ريم وجلست، خير 🙂
كمال" خير كيف حالكم اليوم
ريم : وعيت بدري اليوم درت الفطور ونظفت ومسحت كلامها المعتاد إلخ...
كمال " غير جاي نقوللكم انه كانت مارديتوا للحوش نبي نبيعه
ريم تفاجئت بالكلام !😲
ريم: ليش ما انت قاعد فيه؟
كمال" 😥 قاعد في بروحي انا
ريم ما انت درت هل الأمور كلهن وتوا تحكي !! ☹️🍂
كمال بصوت عالي والله انبيعه كان مرديتوا الله معندي مندير بي ،، حتى علاقتي بجميله انتهت 🍂😔
ريم حست انه وراء هل الكلمات مية قصة وقصة حست انه في شي في بال كمال يبي يوصله ! ؟ 🍂
ريم مشعارفه انه هو نردوا ولا لا بس عليش بنردوا البنات مدرستهن هنا فالمدينة وخوك يشتغل هنا
كمال " بنضره علي جنب وضحكه ساهل هذا كله ينحل.
_____________________________
الكـــــــاتبة نورة توفيق ✍🏻🕯
روايــــة احببته ولم يكن هوا💔
اليوم التالي شمس عاليه ساطعه ودفيه ركبن البنات في الحافله مع اياد .
نيهال وهيا جالسة في المقعد الحافله شبحت شافت يعني سيارة جارهم مكسرة كلها نيهال انصدمت شن كيف صار امس مكان فيها شيء ،، شيء غريب !!😳💔
_ صقر طالع في الصبح لكلية مع صاحبه
صقر يتمشى لكليه والوضع مش عاجبه😐
مش عاجبه لانها مختلطه بين الجنسين
مكانش يحب الأناث بكل .
بس كل شخص مانقدروا نحكموا علي من حبه او عدم حبه لشيء معين ممكن في نفسه من الداخل اشياء كثيره مخفيه عن وجة انضار العالم 🌏🥀
طلع من الكليه.. وهوا في رأسه الف فكره وفكره كان مشتت مابين هل نواصل او لا ؟
هل انا نقدر نوازي بين الدراسة والعمل
هل في مستقبل لوضعن الراهن !
الف سؤال في باله ....🥀
معلمة الأنجليزي وهيا توزع في الكرسات علي الطلاب
المعلمة" احسن خط في الطلاب الصف هذا نيهال مشكوره علي الأهتمام وتبتسم😊
الطلاب ينضروا ليها بنضرات اعجاب ✨❤
والبعض الأخر ينضر ليها بنضرات غيره وحقد..💔
وهكذا هيا الحياة يوجد فيها جانبين من كل شي....🥀
دانيه طالعه مع رفقتها المقربه هدى 💕
هدى تفطر واعطت دانيه تفطر معاها
تطورت علاقتهن لحد إلي قالت ليها انا نبيك تكوني زوجه لخوي..
هدى فرحت واجد😍
بس كل بنت في العالم يكون تفكيرها ورغبتها تختلف عن الثانيه هل هيا حبت الموضوع
ام عندها اهداف ثانيه.
بعد ماكملت استراحة الفطور دخلت دانيه والطلابات
دانيه" ايمان شكرا علي الموقف الي خدمتني في مش ح ننساه ليك كلمتي باتك علي وساعدتني وقفتي جنبي🥺❤
الأصداقاء الطيبين في كل مكان لزم انك تعرفهم وتفرقهم من بين الف شخص وشخص..
ايمان" ولو انتي زميلاتي وهذا واجبي.
_________________________________
الكـــــــاتبة نوره توفيق✍🏻🕯
روايـــــــــة احببته ولم يكن هوا💔
مروا الأيام ومزالوا في شقتهم
في يوم كان كان قريب الشمس تغرب..🌥
كمال بعد ماتعرف علي هدى وشافها في المدرسة وصارت بينهم عدت مكالمات هاتفيه لكن كانت قليله جداً
فقرر انه يمشي ويخذ خواته ويتعرف عليهم حتى يكون في شي رسمي..
ومشوا بعد غروب الشمس في المساء طولوا ماوصلوا كان حوشها بعيد والوصف صعب بس وصلوا في الاخير
واستقبلوهم وقعدوا ساعة.
تكلمن خواته في الموضوع مع ام البنت.
كانت هدى مخططه انها تربط بين خوه ودانيه.
بس تأتي الرياح بما لاتشتهي السفن
بعدها بفتره توفى خوها والموضوع بعدها بدا يخرب ويصكر شوي شوي والأسباب كانت تافه من البنت واهلها.
كمال يرن علي امه ريم خلاص لزم تردوا وتفضوا الشقه قبل ماتسكروا شهر اخر وتقعد فيها دفع اصر واجد
وفي الأخير قبلت الأم ترد مع البنات وصقر
بس كل شي انقلب بعد رجعتهم..
ومروا الأيام وجت ايام ..
الجو كان مومل للغاية وكئيب في الحوش الأول .
البنات سجلهم كمال في مدرسة ثانية عشان يكملوا درستهم
بس كانت بعيدة عن المنزل وتحتاج سيارة او حافله
تكلف بي استجار حافله لبنات وقعدت كل يوم تجين
كانت حافله سوده ومشئومه🤦🏻♀️
في كل صبح غاني قول شايلهن لي فرح وكانت في اغلب الوقت فاضيه معاهن بس سيدتين كبار في العمر
الأيام بدوا ثقال وما يتحملوا والمعانه بدت تزيد كل يوم عن يوم...
كمال في المساء طالع ..جاه اتصال من زوج خالته
الو كيف الحال.. بخير والله
زوج خالته انا جاي بكرا انشاء الله بنخذ الفلوس من نجيب
كمال' انشاءالله بس حتى انا نبيك تمشي معي لي نهاية الشرق المدينة الكبيرة بنغازي عشان بنخذوا سيارة لصقر عشان يدبر اموره .
خلاص باهي سلم علي العائلة.
نيهال وهيا متمدده في دار تحكي لي اخته تعرفي انصدمت انا بعد شفت المدرسة وكيف طلعوا عليا البنات اتقول طالعات من غرف مش من فصول🤦🏻♀️💔
كيف شكلهن ولغتهن واسلوبهن وتعاملهن كلا انا انصدمت وقبل طحت من طولي..🥀💔
فرق كبير بين مدرسة المدينة والقريه
تحسهن زي نظام الغجريات حتى كلامهن غريب الزي متعهن اول مرة نشوفه 😭😂💔
قالوا المدير فارض عليهن تفصيله ولون معين
ومن ردت نيهال واهلها لبيت القديم ح تبدأ الف قصه وقصه والف مصيبه والف شيء مش متوقع 💔🥀
يتبع غداً
الكـــــــــاتبة نورة تزفيق✍🏻🕯
روايــــــــــة احببتـــــه ولـــم يكـــن هـــــوا💔
انتهت الحلقة قرأه ممتعة
أنت تقرأ
رواية ليبية احببته ولم يكن هوا
Lãng mạnتحكي الرواية عن فتاة احبت شخص لكنه لم يكن هوا واكتشفت بعد هذا ذلك وانصدمت عاطفيا💔
