احببت الطفلة 😍

البارت السابع

حوراء: كعدت بال٨ لاول مره اكعد نشيطه كمت  سبحت بدلت ملابسي وحطيت شوي مكياج يعني بودره وحمره حمره خفيفه و مسكره بس طبعا اركان طالع للشغل رحت لغرفه شمس
حوراء : شموسه كعدي
شمس : همممم
حوراء: شمس دكعدي يمعوده
شمس : شتردين عوفيني
حوراء : ادكعدين لو شلون
شمس : ولي روحي اريد انام
حوراء : اوك نامي 😈😈 رحت جبت كلاص ماي بارد ورشيته عليها
شمس : اخ خرب يومج ياحقيره ياجلبه
حوراء: هههههههه كل الذكرتي انتي هههه
شمس : انتي جلبه ليش هيج سويتي
حوراء: انتي ردتيها كعدتج ماتكعدين
شمس : أنه الج بس خل أبدل ملابسي
حوراء : اشرد خويه عامر ههههه نزلت جوه لكيت ماما كاعده صباح الخير
ام اركان: صباح النور حبيبتي هاي اشبيها الخبله أصيح
حوراء : ماادري شبيها 😈😂
ام اركان : الله يعلم شمسويه بيها
حوراء : ههههه
شمس : تعاي ولج
حوراء: يمه هههه اركض
شمس : تعاي ضليت اركض وراها
حوراء : ضليت اركض وهيه وراي تركض  صعدت وانا اخر بايه  عثرت وطحت على شخص الكدامي وانا وياه طحنه بس شنو أنا فوكه وطلع عمر الطايحه عليه وجان يدخل اركان وشوفنه ..
اركان:  كعدت الصبح بال٦  لكيت حوريتي نايمه بستها من راسها ورحت للحمام اخذت شاور ولبست الزي وطلعت   لكيت  نبع الحنان كاعده سوتلي ريوك  على السريع اتريكت وطلعت للدوام اليوم ماجان عندي شغل هواي  هوه ملف كملته ورجعت وصيت محمد يهتم مكاني فرجعت للبيت من وكت يعني بال٨ ونص رجعت وجان اشوف حوراء فوك عمر وفوك الدرج وانا دين مابقه براسي 😡😡😡
اركان:  هاي شنو ها ( بصياح)
حوراء : بسرعه وخرت عنه وكلت خل افهمك اركان ومااحس الا وحراره بخدي خلتني اطيح على الأرض
اركان : ضربتها راجدي ورحت لزمت عمر من ياخته
عمر : خويه اركان انت فاهم الموضوع خلط خل افهمك
اركان: انجب ولاتحجي شي شنو هاي اتخوني يااخوي ويا منو فصليتي وتدري بيه احبها ها ياجلب (طكيته بوكسي )
عمر : لخاطر الله داهفهم الموضوع انت شبيك بس اسمع
حوراء: أنا بس ضربني ضليت ابجي وكمت ركض الغرفه قفلت الباب وواسمع صوت صياحهم جوه ضليت ابجي 😭😭 بهذيج الحضه كرهته خاف جنت احبه كرهني بيه
اركان: يله احجي خل اسمع عفت ياخته  يله غرد
عمر : الموضوع هوه.....( حجيته كله بصياح)
اركان : شلون😨 صدك تحجي انت
عمر :  تتوقع مني اخونك يااخوي اخونك ويه حبيبتك عوف مني زين تتوقع من طفله هجي اسوي زين اذا انريد انخونك انخونك كدام امي واختي لهاي الدرجه أنا عديم شرف وعار
اركان: اسف خويه ولله مو قصدي من شفت هجي مرتي وأخوي دين مابقه براسي 
عمر :  خوش اتشك بأخوك طلعت وسديت الباب حيل
اركان : اوف اوف ( بصياح)
ام اركان : يمه أنا هجي ربيتك اتشك بأخوك ولله ياحسافه ( عفته ورحت لغرفتي)
شمس : خويه روح صالح امك بالاول وبعدين مرتك
اركان : اي رايح
رحت لامي بالكوه رضت وسامحتني بست أيدها وطلعت رحت لحوريتي دكيت الباب اجيت افتحه لكيته مقفول واسمع صوت شهكاتها من وره الباب تزرف كلبي ضليت ادك بالباب وانادي
حوراء اسف
حوريه اسف
حوريتي ولله اسف مو قصدي
حورو اسف كتلج ولله بعد مااعيدها اسف زين ردي علي
حورو
حوريتي  لاتبجين لخاطر الله وموزرفتي كلبي ردي علي خل اطمن عنج حورو
شمس : خويه امبينه هسه زعلانه عوفها خل تهدأ ومن تهدأ تحجي وياها
اركان: اوف بس جاي تبجي وبجيتها ماتهون علي
حوراء : اجه اركان وضلويحجي 👆👆 ومن كال لشمس بجيتها ماتهون علي فتحت الباب وكتله يهون عليك تضربني
اركان: اسف ولله اسف ( اجيت امسح دموعها دفعت ايدي قبل لااخلها على وجها)
حوراء : من تتعتذر شنو راح يصير راح اسامحك
اركان: لااسوين هجي لخاطر الله
حوراء : شنو تريدني اسوي اركض مثلا لو افرح لأن ضربتني
اركان: حورو لااسوين هجي لخاطري
حوراء: ومنو كال عندك خاطر يمي
اركان: يعني ماعندي
