[الحلقة التاسعة والعشرون] احببته ولم يكن هوا 💔
الكاتبة نورة توفيق✍🏻🕯
نيهال خشت تخذ في ملابس من دارها نضال دزلها مسج صباح الخير حبي.
ردت علي.. صباح الخير
بعدين اتصل عليها نيهال حى راه تسمعني دانيه تخبر امي تقتلني ويثبت عليا اتهام جارتنا فاطمه😯😬👋🏻💔
وتعاودلي بكف ثاني.. اه كل مانذكر نموت ستين موته من جواا😭😭💔
نيهال فتحت الخط الو..
نضال.. خير ياطيري شخبارك؟
نيهال كويسه.. نضال انشاء الله ديما كويسه
والله مرايف عليك انتي تزعلي في كل مانجيك شوي وتخشي تجري غير انا طالقك براحتك.
نضال.. شن رايك تطلعي معي اليوم
نيهال.. شن قتلي😲😲
وكيف بنطلع معك انا تو بنمشي مع اختي تو يشكوا فالموضوع بعدين انا معمريش طلعت مع حد😟😩
بس عشان خاطرك ندير اي شي ومش مشكله بس وين بتخذني؟ نضال نعلي منك ياحبي ماتفكريش انتي معايا في امان ونخليك في حضني 🔥🔞
نيهال انشاءالله خير وسكرت
نيهال. اختي دانيه مش ماشيه معك كان جاتك حافتلك امشي بروحك.😐
دانيه كيف 😧😕.. مش قلتي بتمشي معايا
نيهال غيرت رأي بنقعد مع امي وبنفطر 😊💝
دانيه خلاص سكري الباب وراي جت الحافله 🥀
طلعت دانيه.. ونيهال قعدت تحوس في جنان الحوش وتكلم في نضال هيا شوي ونجيك وتي روحك ياحبي بس انتي تم موضوعك هلك مايعرفوكش طالعه.. نيهال عادي وسكرت.
شوي امها فتحت الروشن.. نيهال معش عرفت كيف تصرف امها شافتها قعده وح تلحظ اختفائها لو طلعت👋🏻💔
نيهال اطرت تفقل تلفونها وتلغي الفكره🥺😬
مرات في اشياء نقعدوا رسمينها وخططين ليها لك القدر يغير مجرا ما انت كنت معتقد انه يصير
مش إلي في بالنا ايصير بس المكتوب.✋🏻
ريم هيا نفطروا بعدين ديري حملت نظافه علي الحوش.
نيهال واا ياريت مشيت مع دانيه وخلاص وخطيت علي هذك الموضوع 😩💔
في العشيه قريب من السابعه مساءا نضال ليش بس قفلتي تلقونك فجأه.؟
نيهال مصارش منه الموضوع انا خفت واجد😩💔
وماما تمت قاعدة خليها مع الوقت..🥀
نضال نشوفك توا تقدري تطلعي.. نيهال هيا شوي بس.
نضال مطوليش انا قريب منك نتمشى علي كرعي.
نيهال خشت تشوف لجو لقتهم كلهم ملتهين طلعت بسرعة خذت نفس عميق وفتحت الباب نضال شخبارك اقعدي معي مش تخشي بسرعه مرايف عليك🤤💓
نيهال قلبها يدق بسرعه وتلفت شور باب حوشهم
منقدرش والله مانقدر بنخش انخاف يشوفني خوي😢😞
نضال.. أنحبك❤
______________________________
الكاتبة نوره توفيق ✍🏻🕯
رواية احببته ولم يكن هوا💔
نضال قاعد في سيارته..ونيهال تتمشى برا كان الوقت ليل والسماء مليانه نجوم ونسمات الليل حلوه✨🖤
نضال.. تعرفي نحنا علاقتنا كيف القمر مر يكتمل ومره يقعد بدر قصتنا غريبة مرة تكتمل ومره تنقص بس انحبك وانموت فيك..😍
نيهال.. حتى انا الي صار معي كله عشان خاطرك مستعد نخش لنار عشانك.
نضال: صح بنمشي معايا لي الغابة؟
نيهال: والله خاطري في نزه حلوه وتكون انت معايا
وثقه فيك🥺
نضال: عارفه يا حبي، نيهال همم؟
نضال.. انشاءالله تمشي معايا من توا مستحيل نديرلك حاجه الا برضاك ورغبتك معمري غصبتك علي حاجه وتخذي احلا زرده يا حبيبي انت😍
نيهال والله عارفه الكلام هذا كله..
