لوكيميا الحب

توبة ..!

١٣/٣/٢٠٢٢ ✒
.
حطيت جفي اعله الجمر
و كلتلهم اهلي التوبة
حط ايدك ب ايد النهر
و لتتوب و اصبر و انتظر
اني..
مو اول و لا آخر بشر
معيوف من محبوبه
اني انتركت بعز درب
لوفاته لو جانن حُفر
ما اوكع ولا انذب
وحدتهن اتسحبه العفي
المرتاح و الما ينحب
خليك وحدك يل كفو
مرتاح ماحاجة لبشر
يهتملك و ما يتعب
خليك وحدك تنحمل
لو راجع و صاير طفل
ما احملك و ما اعتب
مديت ادية اعله الجرح
و اتلمستهه افطوره
حسيت حدهن منحني
و رايد يسد احفوره
من سمع بيك ترد الي
شك زيجه من الركبة
و الركبة جن منحورة
جرب تأذيلك بشر
و تشوف ضلهه الحوبة
لتخاف مني و انتبه
ما تعرف الحوبة درب
للخرب وياي الحجي
و ما عدّله لإسلوبه
.
#حيدر_الساكني