احببت الطفلة 😍

البارت الثالث

في مكان آخر
رقية : رجعت للبيت وحجيت الاهلي كلشي وكالوا بعد لاترحين مكان بدون ماكللهم كلتلهم صار ورحت اتغديت ورحت للغرفه  حسيت صدري كلش ياذيني وبدت الكحه اختنكت رحت بسرعه على البخاخ ادوره شافتني ماما
ام رقية: اشبيج روكا( روكا دلع اسم رقية)
رقية : احم احم ( يعني اتكح )
ام رقيه: رحت على جنطتها طلعت البخاخ وانطيتها
رقيه: حاولت أخذ البخاخ بس ايدي كلش خدرت بعد ما حسيت على شي كعدت لكيت نفسي بالمستشفى سالت بابا شنو صار وكلي وكتله ماما وين كلي بالبيت ضليت صافنه شوي وكلي بابا راح يرجع يجيب ملابس الي وكتله يجيب نقالي وسماعاتي وهوه ضحك وكلي صار وطلع أنا ضليت ماله وره نص ساعه اجه انطاني النقال شفته وجه اصفر وبس يخابر كتله شنو صاير كال
ابو رقية : حبيبتي لاتخافين ماكو شي
رقية : لا بابا حبيبي صاير شي شنو هوه
ابو رقيه: الصار هوه امج مرتفع سكر عدها
رقية : ليش  بسببي😢😢
ابو رقية: من اختنكتي كلش خافت عليج
رقية: ضليت ابجي 😭😭 وبابا حاول يهديني بس مااكدر وراها اختنكت كلش بابا راح كال للمرضات وصدك أجن وخابرن الدكتور بس انا كلش اتاذيت انزل هذن بدل مايطني اوكسجين ضلن محتارات الغبيات الضاهر مبتدءأت وره شوي ماحسيت على نفسي من فتحت عيوني لكيت الدكتور فوكي كتله
عمر : كعدت الصبح ساعه بال٧ صبحت على الكل ورحت على العياده خلصت شغلي هناك بالوحده الظهر اشتريتلي لفه وببسي اكلت بالسياره ورحت المستشفى لان عندي عمليه سويت العمليه وطلعت جاي أبدل اجالي الممرض كال اكو حاله طارئه كتله شنو هيه
الممرض: استاذ اكو بنيه بعمر ١٥ عدها ربو مختنكه
عمر : اي اي وينها هسه
الممرض : بالطابق الثاني بغرفه رقم٥٥
عمر: اي رايح
رحت الغرفه دخلت لكيتها مغمي عليها سالت الممرضه كالت من اجت هيه هجي كتبها اتروح تسال أهلها وصدك راحت سالت واجت كلتلي هيه بس اختنكت رأستا اغنيه عليها انطيتها دوه  وصارت تتنفس زين رحت الاهلها كلت
عمر : صايره نوبه قويه ممكن اعرف شنو السبب
ابو رقية: ولله هاي أكثر من مره تختنك بس مايغمه عليها وبدون سبب يعني هجي حالتها من زمان
عمر : وديتوها لأخصائي
ابو رقية : فوك ٥ مرات وديتها بس ماجاي يفيد بشي
عمر : تمام أنا هسه انطيتها دوه .....( اسم الدوه) وهسه تتنفس بشكل طبيعي بس لازم اليوم تبقى لحد مانتأكد من وضعها
ابو رقيه: خوش نكدر نبقى يمها بالغرفه
عمر : اكيد اتفضلوا
دخلوا أهلها يمها وانا رجعت للبيت صليت ونمت وكعدت بال٧ كاعد ويه الأهل وجان يجيلي الاتصال من المستشفى الووو
الممرضه : دكتور المريضه اختنكت مره الثانيه
عمر : ليش شنو صار
الممرضه : ولله ماادري بس اعتقد أهلها كايليلها شي حتى اختنكت
عمر : جاي بالطريق
يمه أنا رايح للمستشفى
ام اركان: شنو صاير 😯
عمر : مريضتي متخربطه
ام اركان: الله يشفيها الله وياك ابني
عمر : رحت ركض ( طبعا أنا جنت لابس بنطرون اسود وقميص جوزي لأن على أساس اطلع ويه الولد) دكيت على الولد كتبهم مااجي ورحت بسرعه للمستشفى لكيتها مغمي عليها رحت انطيتها نفس الدوه وكلت للمرضه تطلع أنا يمها ضليت اباوع على الآلات لكيت قلبها كلش سريع يدك بسبب الوه كلت لازم اغيره مو زين عليها وجان اكعد وتكول
رقيه : بابا وين
عمر : برا هسه يدخل شلون حاسه نفسج
رقية: صدري كلش ياذيني وكلبي بس يدك سريع
عمر : اي كلبج يدك سريع لأن الدوه انطيتجياه يسوي خفقان