بعد ايام...🥀
نيهال طلعت لي خوها كمال ومرات خوها جايتها صاحبتها وعندها بنات فقالت تعالي انتي ودانيه غيرن جوكن
عدن والمشيه انقلبت كارثه✋🏻💔
وصلن دانيه ونيهال وسلمن علي البنات الاثنين وقعدن يهدرزن وجووهن ركب مع بعضهن من نفس العمر يعني شبات ويفهمن علي بعض🥺💕💕
جميله.. تعاركت مع بنت صاحبتها وعد
وعد.. حولي حولي عليا
وجميله تكر في البنت ودف فيها
نيهال مصدومه في مكانها😳
البنات اااايي حولي يا سحاره😩💔
البنات انفجعن😱😱💔
دانيه ونيهال وقعدن ايبعدن فيها عليها..
السهر امتع الهدرزه خربتها جميله غارت علي كمال من البنات لانهم حلوات وصغار يجذبن مش كيفها
والبنت تمت تقول في حقائق طلعنها مجنونه👋🏻💔
زمن غريب.. والي كان معروف من غير ماتحكي وعد.✋🏻
موده قريب نروحوا نعطيك صاحبي تكلمي لي🥺
نيهال.. عادي حبيبتي 🥺💞
نيهال تتصل وو😲😲
ونضال يخش عليها في مكالمة ثانية..👋🏻💔
ومن هنا تعاركوا من جديد ونيهال فتاته وخلت الموضوع.
بعد ايام الغياب طال"💔
نيهال.. رسلت رسالة :- رسالة إلى غائب اردتك ان تعلم ان الأحتواء ليس ان تطيل البقاء بل ان تجيد الحضور فالأهتمام سيد البقاء ..!
والغياب سيد الرحيل. ✋🏻💔
اشعر بك في كل لحظة تمر بي.. اشعر بك وكأنك بالقرب مني اقرب من روحي وجسدي💘🔥
الي صار كله معادش يعنلي اسفه سمحني انا انحبك سوى كنت نضال او اشرف الشخصيه المزيفه العز واحد في النهايه.
نيهال كل ماتحكي معه كانت تلوم في وتعاتب في علي هذيكا القصه وعلي الي صار معاها💔😔
بعدها بي ايام رجعوا لي بعض والمدرسة نفس الوقت بدت نيهال استغلت الفرصه وشرتله هديه وكتبتله رسالة طويله عريضه كتبته كل إلي في خاطرها..
وكلمته وكان جو ليل وريح قويه بعض الشيء
نيهال.. نضال راه حطتلك هاديتك قدام الباب خوذها بسرعه قبل مايشوفها حد.🥺💓
نضال... تمام يا حبي..مشا بسيارته وخذها كان متشوق وشاف الهاديه عجباته بكل 🤤😍
العطر ايسد بروحه مالي البوكس متع الهاديه ✨💝
نيهال تمددت علي سريرها ومجاهش نوم تفكر قريب من اساعة اثنين في الليل رنت عليه حست صوته غريب
بعدها سكر عليها فجأه.
نيهال.. دزتله رساله شكلك سكران ولا الحب عندك ملش احدود غريب قبل ديما ترقد بدري الباين انك تغيرت في يوم وليله؟
بعدها خذها نوم عميق ورقدت🥀
_________________________________
الكاتبة نوره توفيق✍🏻🕯
رواية احببته ولم يكن هوا💔
في الليله الي بعدها نضال اصر انه يشوف نيهال 💘
نيهال باهي شوي بس نشوف الوضع😣
مشت نيهال خذت لفه وتأكدت انه اهلها كل واحد في مكان
مشت لعرفة الضيوف وسكرتها بالمفتاح 😬
وفتحت الروشن ليه نيهال محطت شي علي وجها خلت نفسها بالجمال الطبيعي..✨💝
نضال' خير ياحبي 😍
واخيرا هذه ليلتنا الاوله🤤😍💘
نيهال لااا 👋🏻💔
نضال كيف صار تريتها حلم والله حسبتها هكي نفس ما تفقنا
نيهال مصارش اهلي 🥺💔
نضال خلاص تمام زعل وصوته تغير👋🏻💔
نضال قرب واجد منها واعطها بوسه💋🔥
اوكي بينا تلفون🤙🏼
سكرت الروشن وعدت لي دارها...
دانيه كنه وجهك احمر ومش علي بعضك"!😧
نيهال تجري وسكرت علي روحه🥀
بعد اربع ايام.. نضال انا نبيك والله ومشتاق لي حضنك
نيهال 😲😲
شن صارله هذا انت جنيت ولا كيف ..
مجنون بيك 🔥💘
تقدري توا اتجي نرجا فيكي هيا كان تحبني تعالي عشان انتي كل ما انجيكي اتقوليلي هلي هلي وتعدي بسرعه ونقعد انا نرجا فيكي فالسقع 🥀
نيهال سمحني بس هذا هوا وضعي خاص💔
تمام تو نجي وسكرت نيهال خذت نفس عميق وحملت روحه مع بعضها وطلعت وهيا ماشيه شوره ووفجأه😲😲
وفجاه تشوف خوها جااء ترد تجري وسكرت الباب
نيهال حي انشاءالله غير مشافني صقر😱
خشت بسرعه جو وسكرت علي روحه الدار
ونضال يرن.. نيهال دزتله رسالة انحرجت في كل مرة خارب الموعد ✋🏻💔
نيهال" دزتله رسالة زعلت مني عشان مجيتكش والله قبل نبي نجيك لكن خوي حقني.
