احببت الطفلة 😍

البارت الثاني العشر

اركان: اجالي اتصال من رقم غريب رديت
عمر: الوو اركان
اركان: عمر😡
عمر: اركان رقيه (مامكمل حجيه وقاطعه اركان)
اركان: ابن...  (طوط)  خره بيك ولك وينك ابن....(طوط)  لك كو....(طوط)  وينك كول وين اخذتها احجي لااجي اكسر راسك اساسا انا بالحالتين مكسره لك ليش ماجواب ابن...(طوط)  لك وينك🤬🤬🤬🤬
عمر: اركان مو وكتك بعدين عود رزل اسمعني رقيه بالمستشفى  لان اختنكت هسه اريد منك شغله  وحده وهاهيه ولله ارجعها بس اريد الهويه
اركان: 😡😤 راح اجيبها بيا مستشفى  انتم
عمر: مستشفى....
اركان: سديته وشفت حوراء مصدومه ومعصبه وكالت
حوراء: رقيه وين
اركان: بالمستشفى  لان مختنكه
حوراء: ليش اختنكت شنو سوالها
اركان: ماادري حبيبتي خل انروح لبيت  رقيه علمود الهويه بس مالازم يدرون
حوراء: شلون راح ادخل واخذها
اركان: انتي تعرفين وين اتحط هويتها
حوراء: اي على اكثر من مره رحتلهم ودخلت غرفتها وشفت وين اتحطها
اركان: اوك لعد هسه انروح لبيتهم على اساس اتكولين انو عمر دك علينه وكال هيه بخير وبدون مايشوفوج ترحين للغرفه واجيبينها
حوراء: اوك صعدت بدلت ونزلت يله رحنه للبيت رقيه ولكيت امها خطيه كلش تعبانه 💔 وابوها مهدود حيله وماشفت اخوها رحت صعدت لغرفتها اخذت الهويه ونزلت طلعت لاركان كال هوه يوديها للمستشفى  وكتله انا اروح ماقبل اترجيته بالكوه قبل ورحنه للمستشفى شفت عمر كاعد على الكرسي ينتضر رحت يمه وكلت بعصبيه
حوراء: ليش هجي سويت ها ليش هيه اسوتلك بس فهمني
عمر: هيه رفضتني وتريد تزوج واحد غيري
حوراء:(انصدمت شنو زواج منو كله راح تتزوج اذا هيه رفضت ابن عمها لعد عن منو يحجي) كلت شنو تزوج وهيه اساسا اتخاف اذا هيه اتحبك وماازوجتك لان تخاف منك لعد تزوج غيرك ( انتبهت انا مجفصه سكتت)
عمر: شنو شنو كلتي اتحبني
حوراء: لارد
اركان: حوراء شفتها منطلقه بالرزايل سكتت بس جان بدي اضربه بوكسي اعمي عيونه بس سكتت لان بالمستشفى ولااعرف شغلي وياه وره شوي اجت الممرضه طمنته على وضعها وكالت اليوم تكدرون اتخرجوها عمر راح سوه المعاملات ورجع احنه لحد هسه ماطبينه بس حوراء وره شوي دكيت الباب عليهم وكلت جهزيها وكالت حوريتي اي وطلعت وره خمس دقايق  طلعن بس شنو رقيه منتجيه على حوراء ولاتباوع بعيونه تستحي من عندي وخايفه من هذا الكلب 🐕 رجعنه للبيت راحت حوراء نيمتها بغرفه البنات وانا اخذت عمر ورحت للديوان بس دخلنه طكيته بوكسي خليته يدمي وطاح بالارض هوه وكال
رقية: كعدت لكيت نفسي بالمستشفى  ويمي حورو اتحمدتلي بالسلامه والدمعه بطرف عينها امبين كلش خافت علي هدئتها وكعدت تسألني خو مو عمر سوه شي شنو صار احجيلي ومن هذا الحجي وانا اكها مو هسه بعدين نحجي دخل اركان اتحمدلي بالسلامه وكال جهزيها جهزتني وطلعنه شفت عمر كلش خايفه منه وضليت منتجيه على حوراء راد يساعدها لا انا ولا حوراء قبلنه وانا خوب كلش خجلانه ومستحيه من اركان ماادري ليش اليكول انا شارده ويه عمر ماكأنو  عمر خاطفني المهم رحنه لبيتهم ودتني الغرفه البنات رتاحيت جنت تعبانه  لدرجه بعد ماحسيت على نفسي من نمت وكعدت على لمسات ايد فتحت عيوني وشفت عمر وهوه كبل راد يكوم وانا كضيت ايده وكتله .....
عمر:(عرفتوا فوك مابيه حيل اكتب😂)  بس دخلت للديوان انا واركان ضربني بوكسي حلكي ضل يصب دم وطحت بالارض واستلمني رزايل وضربني مره ثانيه بحيث صار خدي احمر وخرت عنه انا مادافعت عن نفسي لان انطيهم الحق بس انا ماندمان واخر شي ماتحملت  وضليت اصيح منه كلمه ومني كلمه علكت بينه واخر شي طعلت فاير من البيت ورحت للشط ردت اصرخ بس العالم اكوا استحيت 😂 وره ساعتين رجعت للبيت لكيت اركان كاعد ويمه حوراء والبنات وامي جاي اصعد صاح علي اركان كال اهلها باجر راح يجون ويسون كعده عشاير مارديت بس ضليت اسمع سبه علي ردت اروح للغرفتي بس كلبي شدني لغرفه البنات رحت يمها شفتها نايمه وشعرها مفتوح وطالعه مثل الملاك صرت اخذ حسرات وحده اكبر من الاخره وتلمست وجها بأيدي بهذيج الحضه جان بدي اضمها بين ضلوعي واخذها العالمنه الخاص بس مااكدر لان هيه ماتريدني بس معقوله مثل ماكالت حوراء اتحبني بس اتخاف عقلي مشوش حسيتها كعدت ردت اكوم كضت ايدي وكالت
