لوكيميا الحب

و تكابلت الكلوب!؟

✒ ٢٠١٩/١/٣٠
.
من يوم العرفتج و تگابلت الگلوب
من گتلج احبج صار ماضينة
ماضينة بگفانة و هسه نعلن كون
نبدي من الصفر و نصلح البينة
جا مدري البشر من العشگ متعوب
و اليعشگ صدگ تنسد درابينه
و مدري اليحبني يگول أنه وياك
واحد ما نصير ثنين تالينه
صرنة ثلاثة اني و انتي و القرآن
احلفي بداعة الله و قبلته و دينه
مااعوفك ابد لو زفة لو تابوت
لو حضنك الي لو لليراضينه
خليني اعله حل لو روح لو خليك
هي المشكلة بحبنة لو بلتسوينه ؟
ميصير الوجع ميلوگ للعشاگ
هي الفرگة تكتل و اللمة تنهينه
أرتاح بعشگنة و بلزفة و التابوت
نختار المو وجع خلينه خلينه
و الزفة الصدگ يم الله حيل تلوگ
يعني الموت صار جعوب رجلينه

#حيدر_الساكني