[الحلقة الثالثة عشر] احببته ولم يكن هوا 💔
الكاتبة نورة توفيق✍🏻🕯
بعد الساعة عشره مساءاً "🥀
نيهال اتصلت علي حميدة وكانت في الغرفه الي ديما ترقد فيها
رد حميده عليها " نيهال تسمع في صوت عالي ودوشه
كانه مع حد وحميدة صوته تغير..
شوي بكل قوى صوت مراة قوي يقول لي حميدة قوللها قوللها....
نيهال تسمع ومجمدة مع بعضها وقلبها دف دف يخبط في صدرها قريب يطلع
وليه تقول قوولها يا ق ... كلمة شارع رديئه 💔
ومن هنا انصدمة نيهال💔💔
سكرت وقعدت ترتعد وتبكي كسرت الخاطر صعبة والعيب في الشخص مش هين ابداً
نيهال ماكانت عرفه معنى الكلمة بس حست انها مش كويسة
كانت يدوب متفتحه وردة صغيرة قاعدة في الأعدادي ونفس الوقت بنت صغيره وبريئة مش عارفه قذرة بعض الأشخاص الي معندهم حياة ولا قلب .
وصوت عالي كانت معاه وحده طلعت مراته
نيهال من بعد سكؤت الخط رقدت علي المخده وقعدت تبكي والكلمة قاعدة في وذنها مابتش تحول خاطرها انكسر كسره مايعلم بيها إلا الله كان موفق من عيل وسخ مش عارف الأصول ابدا معقول هكي توصل معه شخصيه ممحيه مراته حاكمة في مهما يكون الغلط عنده ليش يكذب علي بنت صغيره في عمر بناته ويخليها هك تنحط في موقف قذر 💔
نيهال تزن في وذنها الكلمة وكل ماتذكر اللقطه تقعد تبكي كملت الليله وهيا راقده والمخده دموع والخاطر مكسور ومنفجعه في حالة صدمة قاعدة اول مرة يصير معاها هك💔
بعدها هوا الي اسمه حميده يرن يرن يرن ونيهال تفصل عليه بالحمره بعد شن بس جاي يرن 💔
طلع عيل صغير مايسوى شي قدام وليه.
نيهال قعدت مخنوقه وقلبها ينقبض كل ماتخطر عليها ليلة البارح💔😔
_______________________________
الكاتبة نوره توفيق✍🏻🕯
روايـــــــــة احببته ولم يكن هوا💔
اليوم التالي نيهال قاعدة مافي في بالها شي بس متدريش شن قاعدة يصير برا ولا في حوش العيل حميدة..
طلعت مراته وخذه رقم نيهال ومعطيته لخوها خوها قاعد يرن ديما ويضايق فيها
من الناحيه الثانيه الاستراحة الي قريب من حوش نيهال واهلها كان يجيها حميدة وبعد الموقف الي صار تش كيف النار بعد تولع في سجاد انتشر وهو يحكي قعد الرجاله ممكن اربعة قعدوا ملتمين مش عارفين الي صار ومستغربين كيف هو حكا مع بنت صغيره وحطه في موقف شين💔
نيهال في الليله الثانية مطلعتش من الدار من تأثير الصدمة وحتى المدرسة ما عدت غابت.
قعدت متمدده علي فراشها وعيونها في سقف الدار فجأة تلفونها يرن يرن...📞
نيهال مردتش.. حاول مرة ثنين ثلاثة وصلها مسج 📩
نيهال قلبها يدق بسرعة خايفه 😥💔
قرت الرسالة كانت من رقم غريب بدايت 8نهاية 13
الرسالة:✉️ ردي نبيك في موضوع ضروري.
نيهال خافت فالبداية ... بعدين ردت علي الرقم المجهول وياريتها ماردت💔
صوت راجل حنجرته صوته غليظه'الوو
نيهال : الو وسكتت قلبها يدق وخايفه تسمع كلام ثاني ولا حد ايوبخا ويقوللها كلام شين يصدم💔
فجأه الراجل .. طلع نيهال من دائرة الخوف🥺💔
وبدأ يحكي معاها في موضوع حميده...
متزعليش روحك وامسحي إلي صار كلهه راه مايستهل يحرك منك حتى شعره وحده راه عيل راه خواف ومجوز ودرالك هك لانه مش راجل عيل إلخ......
بدي يمسح علي قلب نيهال بكلامه القنين الحنون جاء المنقذ الي خذ نيهال من الصدمه لي النجأة جاء المنقذ الي طبطب عليها ونسه الي صار ..✨💝
عارف بنفسه انا اسمي فارس وانتي؟
انا نيهال"
فارس: معرفة خير نهوله ومايهمك شي وماتفكري في شي وانا قاعد تمام متزعليش روحك كيف ماقتلك
وقعدوا يحكوا قريب ساعة.
وبعدها انهوا المكالمة نيهال رقدت مستريحا شوي احسن من الليله الي قبلها ارتحت بعد لقت من يواسيها ويطبطب عليها
ومايحسسها بشيء ايزعل
ومرت الليله..✨🥀
___________________________________
الكاتبة نورة توفيق✍🏻🕯
روايـــــــــة احببته ولم يكن هوا💔
مع صباح جديد 🌤
نيهال وعت لمدرسة لبست وفطرت وقبل ماتطلع قفلت الفون وطلعت..
وصلت لمدرسة قعدت تتمشى فالساحة فالصبح الجوو مصقع
خطم من جنبها استاذ الأستاذ هذا ديما يحاول يتقرب منها ويسأل فيها ديما ويدير في سبل عشان يكلمها لكن نيهال كانت متحشمه واجد وماعطتش مجال وكل مايحكي معاها اطبس لوطه عيونها يقعدوا للأسفل مترفعش فيهم مرات ترفعهم مرات لا الاغلب لا....🥀
ريم لبست ملابسها وطلعت مع كمال مشت لمحل الطيور تشري في اكل وعلب اكل واشياء ثانية..
كمال نقاله يرن.. ترررن نغمه غريبه حاطها 📞
ريم بينها وبين نفسها اكيدة الي اسمها جميله عطه دعوه
كمال مسك التلفون.
ريم متردش متردش ركز علي الطريق راه تقلبني في الطريق الشكله عطها دعوه😤
كمال تعصب وقعد يعلي في صوته وسرع اكثر بالسيارة..
صقر طلع طول لي عمله بعد ما حط البنات علي المدارس
نيهال خشت لي الفصل وقعدت جالسة ومزلت متاثرة بلي صار وكل مدجي لمدرسة تضايق البنات معاملتهن مش حلوه النظام تغير عليها اشكال وناس جديدة اسلوب ولهجه مختلفه بس قعدت تمشي وخلاص قريب تكمل نص السنة والامتحانات قريبة.
الكـــــــــاتبة نورة توفيق✍🏻🕯
روايــــــــــة احببتـــــه ولـــم يكـــن هـــــوا💔
انتهت الحلقة قرأه ممتعة
أنت تقرأ
رواية ليبية احببته ولم يكن هوا
Romanceتحكي الرواية عن فتاة احبت شخص لكنه لم يكن هوا واكتشفت بعد هذا ذلك وانصدمت عاطفيا💔