رقية : دوه.....( اسم الدوه)
عمر : اي وانتي شدراج
رقية : وانا استخدمه جنت
عمر: تدرين مو زين عليج وعلى كلبج لولا
رقية : اي ادري
عمر : لعد ليش تستخدميه
رقية : ( ردت احجي دخل بابا)
ابو رقية: الحمدلله على السلامه حبيبتي شلون صرتي
رقية : احسن لاتخاف علي
ابو رقية: انتي فد يوم راح اتكتليني بسبب هبطاتج
رقية: اسم الله عليك اسفه ولله مو قصدي  😭
ابو رقية: اشبيج لاتبجين اشاقه وياج
عمر:  مايصير تبجين لاتختنكين
( من شفتها تحجي ويه ابوها شلون اتحبه وتخاف عليه وهوه طبعا حجاها صدك بس شافه بجت كال شقه بس ولله قهرتني شلون بجت ) استأذنت منهم وطلعت كلت الممرضه نور اجيبلي دوه ثاني الها هيه ماانتبتهت للاسم راحت جابته واجت انطتنياه أنا حضرته ورحتلهم كتلهم لازم تاخذ هذا الدوه علمود الالم بصدرها انطيتهياه ( وانا جنت تعبان ومامنتبه للدوه وهوه مو نفسه الكتبته) النطيتهيا وطلعت رحت طمنت الوالده ورحت اشوف مريضي السويتله عمليه هوه نفس الطابق طلعت من عنده جان اشوف ابو رقية منهار وكاعد على الكرسي والممرضات يطلعن ويطبن واجتلي وحده من الممرضات وكالت
الممرضه زينب : استاذ انت شنو مسوي
عمر : شكو شنو مسوي أنا
الممرضه زينب: انت منطيها دوه مال قلب مو مال حساسيه
عمر : شلون😱. مستحيل أنا طيتها مال حساسيه
الممرضه : انت غلطان وهسه وضعها مو تمام
عمر : استغربت من الكالته أنا متأكد كاتب مال حساسيه بس من جابته الممرضه نور مانتبهت للاسم خرب كتلها زين ابوها يدري
الممرضه زينب : اي كلناله
عمر : رحت ركض الغرفه جان يكول ابوها
ابو رقية: ولك شلون اسوي هجي ها( بصياح) ولله إذا صار بنتي شي اله اندمك على عيشتك
عمر : كلش عصبت بس كضيت نفسي وكلت استاذ اهدا وغلطه وصارت هسه اصلحها
ابو رقية: لا ولله ماتدخل انت بعد جيبوا غير دكتور( بصياح)
عمر : اهدا هسه لازم ادخل وضعها مو تمام
ابو رقية: اطريت ادخله ادخل
عمر : دخلت جوه لكيتها وضعها كلش حرج دخلتها لغرفه عنايه المركزه وضليت افحص بيها وانطيتها ادويه وانا قلقان لايصير بيها شي بسببي كلش خفت طلعت من الغرفه وكتله الابوها  على وضعها وشفت يمه زلم ٦ واحد اجبير بالعمر وواحد شاب أما البقيه يجي أعمارهم من ٢٣ فما فوق وطبعا كلهم معصبين مني والفهمته منهم واحد بيهم عمها والبقيه وخوالها والاصغر من ٢٠ هوه اخوها سكتت ماكدرت احجي شي وره مرور ساعه طلعتها من عنايه لأن وضعها تمام  بس أهلها كالوا يردون يسون كعده كلتهم خوش والكعده بعد يومين رجعت للبيت بال١٠ كلها سالتني شنو صاير لأن جاي وجهي كلش تعبان ومعصب ماكلت شي صعدت الغرفه نمت وكعدت الصبح وكتله الركان شنو صار وهوه كال
اركان: عمر حجالي شنو صاير كلش عصبيت منه كتله انت متأكد من الدوله
عمر : اي متأكد
اركان: زين اليوم روح للمستشفى وجيب الورقه الكتبت بيها الدوه
عمر: أنا شلون راحت من بالي خوش اليوم اجيبها
اركان: لاتخاف ماراح يصير شي وانا يمك
عمر : هههه الله يخليك النه
اركان: يله كوم انروح للشغل
عمر : اي
رحت للمستشفى رحت حجيت ويه الممرضه وسألتها وكالت أنا مانتبهت على الاسم الدوه ومن ناحيه الورقه الورقه بالعلاكه وانا اذكرت العلاكه ذبيتها اوف خابرت اركان وكتله وهوه ماقصر ضل يغلط علي وسده بوجهي وانا رحت برقيه اعتذرت من ابوها بس مافاد وانا رجعت للبيت من وكت يعني ١٢ اتغديت وأشوف اركان عيونه حمر رحت على أساس ارتاح جان اسمع صياح جوه .....