رقية: ليش سويت هجي بيه
عمر: وانتي ليش سويتي هجي بيه
رقيه: شنو سويتلك غير (سكتت)
عمر: شنو سويتلي  ليش رفضتيني
رقيه: اخاف
عمر: من شنو راح اكلج قابل ماشي اتخافين لعد ابن عمج ماتخافين من عنده
رقيه: انت جاي تحجي ياابن عم
عمر: سويتي روحج ماتدرين يعني عبالج ماادري بيه خطبج وانتي موافقه
رقيه: شلون انا وافقت يمتى هوه صح اجه خطبني بس انا انتحرت علمود لا ازوجه
عمر: انتحرتي 😨
رقيه: اي لو ينعاد الزمن ارجع انتحر لان انا ا(سكتت)
عمر: انتي اتحبيني
رقية: لارد
عمر: بداعتي عليج كولي اتحبيني او لا اذا اتحبيني مستعد ادوس على كرامتي وارجع اخطبج بس اذا لاء فرجعج لاهلج واحاول انساج وهذا وعد مني والرجال مايتراجع عن وعوده
رقيه: من الخوف نزلت ادموعي
عمر: هسه بس اريد افتهم ليش تبجين ولله مااكل بشر انا هوه سؤال يا اي لو لاء ترديني او ماترديني
رقيه: اجيت احجي اجت حوراء (الكاتبه / اجت العكره 😂😂)
حوراء: انت جاي اسوي هنا
عمر: اجيت احجي وياها
(الكاتبه/ حوراء عاجبها تتعارك 😂)
حوراء: ماكفاك السويته بيها
رقيه: حبيبتي ماصار شي عادي
حوراء: امممم
(الكاتبه/طبعا ماصار شي مو حبيب الكلب هذا 😂♥)
عمر: يله انا طالع محتاجه شي
رقيه: لا شكرا (بأبتسامه صغيره)
(الكاتبه/هسه اليشوفهم يكول جان خاطفها 😂؟)
عمر: طلعت انا من الغرفه ومااخذت جوابي المصيبه يعني جان ضروري تدخلين يامرت اخوي يعني ماتعرفين اطبين بعد خمس دقايق
حوراء: يله احجي
رقيه: شنو تردين
حوراء: شلون انخطفتي وكلشي لحد هاي الحضه حتى قبل اشوي شنو حجيتوا اتكولين
(الكاتبه / فضوليه مو بيدج😂)
رقيه: طلعت من............(حجيتلها كلشي)
جان جوابها على سؤاله كوليله اتحبي ولاتخافين منه هو انسان زين لو موزين ماجان خطفج ومن هذا الحجي لحد ماغفيت وهيه تحجي ساعه تغلط علي شلون سوه هجي وساعه اتكول هو يحبج المهم نمت وكعدت على صوت صياح بس هذا الصوت اميزه بين كل الاصوات صوت حوراء وهيه اتصيح   نزلت ولكيت حوراء وام اركان والبنات يبجن اسألهم يكولون واحد من الشباب انكتل......
عمر: رحت لغرفتي ضليت افكر شنو راح يكون جوابها نمت وكعدت الصبح على صوت اركان يكول اكو كعده كعدت وبدلت ونزلت جوه تريكت وسمعنه صوت الهورن طلع اركان وصاح علي كال اجوا عشيره رقيه كمت غسلت وطلعت لكيت اركان مكعدهم بالديوان دخلت اشوف الخزرات من كل مكان وابو رقيه خوب مااحجي عن نضراته المهم ضلوا يتفقون عشيرتنه ويه عشيرتهم وماجاي يصير اتفاق بس يتعاركون الطرفين(قصده مناكره بالكلام مو عركه بالضرب)  اخر شي كال اركان خل عمر يزوج رقيه وكدام الكل وهجي انسد حلوك الناس انا 😮 رد ابو رقيه وكال موافقين بس اكو واحد بينهم من الشباب وجهه السلاح علينه عرفته ابن عم رقيه يحبها و.......

حوراء: كعدت الصبح قبل اركان كمت بدلت وكعدته هوه باسني من خدي وكام اخذ شاور وطلع راح كعد عمر وانا رحت سويت ريوك انا وشمس ونرجس سوينه ونزلوا صحت الماما كعدنه اكلنه وخلصنه اجوا عشيره رقيه سوينه الضيافه واخذهن اركان وانا والبنات كعدنه نضف وره ساعه سمعنه صوت طلقه ونسمع صوت الزلم يلعل (يعني صوتهم عالي)  وام اركان اتقربت من الشباك وسمعنه راح الولد كتلتوا ومن هذا الكلام ضليت اول شي صافنه بعدين كلنه ضلينه انصرخ   ونبجي على صوتنه نزلت رقيه وسألت كتلها واحد من الشباب انكتل وهيه ضلت مصدومه واحنه ضلينه خايفين جان يدخل ابن عم اركان وكال......