قعدوا جالسين خالقين جو عائلي بإمتياز..بعد مدة ناضت جوليانا و تبعتها تولين..استأذنوا من العائلة و طلعوا يرقدوا..بيسك غدوة يقروا..
جوليانا طالعة سابقة تولين..زعما مقلقة منها..و تولين تابعتها و حابسة الضحكة..حتى عنقتها م اللور..و دغدغتها حتى لي ضحكت..
جوليانا..و هي تضحك و تحاول تحبس ضحكتها:بعدي مني..مزالني مقلقة منك..
تولين..دلات شنينفاتها بطفولية..
و طلت عليها: يااكي!!..تتقلقي مني أنا!!..
جوليانا..شافت فيها بنص عين..منظرها جابلها الضحك..عيات حابستها و طلقتها بضحكة تسمعات ف هذاك الكولوار..و عنقتها جنب..و قرصتها من خدها: و علاه أنا نقدر نتقلق..م الفريزة ديالنا..أمممم!!
تولين ضحكات..و باستها من خدها..حتى قاطعهم أوليفر..
أوليفر..و هو يشوف بإستفزاز في جوليانا: سمعت وحد الضحكة..كيما تاع سكايرية..و شاف في تولين بتساؤل زعماا..و مصطنع علامة اندهاش على وجهه: متقوليليش بلي نتي أ تولين..هاذي ماشي ضحكة يضحكوها لبنات..
تولين..شافت فيه بإحراج..عرفاته باغي يستفز جوليانا..و رجعت شافت في جوليانا..لقات وجها حمر..باغية تطرطق..و علامة الغضب باينة في وجها..
جوليانا..زيرت على قبضة يدها..و شافت فيه بغضب: حشااك..إذا ضحكتي كيما ضحكت سكايرية..إذا كان نتا ماعندكش الذوق هذيك حاجة وحدخرة..أنا بضحكة مني نطيح عشرة..
أوليفر..شاف فيها بمعنى واش منيتك: ب هذيك الضحكة طيحي عشرة!!..
جوليانا..رجعت شعرها اللور بغرور..و شافت فيه: وي..إذا مأمنتنيش سقسي تولين..
تولين..شافت في خوها ببرائة: آه..أ خويا..لولاد لي يقراو في مدرستناا كاامل يوقفوا و يضحكوا مع جوليانا..وقيلة تعجبهم ضحكتها كيما قالت..
جوليانا..شافت فيها بإفتخار..و هدرت معاها غير بشوية باش ميسمعهاش أوليفر: عرفتي..نتي الحب..نتي واه صحبة..ممممح يخليك ليا زين..
تولين..سمعتها و شافت فيها باستغراب..مفهمتش علاش قلتلها هكاك..أما أوليفر زير على قبضة يده..و تقدم عند جوليانا..حتى ولا وجها قريب من وجهه..و نطق تحت سنانه: راكي تروحي تقراي..و لا ديري الكلون فالمدرسة؟!..
جوليانا..شافت فيه باستغراب: كيفاش!!..
أوليفر..بعصبية و بصوت عالي..حتى لي قفزوا بزوج: سقسيتك جاوبي..راكي تروحي تقراي..ولا ديري جمايع مع زوامل..
تولين خرجات عينيها..و وجها ولا حمر من الهدرة لي قالها خوها تالية..و جوليانا قلبات عينيها: و نتا أش دخلك..نقرا ولا ندير جمايع..أمممم!!
أوليفر..رفع يده باغي يصفعها..و تراجع في آخر لحظة..و نطق بالغوات..و عينيه حمرين بالأعصاب..حتى لي خلعهم: غبري عليااااا.. منشوفش وجهك..درڨي عليا كمارتك يلاااه..
بالخلعة..راحوا يتجاراو لزوج..كل وحدة دخلت لغرفتها و بلعت بابها..خلعهم و خوفهم..مفهموش ماله.. كيفاش تقلب عليهم تم تم..
تولين..عضات على شفتها بقلق على خوها..مفهمتش ماله علاش تعصب هكاك..و كملت طريقها لدوش باش تغسل سنانها..و ترقد..
و حتى جوليانا..عضات على ضفارها بخوف..و مزال منسرطتلهاش كيفاش بغاا يضربها..عمره و لا رفع يده عليها..موالف يتعصب و لكن ماشي حتى لهاذ الدرجة..و راحت لدوش هي ثاني باش تغسل و ترقد..
أما عند أوليفر..قعد واقف تماك شافهم كيفاش تخلعوا و راحوا يتجاراو لغرفتهم..زاد زير على قبضة يده بعصبية و قلب أدراجه لغرفته..يريح راسه شويا و يرقد.. malgré طيرتهله البرهوشة..بالأعصاب..
أنت تقرأ
أسير طفلتي
Romansأسير طفلتي🔥❤️ ✒️By:Farah✒️ ❌🙂ممنوع النقل بذون إذني 🙂❌ هو يقول: عندما رأيت عيناكِ..أول مرة أقسمت أنكي لي..منذ أن خلقتِ..شئتِ أم أبيتِ..فإنتي لي أنا..💪😌 هي تقول: قربِك نار..و بعدِك عذاب..فأنا لست إلا طفلة بريئة..لا أعرف معنى هذا الإ...