حوراء : لا تدري شنو
اركان: شنو
حوراء : جنت بديت احبك بس من سويت هجي وضربتني وهنتني وتهمتني بخيانتك ويه اخوك كرهتك تعرف شنو يعني كرهتك 
اركان: هذا الحجي مو من كلبج
حوراء: وليش مو من كلبي
اركان: لأن انتي اتحبيني ( بديت اتقدم عليها)
حوراء : لا مااحبك( هوه يتقدم وانا ارجع ليوره)
اركان: لا اتحبيني ( دخلت الغرفه وسديته برجلي وانا مستمر اتقدم عليها وهيه ترجع لحد ماطخيتها بالحائط)
حوراء : بعد عني شتريد
اركان: اريدج تعترفين
حوراء : إذا ترديني اجذب عليك عادي ترى
اركان: متاكده جذب
حوراء : لعد شنو عبالك راح احبك من تضربني شايفني حمار
اركان: اسف مو اعتذرت الف مره
حوراء: شيفيد الاسف
اركان: تمام كليلي شنو يفيد
حوراء : ماادري وخر عني ( جاي أواخر عنه جان يكضني من خصري ويلزكني بجسمه وانا كلبي أحسه يدك سريع وخجلت كلش )
اركان: بهمس يم أذنها أحبج
حوراء : حاولت افلته مااكدر هوه كلش ضخم نوب كلي أحبج أنا معتت اتقرب يريد يبوسني دفعته حيل وشردت للحمام
اركان: ماكدرت امنع نفسي اتقرب اريد ترتوي بيها ومااحس الا ودفعتهي حيل وانهزمت للحمام صحت عليها كلت اول تالي اطلعين
حوراء : ضليت محبوسه بالحمام نص ساعه جان اسمع صوت الباب عباله اصدك بيه طلع كعدت كرسي ( شمس حاطه كرسي بالحمام علمود اتلوح المرايه تنضفها) ضليت ماادري اشكيد بالحمام بحيث نمت وكعدت على   صوت الاذان  كمت غسلت واتوضيت بس شنو دوخه كاضتني طلعت من الحمام شفت اركان توه يدخل الغرفه خرب حضي عبالي جذب علي 
اركان: صار لها نص ساعه بالحمام كلت يمكن ماتريد اتشوفني طلعت للحديقه ضليت أدخن اجه عمر صالحته بالكوه واذن الضهر دخلت للبيت صعدت الغرفه جان اشوفها توها تطلع من الحمام معقوله بقت كل هاي الفتره بالحمام شفت وجها اصفر سألتها شبيج
حوراء : لارد
اركان: مو احجي وياج
حوراء : سمعت
اركان: لعد ليش ماتردين
حوراء : لارد
اركان: كضيتها من أيدها على كيف وكلت ماسامحتيني
حوراء : لارد
اركان: من احجي وياج اجاوبين فهمتي ( حجاها بنبره حاده)
حوراء : خفت من عنده  وكلت شنو أتريد اجاوبك ها انت ضربتني واتكلي ماسامحتيني على شنو اسامحك ها اسامحك على اهانتك الي لو الضربك لو لشكك  ها ( نزلت ادموعي وحجيتها وانا اشهك)
اركان: لا ياكلبي لاتبجين لخاطري اسف ولله اسف أنشأ الله تنكسر ايدي إذا أمدها عليج
حوراء : بعد عني اريد اصلي
اركان : صلي أنا هم اريد اصلي بس مااخليج اصلين لحد ماتكولين سامحتك
حوراء : حرام مااتخلي أحد يصلي
اركان: الله يحاسبني الي انتي مالج دخل يله انتضر
حوراء : بعدت كام كضني من ايدي وحصرني على جسمه
اركان: هسه حاولي بعدي عني إذا اتكدرين
حوراء: اركان بعد عني
اركان: اروح فدوه لليكول اركان
حوراء : يبوي تمام سامحتك بعد اريد اصلي وانام
اركان: بعدت عنها وكلت لا ماتنامين لازم تأكلين بالاول
حوراء : مااشتهي متريكه ( طبعا جذبت عليه وكالت متريكه)
اركان: اكيد
حوراء : اكيدين
رحت صليت وخلصت اجيت انام  بس بعد ماحسيت على شي الا وانا بالمستشفى
اركان: رحت اتوضيت وصليت اجيت اطلع من الغرفه اتغده جان اسمع صوت وراي شفت حوريتي طاحت بالأرض رحت ركض عليها كعدتها بس ماتكعد صحت على شمس اجتلي كتلها اطلع عبايه انحطها فوكها وصدك جابت عليه من امي وحطتها عليها وانا طرت بيها للمستشفى هيه فرق نص ساعه بينه وبين المستشفى سويتها ١٠ دقائق وصلت وانطيتها لدكتوره ماقبلت دكتور اغار المهم طلعت الطبيبه وكالت بيها فقر دم وماماكله الضاهر بس تذكرت كالتلي اكلت جذبت علي معناتها أنا الها كعدت
حوراء : اخخخ راسي
اركان: حبيبي الحمدلله على السلامه لاتخافين هسه انتي بالمستشفى
حوراء : الله يسلمك
اركان: حاسه بوجع
حوراء : اي راسي يأذيني كلش
اركان: هسه يطيب لاتخافين حبيبتي