في قصر عائلة روزفلت..كرشها لفمها..و شادة خصرها.. كالعادة الوجع يقطع فيهاا..و دور فالصالون..مشي منجمة تجمع كيف ناس..دخل ولدها يجري من باب القصر..حبس عندها يلهث..بيسك كان يلعب فالجنينة..
أوليفر:و هو يشوف فيها ببرائة: شبيك ماما..أختي معذباتك..و هو يبوس في بطنها: آآآآه؟؟
ديبرا:و هي تتوجع..و تبسمت محبتش تخلعوا كثر: أه..أولدي حابة تخرج تلعب مع خوها..في أسرع وقت..و فرفشت شعره..
أوليفر: ضحك بفرحة..و هو يصفق: ياااي..أختي جاية..على هذي الكلمة دخل أوكرون بكل هيبة..رغم صغر سنه..إلا أنوا عنده شخصية قوية..
أوكرون:و هو مقوس حواجبه: واش كاين..أوليفر..
أوليفر: بفرحة: ماما قاتلي أختي..خلاص راح تجي..
ديبرا: جهد تبسمت بسيف..و أوكرون ضحك بإستهزاء..على ولد عموا..و كمل طالع درج..ولا علبالوا..جهد خطى خطوة..عيطت مرت عموا بالجهد..دار مفجوع..و أوليفر شاد البكية بسيف..جاو الخدمات يتجاروا لعندها..يفلواا فيهاا..عيطت رئيسة الخدم لطبيبة لي فالقصر..بحكم كاين طاقم طبي فالقصر..لأي شي يصيرلهم..يلقاو أطباء يهتموا بيهم..
جات ليها طبيبة نتاعها..
طبيبة: واش بيها..واش صرالها..واش بيك أ مدام..
ديبرا: مقدرتش ترد عليها..غير تعيط..قلبت القصر بعياطها..عرفت أنوا جا وقت تولد..
طبيبة: تصلوا بمسيو إدريس..المدام راح تولد..استعجلوا..
راحت رئيسة الخدم اتصالت بيه..و خبراتوا..غير سمع بالخبر..دق قلبه بقوة..من جهة فرحان لأنوا راح يشوف أميرتوا لي ستناها هذا شحااال..و من جهة خايف على محبوبتوا..خرج يهرول مالشركة حارق طريق..أما عند لولاد أوليفر يبكي على أموا..لي عياطها قالب غرفة العمليات..لي وصل حتى البراا..و مرت عموا و كل عائلة روزفلت..واقفة على نااار..يستنوا وقتاش يخرج أي واحد يطمنهم عليها و على البيبي..حتى سمعوا صوت رقيييق صغيووور..في هاذ لحظة وصل إدريس..غير سمع صوت بكى لبيبي قلبوا دق مالفرحة..
خرجت طبيبة رافدة فيدها البيبي..
طبيبة: مبروك ليكم..مبروك مسيو إدريس..جاتكم بنوتة تهوووبل..ربي يحميها مالعين..و مدتهالوا..
حملها إدريس و هو يسمي و يبارك..
إدريس: يهمس في وذنها: الله أكبر الله أكبر أشهد أن لا إله إلا الله أشهد أن محمد رسول الله حي على الصلاة حي على الصلاة حي على الفلاح حي على الفلاح الله أكبر الله أكبر لا إله إلا الله..أنتِ إسمك تولين..إسمك تولين..و باس جبينها..خطفتهاله أموا تبوس و تبارك..
ليلى: تبارك رحمان..قمر يا ناس قمر..تهوووبل ماشاء الله..باستها و باست ولدها..ربي يحميهالكم أولدي..
يعقوب: يا مرا هات نشوف حفيدتي..شبيك لصقتي فيهاا محبيتش تطلقيها..
ليلى: ستنى شوي نشبع منها..و زيرت عليها..و تبوس..محبتش تطلقها..
أوكرون: نطق مكره: شبيك ماني..طلقيها خليهم يشوفوها..
ليلى: أسكت يا ولد..و خنزرت فيه..قلب عينيه أكرون..حتى طلقت تولين حلوقها تبكي..خطفهالها أكرون..
غير حملها سكتت تشوف فعينيه..
أوكرون: جمد في بلاصته..يتأمل فيها..قلبه دق بالقاوي..حس بإحساس جديد..معرفش واش هو..باس جبينها..و مدها لجدو..و أوليفر يحوم على راس جدو زي النحلة..حاب يشوف ختوا
أما إدريس..دخل لعند ديبرا يطمن عليها..
إدريس:يبوس في جبينها: مبروك يا عزيزتي..ألف مبروك..زادت عندنا بنوتة قمر يا روحي..
ديبرا: وهي تتبسم : بالحق يا روحي..
إدريس: والله يا عزيزتي..تحب تشوفها؟؟
ديبرا:بفرحة و عينيها قلوب: أكيد حبي..جيبهالي نشوفها..يعيشك
إدريس:باس جبينها و وقف: استنى دقيقة..و خرج يجيب بنتو..لقاهم هاجمين عليها..ها لي يبوس..ها لي يفلي فيها..راح ياكلوهاا..راح يجري نطرهالهم..
إدريس:شبيكم هجمتوا عالطفلة..
أوكرون: راك تشوف أ عمو..تقول جامي شافو طفلة يا ديني..
إدريس: بإفتخار: أكيييد..هي حفيدة روزفلت..و محلاهاا..أجمل هدية عطاهالنا ربي سبحانو..
و مشى داخل عند ديبرا..لقاها تستنى فيه على نااار.. غير حطهالها في حجرها شهڨت و بدات تبوس فيها و تبكي..دخلوا بقية العيلة يسكتوا فيهاا..
(هذي بداية قصة بطلتنا 😌 و مزال ليام جاية و المفاجآة جااايين..نستحق دعمكم برك)
أنت تقرأ
أسير طفلتي
Romanceأسير طفلتي🔥❤️ ✒️By:Farah✒️ ❌🙂ممنوع النقل بذون إذني 🙂❌ هو يقول: عندما رأيت عيناكِ..أول مرة أقسمت أنكي لي..منذ أن خلقتِ..شئتِ أم أبيتِ..فإنتي لي أنا..💪😌 هي تقول: قربِك نار..و بعدِك عذاب..فأنا لست إلا طفلة بريئة..لا أعرف معنى هذا الإ...
