لوكيميا الحب

✒ ٢٠١٨/٥/٢٥
.
من أهم القصائد بحياتي لشخص مجان يستحقهه اساسا .. علاقة واهية اخذت مني سنين و انتهت ب اذية و دمار و جذب و انهيارات بلكلوب...!
.
.
هل تتذكرين عندما قلتي
سنسافر معاً سنعيش سويا سيكون لدينا طفلان و سيشبهان والدهما تماما لانكِ تموتين عشقا بوالدهما ..
هل تتذكرين عندما قلتي لن يتركك احد مجدداً لانني هنا و ان تركك احد مجدداً ف انا هنا دائما .. معك .. بجانبك .. احلم بك .. اتوق اليك .. و احب كل ما فيك ..
..
يا معشوقتي اللتي لا اعرف عنها شيئا .. المسألة ك التالي انتِ تفعلين كل ما لا تقولينه ولا تفعلين ماتقولين ..
.
يا ملاكي و دمعتي و طعنة بگفاي
شيبة بية تصيح كلمن عنده راي
عافت اليوم و گلت باجر تعود
و باعت گليبي لشخص حاجي وراي
ما عذرتيني اطلبت صورة و حنان
تحملت كلشي و گلت باجر تحن
گلبي بي حسرة سنة مگبعهه ضيم
و بعتي بيهه ايام هم گلتي طعن
و الله فدوة يروح لگليبي الجبير
و فدوة لشهوري الگضت دم و حزن
گلتيله احبك? من شفتكم حيلي راح
و راح مني گليب ما يعرف يچن
و اليفاجئ بيج ماعندج وفاء
و كلشي بيج يصيحلي عيونك سفن
ربَّت عيوني دمع حد ما كبر
زغرت متوني الحمل حدَّب ضهر
هدلن جتافي العضم يهوه الحضن
بمگفاج زندي ايباس ماصارن خضر
الله وي الواحد الماعنده احد
و انتي الله وياج روحي بلاية رد
عاتبت اهلي بوكت من جذبوج
مثلي مثل اليشحذ گبال الشرد
قارنت بيج الذهب حته اشتروج
و بعتي گلبي لواحد يبيع الذهب
باعج گبالي بثواني و من حجاج
ما خله بيج هدوم يلبسهه المحب
جذبة بيضة نعيشهه لخاطر رضاج
و گلبي عاش بديرة تتنفس جذب
هبت الريح بمواسم مو خريف
و نفحة الفرحان ما تعرف تهب
الحطب يهوه النار لو حنت علييه
و انه گصبة ب وسط نارج ملتهب
الجذبة حلوة تلوگلج يلله تعاي
كملي قصتج و انه اصدگ بلجذب
كملي سالوفة محنة و عشگي صيف
و انه ادفي ضلوعج و حته الگلب
جذبت اهلي و صرت عايش عليج
لا انه اكدر اعترف انتي الذنب
لا انتي فصلية عشاير تننهب
لا بينة ملح و غزر و نشنة العنب
ما طاحت حلوگ الشماته من التعب
و لساني شيَّب من وكت من العتب
مرتاحة گالوا يا مرض ? يهوه الگلب
شو حتة گلبي بلا گلب يهوه الصعب
جذابة طلعت لا مرض بيهه و حجت
حته المرض من الجذب حيه التحب
و الفرگة صارت من صدگ و استنتجت
اني المريض من الجذب انسه السبب
لحد اخر (الو ) ببيناتنة يدور العشگ
و تزوجَت غيري و نمت وي الحطب
لحد هاي القصيدة و ينتهي كل الصدگ
و تشگشگت كل القصايد و الكتب

.
.
#R&H

#حيدر_الساكني