رقية: 👆 عرفتوا شنو صار أنا من كعدت لكيت الطبيب فوكي واعتذر مني وعرفت جنت بغرفه العنايه طلعني من الغرفه ودخلوا خوالي وأبوي وعمي وأخوي والكل يتحمدلي بالسلامه وبابا معصب ومتحلف بالدكتور  أنا ضحكت بداخلي كلت راح بيها الدكتور الصاك ضليت اكلب بالتليفون لحد ما نمت وكعدت الصبح اتريكت وبدلت ملابسي  وخابرت حوراء وحجيتلها شنو صار وهيه اخطيه كلش خافت وكالت راح تجي وصدك بعد ساعتين اجت وسملت علي ضلينه انسولف وأبوي وأبوها اتعارفوا ضلينه  انسولف نص ساعه وراحوا وانا ضليت اكلب بالتليفون  وره ساعه اجه الطبيب بس امبين مقهور من الصار واعتذر من ابوي بس مافاد اعتذاره بابا أصر على الكعده كال باليل اتكدرون اطلعوها وراح أنا ضليت اباوع بالنقال واجت الممرضه انطتني دوه ومحسيت على نفسي نايمه كعدت بال٦ بابا طلعني ورحنه للبيت ماما تلكتني اتشبك بيه وكال بابا بعد الكعده نأخذها الطبيب اخصائي ماما كالت اوك ورحت درست لأن بأجر عندي امتحان كلمن راح الغرفته ماما كلتلي نامي بس انا شبعانه نوم ضليت ادرس لحد ما نمت بال٣

حوراء : خابرتني رقية وكالت شنو صاير كلش خفت عليها كتلها راح اجي اول شي اعترضت بس انا ماقبلت كلت الماما كالت بدلي وصدك بدلت ورحت ويه بابا وصلنه خابرتها وكالت بغرفه رقم ٥٥ وصدك صعدنالها لكيته وجها تعبان اتحمدتلها بالسلامه وضلينها انسولف وأبوي اتعرف على أبوها ضلينه نص ساعه ورجعنه للبيت رجعت ادرس لأن بأجر امتحاني  وصارت بال ١ ماتغدينه جنه ننتظر سجاد  وسجاد ماكو اليوم استغربت وجان يجي اتصال .....
اركان: طلعت رحت للمدرسه حوراء ماشفتها استغربت كلت يمكن ماعدها امتحان رحت للمركز جنت احقق ويه متهم واجالي اتصال من عمر رحت رديت وكلي مالكيت الورقه ضليت اغلط عليه وايسبه لأن كلش عصبني واساسا أنا جنت معصب هوه زودها علي رجعت احمل التحقيق خلصت رحت للمكتب طلبت جاي من محمد ( مايحتاج اكول هذا منو اتعرفوا)  وره ساعتين طلعت يعني بال١٢ رجعت للبيت ودخلت شفت عمر كلش عصبت لأن كلت هسه ذوله ماراح يتركون شي ومايسونه لأن ابنه الغلطان ورحت اتغديت وخلصت واجيت اصعد جان يجيلي اتصال .....
س: شنو تتوقعون صار ويه سجاد؟
س: وشنو راح يصير بالكعده ؟
س: ومنو الاتصال على اركان؟
س: وشنو سبب الصياح  السمعه عمر؟

( ابدعوني باجوبتكم)