وكلمني بعد ماتفضى نبيك في موضوع نرجا منك في مكالمه انحبك واجد❤
نضال مر اليوم كله معش اتصل بكل🤦🏻♀️
نيهال قبل مترقد دزتله رسالتين اخرى..✉️
💬:- والله العظيم انحبك لكن يا نضال كان معش تبني حبه نسمعه من فمك تمام او انا وعد مني معاد نضايقك !
💬:- قتلك نضال اقسم بالله انحبك موت او كان معش تبني قولها لي لاني مرتبطه بيك ومنقدرش انخونك بس كانت تبني تعال شوفني بكرا اساعة 10 اوقولي نبيك او بليز وراس امك انحبك واجد ليلتك سعيده.❤
مرت الليله طويله عليها وهيا تفكر سهرت لعند اساعة 3ص🥀
جاااء الصباح.. 🌤
نيهال تتقلب في فراشها والشمس برا ساطعه شافت لساعة 😲😲💔
حي الموعد هلب 🤦🏻♀️💔
تما كل موعد خارب فتره مصالحين فتره منقطعين
ونيهال مش عارفه روحه هيا في شن عايشه ✋🏻💔🍂
حب اما كذبه اما هيا تملا في فراغ الوقت وتمشي في الايام🥀🥀🥀💔
_________________________________
الكاتبة نوره توفيق✍🏻🕯
رواية احببته ولم يكن هوا💔
ريم كلمي اختك كنها ما وعت بنظم الطاوله انا امتع الفطور هذا كله نوم.
دانيه خشت عليها لقتها واعيه مشت غسلت وجها وفتحت تلفونها لقت منه مكالمه.
ردت علي برسالة..💬
اسفه امس سهرانه وانت اكيدة ماجيت علي الموعد
نضال استلم ويقرا في الرسالة طول اتصل بيها..
نضال الوو انا جيت وطولت وانا نرجا فيك..
بعدين شن الموضوع متع اول امس؟
نيهال.. بنبرة حاد مختلطه بشويه حزن انا معش نبي نشوف عندك ناصف بكل يا انا يا هوا ..
نضال.. كيف قلتي وانفجع من نيهال😳😲
مانبيش نطه انا في الاخير راجل
نيهال.. زادت تعصبت منعرفش انا لا راجل لاعيل هذا اخر كلام عندي وسكرت ودارت روحه زعلانه
وغربت الشمس بسرعه نيهال لبست جكيت وطلعت صدفه وهيا تشوف سيارة ناصف😲💔
شوي اتصلت بي وقالتلها إلي بينا انتهى مش قتلك معش نشوفه عندك ✋🏻💔
ومن هنا ح تبدا صدمه جديده واتصال من شخص مش متوقع بكل ..✋🏻💔
انقطعت نيهال عن نضال شهور...🥀
نضال حست بالملل وتما الموضوع قاعد كيف الغصه ومعش انتهى وكل يوم يطلب مواعيد وتما قيد اسر ونفس اللحظه مقدرتش تنسى الي صار معاها ولا قدرت تسامح✋🏻💔
فجاء الموضوع هذا سبله منها وبعد تفكير طويل
نيهال.. قعدت علي عقلها وتما يمروا عليها مل اللقطات الي صاروا معاها والأحداث تذكر في كلامه
وتذكر في شوفه من شوفاته انه قاللها انا معش بنجيك وانتي فتحتي عليا ابواب انا في غنى عنهن وكلمات ومواقف وحاجات واجد وقال كل شخص يرقد علي جنب إلي يريحه
نيهال استنتجت انه كله إلي صار مجرد تفاهات مضيعه لوقت وانهه إلي صار كان شيء مش مدورس وانه سن مراهقه حطتها في مواقف قذرة وتمت تعزق فيها كل مرة علي واحد نضال كل مرة مشكله وكل مرة موضوع💔
بعد مرور شهور علي انفصالهم
نيهال قاعدة تاكل في مقابلات مع دانيه وامها
فجأه يرن التلفون ووو😲✋🏻💔
صدمة جابت معها صدمات لي نيهال
الكـــــــــاتبة نورة توفيق✍🏻🕯
روايــــــــــة احببتـــــه ولـــم يكـــن هـــــوا💔
انتهت الحلقة قرأه ممتعة وجميلة
أنت تقرأ
رواية ليبية احببته ولم يكن هوا
Romanceتحكي الرواية عن فتاة احبت شخص لكنه لم يكن هوا واكتشفت بعد هذا ذلك وانصدمت عاطفيا💔
